تسعيير السيارات المستعملة هدية لاعضاء نايل موتورز (الجزء الثالث)

[mohmedaboud]

ممكن اعرف من حضرتك سعر ابيزا 99 ماتور 1000 سى سى عداد 160 الف كيلو فبريكه دواخل رشه خوارج بالكامل فيها باور و4 زجاج كهرباء ومانيوال وفيه واحد مش شغال وفيها رخصه شهر ونصف ولا يوجد فيها تكييف ولسه مخبوطه فى الجنب الشمال اللى جنب السواق ومحتاجه رفرف او يترد على البارد ومحتاجه كمان فوانيس شمال وكمان على كلام الراجل صاحب العربيه محتاجه كرتيره

وانا لسه مش رفعت العربيه بس عاوز اقيمها واتفق على سعر مبدئى قبل الشراء


سعرها كام فى السوق وعدلها لحد كام وطبعا من غير مصاريف اضافيه

[احمد المصرى]

انا مش فاهم حاجة استاذ احمد بس هي شكلها خناقة بس اسمحلي افهم هي العربية الي كانت بتتسعر دي عربيتك يعني ولا زيها
ارجو التوضيح

استاذ شريف اخبار حضرتك ايه


الموضوع مش خناقه ولا حاجه بس انا من ساعات لقيت رساله على الموبيل ان واحد عايز يشترى العربيه وانه من نايل موتورز وانه اخد رايك فى العربيه وحضرتك قلتله 61 الف انا قلت احتراما ليك واحتراما للمنتدى مش هتفرق الفلوس فى داهيه الفلوس مقابل الناس المحترمه فبعتله رساله بقوله تشرفت بيك بس قبل ما نتكلم فى فلوس لازم تشوف العربيه بهدف انى هتفق معاه اذاى فى رساله موبيل وهو مشفش العربيه



وانا بتصفح موضوعك لقيته كاتب بيانات عربيتى بس بطريقه غير صحيحه اطلاقا واسلوب مش تمام مثلا انها فيها توكيلات كتير اوى مش فاهم يقصد ايه بالجمله دى اطلاقا فقلت لازم اوضحله الصوره وانى احترمته علشان من نايل موتورز وانه قال انه حكمك فى ثمن العربيه لو مكنش قال كدا استحاله كنت هرد عليه برساله لان ال مش قادر يدفع 20 قرش ثمن دقيقه تليفون يبق استحاله يقدر يدفع ثمن عربيه

علشان كدا حبيت اوضحله الصوره وانه لازم ينقل الصوره صح وباسلوب كويس مش اكتر


وانا بعتزرك بس اسلوبه نرفزنى

[maikymak]

تقييم عربيه سيراتو 2010

اولا مساء الفل على احلى منتدى

انا عاوز اشترى عربيه سيراتو 2010 وكيل بس خرجت بره الضمان علشان بيعمل الصيانه بره
مواصفاتها : جنت 16 , 1 اير باج , تحكم للصوت من الطاره , تكيف بكر, اتوماتيك, ريموت, وعامله 30,000 كيلو , بس بحاله كويسه ومش مرشوشه ولا جوه ولا بره

ومطلوب فيها 100,000 جنيه بس انا متهيالى انهم كتير عليها فا قلت استشير حضرتك وانت اللى تفيدنى


والف شكر مقدما

[Ossamaaly]

كليو 2008

السلام عليكم ورحمة أستاذي الفاضل،

أرجو من حضرتك إعطائي سعر لسيارة رينو كليو بالمواصفات التالية:

- موديل 2008
- عداد 105000 كيلو
- فابريكة بالكامل
- 4 زجاج كهرباء
- 1400 سي سي
- اللون أسود
- السقف به تعوجات والمالك لا يعرف السبب
- الغيار الثاني به عضة ويصدرصوت خشن عند الغيار


وجزاك الله كل الخير

[cvt2008]

أولا وقبل كل شىء
أنا أسف ليك أستاذ أحمد المصرى
وأسف ليك أستاذ شريف وهبة لأنى حطيتك من غير قصد فى موقف بايخ جدا
أستاذ احمد انا مقصدش انى اقلل من مواصفات عربيتك
وانا مزكرتش مواصفاتها بالضبط تحاشيا لأنى اسببلك اى لخبطة فى عرضك للعربية
ومقولتش على باقى المواصفات لأن اللى بيوصف عربية عشان يعرف سعرها بيكون شافها
وأنا زى ما قولت لحضرتك من سوهاج ومسافتى بعيدة وسفر
وبثق جدا فى رأى الاستاذ شريف
وان ساعة ما بعتلك الرسالة مقصدش اوفر 20 قرش تمن مكالمة
أنا بس كنت راجع من الشغل تعبان ومنمتش ليلة أمبارح عشان ضروسى وجعانى جدا
وأنا لسة صاحى من شوية وذهلت أما لقيت الكلام بتاعك أدامى
وانا بعتذرلك أدام كل اعضاء المنتدى المحترمين وفى صفحة الاستاذ شريف اللى أتمنى من ربنا أنة يسامحنى على الخطأ الغير مقصود
,انا هتصل بيك أستاذ احمد عشان اعتذرلك فالتليفون
والله والله والله بجهز ففلوسى عشان أكون عندك بأذن الله يوم الجمعة
وربنا الموفق
والله على ما أقول عليم شهيد
وهتعرف أنك ظلمتنى

