تسعيير السيارات المستعملة هدية لاعضاء نايل موتورز (الجزء الثالث)

[amr_2010]

يا ريت سعر العربيو ديه
تويوتا كورولا 2006 جميع الكماليات اتوماتيك 1300 العربية خليجى فيها زيادة اسبويلر
العداد عامل 42000 كم
العربية فابريكة برة و جوة راشة اكصدامين فقط مفيهاش خدوش حالة فوق الممتازة
العربية كانت مرفوعة لمدة وفيها طقم كاوتش جديد
تعمل كام واخرها كام

[mmans]

جيتا 2008 4 الاف كيلو هاي لاين زينون فاتحة سقف سخانات كرسى فابريقة بالكامل

[sedyrohy]

السياره : هوندا سيفيك ex
سنه الصنع : 1993
المحرك و الجير بوكس :1600 اوتوماتيك كربراتير
الحاله الداخليه : فابريكا المصنع
الحاله الخارجيه : رش نظافه
العداد : 198700
ملاحظات : السياره وارد من امريكا سنه 2002 و مرفوعه حتى 2009
لا يوجد بها اي مصاريف

[hmsayed]

هيونداي ماتريكس- موديل 2008- اتوماتيك- 24 الف كم
1600 cc
فابريكة بره و جوه
حساسات ركن و نواكل اكر
صيانة بالتوكيل

[khalidic]

أ. شريف
بعد إذنك:
تويوتا كورولا - 2007 -1300 - كاملة اوتوماتيك - 7000 كم فقط - فابريكة دواخل و خوارج بالكامل
سعرها العادل كام ؟

[الريس]

بعد الشكر و التحية و الدعاء


محتاجين تسعير شيروكي 2008 ماشية 80 الف كيلو فضي فبريكة جوة و برة و فيها تجريحة بسيطة في دوران الرفرف
صاحبها عامل بعض الصيانات في التوكيل .. مفيش اي اضافات و الصالون 85%
مرور شبرا و التجديد في خلال شهرين

[esmatag]

تعمل 32 الف باعتبارها بالمواصفات المذكورة و1500 سي سي

السلام عليكم أ / شريف
أرجو تسعير سيارة هيونداي إكسل موديل 94 خليجي كامله . مانيوال . سنتر و انذار . 4 زجاج كهرباء . وحدة رفع . تكييف . فابريقة دواخل بالكامل . رشة بره نظافه . حالة الموتور جيده جدا و العفشه جيده جدا . يوجد شرخ صغير بالاكصدام الامامي . عامله 274000 كم
و شكرا

أ/ شريف شكرا لاهتمامك و ردك
بس هي 1300 سي سي كده يبقى السعر كام

[sherifowahba]

لانسر 98 رشه بره
من الداخل رشه الشنب واالرفرف اليمين الجلفى واجزاء من الشنطه
السقف مرشوش
تكييف وباور
ماشيه 206000 كيلو
1300
متغير لها قواعد موتور النهارده
الرش الخارجى من يومين

كده قليل اوى يا استاذ شريف ده انا شاريها ب47000 من 4 شهور بس معرفتش العيوب اللى انا ذكرتها دى الا من فتره قصيره وعاوز اقول للمشترى عليها
ارجو من حضرتك توضح لى انت ليه سعرتها كده؟؟؟

لا يافندم سبب السعر المنخفض ليها التالي :
1 العربية رشة شنب بالكامل
2 الرفرف اليمين الخلفي مرشوش من الداخل يعني الشفف بتاعته كلها مرشوشة
3 رشة اجزاء من الدواخل في الشنطة
4 العربية تكييف وباور فقط مش كاملة
كل ما سبق يؤدي الي ان العربية مخبوطة من الامام ومن الخلف و هاف اوبشن وعداد الكيلومتر عادي مش مميز
العربية الي دواخل شركة بالكامل ونفس الموديل والحالة النهاردة بدون مصاريف تعمل 44500
ولو رشة شنب بس ونفس الحالة سعرها السوقي 42 الف يبقة لما نزود عليهم رش الشنطة والرفرف الخلفي يبقة سعرها هيكون كالتالي
بس هي المشكلة ان واضح ان حضرتك شاريها علي اساس انها فبريقة دواخل بالكامل فربنا يعوض علي حضرتك وممكن تعلي كمان عن السعر الي انا قلته لحضرتك الف او الف ونصف لو السوق طالب
ارجو ان اكون وفقت في توضيح الصورة لحضرتك وانا تحت امرك لاي استفسار اخر في اي وقت

