تسعيير السيارات المستعملة هدية لاعضاء نايل موتورز (الجزء الثالث)

[sherifowahba]

لانسر ميراج 2001 1800 سي سي ....المبدأ لوحالتها كويسه ..هل قطع غيارها متوفره ام لا وهل اسعارها زي اللانسر العادي ولا اغلى؟؟

هي عربية ادائها جميل جدا و سحبها وتجميعها ممتاز
بس شكلها هي شبه الكرستالة من الخلف ومن الامام شبيهة الكولت
قطع غيارها قليلة بس منتشرة انتشار كبير في بورسعيد
اسعارها في رينج ال 55 الي 60 الف للملاكي للحالات المتميزة

[أبوعائش]

واجا 2010 اوتوماتك هاى لاين 6000 كيلو لحالتها
جزاكم الله خير

[kekokelany]

معلش يا استاذ شريف هتعبك معايا بس انا دلوقتي عايز اجيب لانسر سوبر اكشن 07 ولاقيت ان الناس بتتكلم في كلام مبالغ فيه قوي عن الرينج اللي انت قلته ,, فاعمل ايه اروح السوق مع العلم ان فيه ناس كتير قلقتني من السوق وبرده قالولي ان حركه البيع واقفه والتجار اللي ماسكين ورافعين اسعار وكلام من ده ولا ادور بره ولا اعمل ايه ,معلش انا عارف اني بتقل عليك بس ده اكيد من العشم d:

[احمد المصرى]

النيسان تعمل 64 الف
والنيسان افضل من النوبيرا

الف مليون شكر يا باشا

[opelawy]

اولا شكرا جدا لحضرتك وكله من ذوقك
المبلغ الي حضرتك طالبه معقول كرقم مبدئي لكن التنفيذ في البيع بالنسبة للسوق حاليا مابين 35 الي 36 الف

اشكرك
بجد موضوع متميز و رد محترف

ربنا يجازييك كل خير ان شاء الله يا استاذ شريف

[alaacs]

عاوز اشتري عربية بولو فوكس 1300 موديل 95 أو 96 تكون حالتها كويسة وفيه تكيف وبور وإزاز كهربة وسنتر
سعرها يبقى كام؟؟؟
أبل كورسا 94-99 برده فيها نفس الامكنيات دي تعمل كام؟
أنهي أحسن فيهم؟
وهل قطاع غيار كورسا غالية
الكورسا فيه منها 1000, 1200 هل ماوتير دي ضعيفة

اسف للاطالة

وشكرا مقدما

[moh_mse]

استاذنا الجميل شريف لك كل الاحترام والعرفان لمجهوداتك الرائعة في هذا المنتدى الرائع اني من اشد المعجابين بهذا المنتدي الجميل وبمشاركاتك البنأه وخبرتك الواسعه التي لا حدود لها...
طلب باستفسار عاجل لو تكرمت بثنئك,,,
اريد شراء سيارة سولار عائلية تكون مستعملة وقطع غيارها معقولة وتكون كبيرة 7 او 9 راكب مكيفة وتستحمل السفر المستمر في رينج 50000 حتى 55000 ولك مني كل الشكر

[eng_seheet]

العربية المذكورة تعمل 45 الف

م. شريف .. بعد معاينة العربية .. الطابلوه مشقق فوق العدادات كتير .. وفيها خرابيش طويله فى الشنطه والكبوت .. والجوانب .. اللى هى اصلا مرشوشه .. وكان فيها خبطه ومردوده فى الشنطه من تحت .. لكن العفشه والموتور والصاج كويسين .. وطالب 45 ونص نهائى .. رأى حضرتك ايه؟؟ آخرها كام .. وجزاكم الله خيرا

[tiger_target]

اسبرانزا هاتشباك a113 موديل 2009

السلام عليكم.. بجد موضوع رائع و بارك الله فيكم

انا معايا اسبرانزا هاتشباك a113 موديل 2009 عايز اعرف تقريبا تساوي كام عشان بفكر اجيب عربيه فئتها اعلى

العربيه عامله 75 ألف كم و كل الصيانات معمولة في التوكيل (بالفواتير) و فرشها لسه متلمسش عشان انا بس اللي كنت بستخدمها اروح شغلي بس مش خروجات عائلية وكده.

الرفرف بس كان واحد خبطه واترد على البارد بس ده الشئ الوحيد فيها مع نخبشه طبيعيه بتاعت شوارع مصر.

ولك جزيل الشكر على المساعده

[mfs]

تحديد

سلم عليكم برجاء المساعدة فى تسعير الاتى
عربية لانسر 2008 كلاسيك مانيوال 1300 سى سى عدادها 70 الف و شركة برة وجوة مفيهاش خربوش وحالة العربية ممتازة بفرش جلد صاحبها بعد فصال من 77 الف الى 74 الف ج بالعافية و محتاجة 4 فرد كاوتش جداد
فما رايك فى هذا السعر


عربية لانسر2006 كلاسيك مانيوال 1600 سى سى عدادها 49 الف و شركة برة وجوة مفيهاش خربوش وحالة العربية ممتازة فيها خبطة من قدام عند مثلث اللانسر بي من غير رد و لا حاجة لا بارد و لا سخن و فما رايك فىه و صاحبهه بيتكلم فى 73 الف

فمن فضلك قلى كل عربية تخلص على كام و تفضل ايهما هل الموديل على حساب الكيلومترات ام العكس

[wael6]

السلام عليكم
هيونداى اكسيل مو 98 1300 سي سي ,تكييف,سنتر,انذار,رخصة 3 سنين,لا تحتاج لمصاريف,فبريكة من الداخل و الخارج ما عدا جزء صغير بالشنطة, تعمل كلم يا استاذ شريف ولكم جزيل الشكر وهلى جزء الشنطه او البارومه فى الرفرف تعيب السياره فيما بعد

[ahmed_halim197]

مشكورين على المجهود
برجاء تسعير شاهين 1400 سي سي موديل 2008
الحالة ممتازة
انذار+سنتر + كاوتش جديد


الدهان الداخلى فابريكة و الخارجى فابريكة ما عدا باب السائق بة خبطة يجب استعدالها ثم رشها و الترخيص ينتهى فى 12/2010 و بصرف النظر عن هذا لا تحتاج مصاريف

[Mohamed.Mohsen]

رينو لوجان اه ام لأ

أستاذ شريف لثقتي الكبيرة بك ومعرفتي لك من شهور لي طلب خاص وحياة اولادك لاني في حيرة شديدة ممكن تلقي نظرة سريعة علي موضوعي ده http://www.nilemotors.net/Nile/185953-2011-2.html
وتقولي كلمه واحدة اه او لأ اشتري ولا لأ كانك بتشتريها لنفسك او لاخوك ولو فيها حرج رد علي علي الخاص

مع خالص الشكر والتقدير

[imi]

السلام عليكم
ممكن أستاذ شريف تسعير العربيتين:
الانترا الشيب القديم 2006 اوتو 82 الف كم فبريكا بالكامل
نسان تيدا 2009 اوتو 28 الف كم فبريكا بالكامل

[misho150]

عربية ميتسوبيشي لانسر بطة موديل 93 اتوماتيك باور - الزجاج الامامي كهرباء
تكييف
فابريقة من جوة كاسيت سي دي بلاير
كاوتشات سبور
مدهونة من برة , وفيها بعض الخبطات البسيطة, علي الكابوت وعلي الباب
محتاجة مساعدين خلفي
وكل العفشة الباقية والموتور كويسين