[cvt2008]

أحب أوضح
انى اتصلت بالاستاذ احمد المصرى كذا مرة وبعتلة كذا رسالة ومرضيش يرد عليا
انا بكرر اعتذارى له
ومسامحة لو كان غلط فى حقى وبطلب منة يسامحنى لو كنت أذيتة فى أى حاجة
وأتمنى من الاستاذ شريف ما يزعلش منى
وأنا أسف
والله الموفق

[احمد المصرى]

أولا وقبل كل شىء
أنا أسف ليك أستاذ أحمد المصرى
وأسف ليك أستاذ شريف وهبة لأنى حطيتك من غير قصد فى موقف بايخ جدا
أستاذ احمد انا مقصدش انى اقلل من مواصفات عربيتك
وانا مزكرتش مواصفاتها بالضبط تحاشيا لأنى اسببلك اى لخبطة فى عرضك للعربية
ومقولتش على باقى المواصفات لأن اللى بيوصف عربية عشان يعرف سعرها بيكون شافها
وأنا زى ما قولت لحضرتك من سوهاج ومسافتى بعيدة وسفر
وبثق جدا فى رأى الاستاذ شريف
وان ساعة ما بعتلك الرسالة مقصدش اوفر 20 قرش تمن مكالمة
أنا بس كنت راجع من الشغل تعبان ومنمتش ليلة أمبارح عشان ضروسى وجعانى جدا
وأنا لسة صاحى من شوية وذهلت أما لقيت الكلام بتاعك أدامى
وانا بعتذرلك أدام كل اعضاء المنتدى المحترمين وفى صفحة الاستاذ شريف اللى أتمنى من ربنا أنة يسامحنى على الخطأ الغير مقصود
,انا هتصل بيك أستاذ احمد عشان اعتذرلك فالتليفون
والله والله والله بجهز ففلوسى عشان أكون عندك بأذن الله يوم الجمعة
وربنا الموفق
والله على ما أقول عليم شهيد
وهتعرف أنك ظلمتنى

لا يوجد اسف بين الاخوات يا باشا وانا بعتزور لو كان اسلوبى رخم بس يعلم ربنا ان العربيه دى عزيزه عليا جداااااااااا ويمكن انا فهمت كلامك غلط على العموم انا بعتزر ليك وكل سنه وانت طيب وربنا يبلغنا رمضان

[احمد المصرى]

أحب أوضح
انى اتصلت بالاستاذ احمد المصرى كذا مرة وبعتلة كذا رسالة ومرضيش يرد عليا
انا بكرر اعتذارى له
ومسامحة لو كان غلط فى حقى وبطلب منة يسامحنى لو كنت أذيتة فى أى حاجة
وأتمنى من الاستاذ شريف ما يزعلش منى
وأنا أسف
والله الموفق

فعلا حضرتك كلمتى بس كنت نايم من ارهاق الشغل طول اليوم على العموم حصل خير يا باشا وفى المنتدى هنا كل الناس اخوات ومفيش اى مشاكل ان شاء الله

[DODICANDY]

فيات سينا 2008 عاملة 60 الف. دواخل فبريكة. راشة حزام نظافة بالتوكيل من 8 شهور
اية رايك فيها ؟؟ وتعمل كام؟؟

[cvt2008]

شكرا ليك أستاذ أحمد
ودة برضة كان عشمى
وكل سنة وحضرتك والمنتدى ومصر والأمة الاسلامية بخير
صدقنى لو مكنتش قبلت اعتذارى
أنا كنت هبقى فى قمة الخجل انى أدخل المنتدى دة تانى

[ahmed moustafa]

2006 كلاسيك برة وجوة وعداد كيلومتر مناسب وممكن تزيد الف او حاجة بسيطة
او 2007 كلاسيك رشة برة ودواخل شركة وعداد مناسب

الف شكر استاذنا الغالى

[dfdfdf]

لوسمحت أنا عايز أعرف سعر سوبارو إمبريزا موديل 2004 1600 cc ماشية 120 ألف كيلو جنوط سبور 17 رشة برة و دواخل فابريقة

[sky_top2005]

شيفروليه اوبترا 2007

كامله

مانوال

بحالة الزيرو تماما ماشيه 18 الف كيلو بس

فبريكه بالكامل

كم سعرها ؟؟؟؟

[arakysolom]

أ/شريف بعد التحية الرجاء من حضرتك تسعير كورولا وارد قطر مو 2011 اوتوماتيك بدون جنوط او فتحة سقف استعمالها عبارة عن المشوار من قطر لمصر و شكرا

[mohmedaboud]

ممكن اعرف من حضرتك سعر عربيه جولف 3 ماتور 1600 سى سى فبريكه دواخل وخوارج وفيها ايرباج وايه بى اس مانيوال كامله

والجولف 3 يتكون من موديل سنه كام لكام فى سنه الصنع