[motamed]

يا أستاذ شريف كويس ان انت متواجد دلوقتي عشان أنا نازل بكرة

يا أستاذ شريف كويس ان انت متواجد دلوقتي عشان أنا نازل بكرة أشتريها هي ماروتي 2008 عاملة عداد 24000 ك وفابريكة كلة ماعدا الرفرف اليمين اللي قدام مرشوش والصيانة مش في التوكيل يعني خرج من الضمان يا ريت حضرتك ترد عليا بسرعة
أنا ممتن لمساعدتك ويا رب ربنا يساعدك أحسن مما بتساعدنا

[ayman_83]

أستاذ شريف بعد التحيه
عربيه بروتون جين 2 2008 اتوماتيك رشه بره نظافه فقط وفي اوراق تدل علي انها رشه اجزاء عشان الخرابيش فقط
عداد 37500 كيلو حساس خلفي تكيف باور 4 زجاج كهرباء مثبت سرعه عتب وكساحات فبريكه كانت هاي لين 1600 سي سي كاسيت سي دي فبريقه سنتر جنوط 15 فبريكيه ياريت بعد اذنك تسعرهالي في اقرب فرصه
ونصيحه شخصيه منك ايه رايك في العربيه دي عمتا

[M0dY]

السلام عليكم
برجاء تسعير ميجان 2007 كامله عدا فتحه السقف
فابريقه حاله جيده جدا ماشيه 60 الف
و الف شكر لحضرتك

[vinosse]

تعمل 44500

ياباشا انت كنت معايا وانا بشترى ولا اية
انا جبتها بالسعر دة بالضبط
وكنت حاسس انو انضحك عليا
طمنت قلبى
الف شكر على اهتمامك

[crazyspicy]

عاوز عربية بــ 35000 جنيه وماشغلش بالى بيها تكون ايه

[amr78falcon]

سياره استيسن تيوتا كورلا موديل 84 فبريكه لسه اول مره ترش بهيا بره الدواخل فبريكه كوتش جديد كانت مرفوعه 8سنوات لسه مشدوده من كلوه عفشه جديده فيها كست جديد وسمعات جديده مكنه استندر لسه محلتش خالص استعمل بيتى
وياريت كمان ريجاتا موديل 88 فبريكة دواخل - لون ابيض - طقم جنط - كاوتش جديد - بطارية جديدة - تكييف ثلاجة
وايهما تفضل معلش بنتقل عليك

[sherifowahba]

دايو لانوس 2 مو 2000 كامله مانوال تكيف باور سنتر زجاج مرايه يمين كهرباء ماشيه 104 كم
رشه خارج دواخل فبريكه فيها خبطه من السدر الامامى ومروده على البارد
لسه عامله طقم شنبر والمتور حالته كوسه جدا احتمال يكون فيها شغل بسيط فى العفشه زى جلب وكده
مشكلتها انا اسرقت ولقاها منغير كبوت ولا ابواب ولا اكصدمات ولا شنطه ولا كنبه خلفيه ولا تبالوه ولا كاوتش فالحاجات ده كلها جابهم وربكبهم
والعربيه ماشيه كويس جدا وانا شايف انها مفيهاش اى مشاكل خالص
ياترى العربيه ده تعمل كام ومع العلم انه طالب 38 الف جنيه

لو دواخلها كلها شركة وحتة الشنب علي البارد وزنبها سليمة وبدون مصاريف تعمل 37 الف