تسعيير السيارات المستعملة هدية لاعضاء نايل موتورز (الجزء الثالث)

[sherifowahba]

كارينز 2010 اوتوماتيك احمر فاميه كاسيت تاتش وجى بى اس وكاميرا abs ايرباج جنط 16 خليجى مفتاح ريموت مسند يد امامى

هي عداد الكيلومتر كام وحالتها العامة وحالة الدهان برة وجوة وفيها تجاريح ام لا ارجو التوضيح

[waleedessawy]

لانسر 2004 بومة 1300 رشة برة
كورولا رموش 2000 برة وجوة
افيو 2007 برة وجوة
نيو اكسنت 2007 برة وجوة
اوبترا 2006 رشة برة
صني 2004 برة وجوة
ماتريكس 2004 رشة برة
فيرنا 2009 برة وجوة
فيكترا 2002 برة وجوة 1600
ده الي حاضر في ذهني حاليا بالنسبة لموديلات الالفينات وعربيات منتشرة

شكرا على سرعة رد حضرتك بس ايه رأيك فى الميجان
و ايه رأى حضرتك هى و لا الفيكترا فى إعادة البيع

[ahmed_halim197]

تعمل 45 الف
وانا رايي ان الشاهين في نزول بالنسبة للاسعار فلو جت بيعم امامك مناسبة توكل علي الله يعني اعرضها وشوف الدنيا معاك ماشية ازاي اذا كنت ناوي البيع

انا جالى فيها اقصى سعر امبارح 43 الف من شخص عادى مش تاجر يعنى اتكل على اللة ولا استنى شوية

[إبراهيم المصرى]

لانوس 204 35الف كيلو متر فابريقه جوه وبره بس سمكرة الجنبين على البارد والكبوت والشنطة مخربشين و خبطه من تحت دخلت فى جزيرة واتصلحت والحالة العامه معقوله وهاف اوبشن تكيف وبور وكاسيت وسنتر

[thelegend_0001]

السلام عليكم

استاذ شريف... شاهين موديل 2002 ماشية 85000 حالتها نضيفة جدا مرفوعة 3 سنوات فابريكة دواخل بالكامل رشة برة استعمال طبيب ...يا ترى تتباع على كام ؟ و شكرا مقدما لحضرتك

[skyline]

بجد موضوع هايل ربنا يجازيك خير على مجهودك
اهه المواصفات

1 - مازدا 323 موديل 82
2 - 1300
3 - سى دى سونى حالته كويسه بسماعتيمن كينوود وبيوصله شاشة عرض - معاها طقم عجلات كامل عريض ثمنه كان 2150 وبقاله سنه بخلاف ان الاصليين موجودين وشغالين - مانيوال - تانى يد
4 - حالة الدهان اترشت 3 او 4 مرات نضافه
5 - كميكانيكا بيتعملها صيانه كل شهر ومبيتسبش فيها حاجه وعفشة كويسه صالون متنجد احمر فى اسود وشكله جميل - والبطاريه تعتبرجديده مبقالهاش 3 او 4 شهور وشغاله زى الفل
6 - فيها مصاريف جرح فى الدهان واحد خدشها وهيا مركونه اخدت خط بطولها وفوق العجله خدش واحد كان بيركن جنبها الله يسامحهم والشنطه عايزه تتظبط دهان يعنى مصاريف على خفيف قوى

[skyline]

وبالنسبه لعامله كام هيا قفلت عدادها من 5 شهور كده

[allisk]

برجاء تسعير نيسان صني ex اوتوماتيك موديل 2010

السلام عليكم
استاذ شريف
معلش انا تاعب حضرتك معايا
برجاء تسعير نيسان صني ex اوتوماتيك موديل 2010 من غير abs ماشيه 10900 كم . اللون ذهبي . لسه محتاجه تعمل صيانة ال 10000 . فبريكه بره وجوه. الأكصدام الأمامي و الخلفي محكوكين حكه بسيطه. يوجد نقره في منتصف الزجاج الأمامي. اول يد. رخصه باقي فيها 8 شهور.

وهل صحيح ان الزيره بتاعها اترفع سعروا من 90 الي 92 .

الف شكر لحضرتك

[noda007]

هي عداد الكيلومتر كام وحالتها العامة وحالة الدهان برة وجوة وفيها تجاريح ام لا ارجو التوضيح

17 الف وفيها بعض التجريح فى الاكصدام الامامى جوة العربيه زيرو وصيانة منتظمه فى الشركه

[ahmedadel209]

لو سمحت يا استاذ شريف

اسبرانزا 516 موديل 2008 عامله 17000 كيلو

كانت عامله حادثه فى الشنطه ومؤثره على القايم اليمين و مغيره الشنطه و ملحومه و مرشوشه من الداخل

و رشه حزام بالكامل

و السقف و الكبوت فابريكه و الموتور حالته 80%

تسوى كام العربيه دى ة تنصحنى بيها ولا لا

مع العلم انتى مش هاغير العربيه قبل 6 او 7 سنين

[aqaba]

سياره بولو 2001 عامله 70000كم كامله مانيول حاله جيده فبريكه بره وجوه

[samoreception]

سيارة اوكتافيا a5موديل 2007 خليجى لون شامبين ماشيه 44 الف كاملة ماعدا فتحت السقف ويوجد جنوط وكالة وتحكم تاره وكراسى جلد واستبترونك ومثبت سرعة فابريقة بره وجوه والسيارة مالك اول ولكن تم رش جزء من الكبوت لسقوط جسم صلب عليه يوجد فى حدود 10 خدوش فى جسم العربية الخارجى وبالنسبة للصالون من الداخل بحالة الفابريقة جميع الكماليات تعمل بكفاءة جدا تم الكشف على السيارة بالكمبيوتر وفى اكثر من مكان ولا يوجد بها اى مشاكل نهائيا لكن يجب تغير الكاوتش وتيل الفرامل الخلفى والزيوت والفلاتر عند سيرفس ال50 الف ان شاء الله ارجو المساعدة فى تسعير السيارة ولكم جزيل الشكر والاحترام بمساعدتكم فى الخير,,,,,

[superman2]

سيارة هيونداي فيرنا موديل اخر 2006 - 1500 سي سي مانيوال راشة اكصدامات - فول اوبشن - كاسيت سي دي lg - كشافات شبورة اصلية - طقم جنوط سبور - فرش جلد طبيعي - جميع اعمال الصيانة بالتوكيل - عاملة 107000 كيلومتر - حالة الدهان ممتاز وحالة الموتور ممتاز لا تحتاج اي مصاريف ....... شكرا علي المجهود

[Milombia]

استاذ شريف لو سمحت،
لادا 2107 موديل 2008 شهر 5 بالظبط اول يد، 1600 cc، باور، سماعات lg، فابريكة برة جوة، بها خدوش لكن سايبها عشان تفضل بحالتها، لون فضي، ماشية في ال 3 سنين حوالي 26 ألف. حالة السيارة عامة جيدة جدا.
شكرا لحضرتك.

[sherifowahba]

شكرا على سرعة رد حضرتك بس ايه رأيك فى الميجان
و ايه رأى حضرتك هى و لا الفيكترا فى إعادة البيع

الميجان عربية محترمة بالتاكيد بس سهي علي اني اذكرها لكن في اعادة البيع الفيكترا شغالة بنسبة اكبر