تبادل سيارات الاعضاء

[mohamedrabia]

السلام عليكم ورحمة الله
كل عام وانت بخير

هي فكرة فكرت فيها ومش عارفها صداها هيكون ايه بس حابب اعرف رايكم فيها ومش هطول عليكم لما اي حد بيبيع عربيته بيكون هدفة غاليا التغيير وبينزل السوق وبيعرض وبعد ما بيبيع يرجع يدور علي عربية كويسة او يشتري جديد طيب ايه المشكلة لما نتبادل هنا السيارات من خلال المنتدي واكيد هيكون فيه مصداقية اولا لاننا كلنا اخوات واصدقاء وثانيا هنستعين باهل الخبرة في ابداء الراي بمنتهي الحيادية واتمني الفكرة تكون كويسة ومتطلع اني اشوف رايكم فيها ايه طبعا هيكون فيه فروق في السيارات وفئاتها بس هنستعين برده بالخبراء للتسعير مع وجود فروق مادية طبعا

[magd_helm]

فكرة جامدة جدا بالتوفيق ان شاء الله

[samagroup]

بصراحه فكره هايله وهتريحنا من غيلان السوق وتربطنا ببعض اكتر

[sniperfox]

فكره صعب جدا تنفيزها لان كل واحد وليه طريقت سواقه بمعنا اصح فى ناس بتحافظ على عربيتها وفى ناس رجليها هلاكه

[MaZaGAngeE]

فكره كويسة طبعا و اكيد هيكون سوق نايل موتورز أفضل و اكثر امانة من أي مكان تاني

[ahmad--ezzat]

اه انا فهمت غلط...الفكره ممتازه طبعا

[Honda_lover]

فكرة هايلة جدا واتمني انها تتنفذ

[srm]

فكره كويسه ....ولكن على ارض الواقع صعب جدا تنفيذها

اولا ...ممكن يكون واحد عايز يبيع عربيته ويجيب مثلا نوع تانى

مع احد الاعضاء ولكن العضو الاخر لا يفكر فى البيع

ثانيا ....ممكن واحد يكون هيبيع عربيته ومش هيجيب حاجه تانيه

لانه مثلا محتاج الفلوس او هيسافر بره

ثالثا ...ممكن يكون الشخص اللى هيبيع عربيته عايز يجيب زيرو

[dramir1]

فكرة هايلة جدا واتمني انها تتنفذ

[shaddadfalcon1]

ياجماعه الراجل بيقول الناس اللي عايزه تبيع مش واحد بس اللي عايز يبيبع والتاني لآ

انا شايف انها فكره حلوه بس برده مش كل الناس بتحافظ علي العربيه زي بعضها

[mexmarine]

الفكره ممتازه يعنى مثلا انا معايا عربيه و عاوز أعلى و فيه واحد تانى معاه عربيه عاليه مصروفها اعلى من امكانياته و عاوز ينزل بعربيه كويسه برضه .. هنا وجهات النظر بتتطابق بدون سمسره و لا غيره

[Donzi]

الفكرة حلوة جدا و بس في مشكلة ... لو الشجص الاول عاوز يبيع عربيته عشان يجيب حاجة اعلى و الشخص الثاني برضو عاوز يبيع علشان يجيب حاجة اعلى - مع العلم ان عربية التاني اعلى من الاول - طيب لما الاول ياخد عربية التاني لانها اعلى


امال التاني هايخد عربية مييييين


فاهمين قصدي ولا الكلام ملخبط اوي ؟؟؟

.

[Donzi]

الفكره ممتازه يعنى مثلا انا معايا عربيه و عاوز أعلى و فيه واحد تانى معاه عربيه عاليه مصروفها اعلى من امكانياته و عاوز ينزل بعربيه كويسه برضه .. هنا وجهات النظر بتتطابق بدون سمسره و لا غيره

اعتقد ان هي دي الحالة الوحيدة اللي هاينفع فيها التبادل

[engaass]

فكرة ياريت تتنفذ

[misoalex]

الفكرة حلوة جدا و بس في مشكلة ... لو الشجص الاول عاوز يبيع عربيته عشان يجيب حاجة اعلى و الشخص الثاني برضو عاوز يبيع علشان يجيب حاجة اعلى - مع العلم ان عربية التاني اعلى من الاول - طيب لما الاول ياخد عربية التاني لانها اعلى


امال التاني هايخد عربية مييييين


فاهمين قصدي ولا الكلام ملخبط اوي ؟؟؟

.

ده الى كنت عاوز اقوله كل الى بيبيع او 90 % منهم بيبيع عشان حاجه اكبر يبقى ازاى حيتبادلو
هى طبعا فكره جميله جدا لكن الاقبال عليها قليل