افضل وسيلة لشراء سيارة مستعملة بحالة ممتازة وبسعرها العادل

[بنت مصر]

سؤال متكرر من عديمى الخبرة بالسيارات

ايه افضل وسيلة للحصول على عربيه مستعملة نضيف و سعرها غير مبالغ فية خصوصا اذا كانت المعارف محدودة وصعب وجود سيارة ثقة

طبعا المفروض اننا هنكشف على العربيه لكن انا بسأل عن تجارب الاعضاء واراءهم

وياريت الى عندة تجربه معينة او رأى يفيدنا بيها

من فضلكم يا جماعة التعاون لافادة الكثير منا وجزاكم الله خيرا

[bobakr]

اي اختيار له سلبياته وايجابياته حتى اسوأ الاختيارات (التجار ) له ايجابيات وسلبيات فمن الممكن ان يكون التعامل معهم مثمر ولكن كيف:
قد تكون هناك سيارة تم تداولها كثيرا بين التجار ولا عيب فيها غير انها سيارة تجذب التجار ويظنون ان فيها الخير الكثير فيتسابقون عليها فيحاول التاجر ان يدخلها في سيارة اخرى وهكذا حتى اذا كثر ترددها بينهم واصبحت باكثر من توكيل يجعل الزبون العادي يرتاب من كثرة التوكيلات رغم انها سيارة جيدة وبالتالى تباع باسعار زهيدة
ولكن افضل وسيلة من وجهة نظري التعامل مع صاحب السيارة مباشرة

[engaass]

فى بعض الاحيان يتم تعليق اعلان للبيع على السيارة وده مفيد انهابتكون نفس المرور وصاحبها مقيم بمنطقة قريبة وده بيدى بعض الثقة

[ahmed2y]

كل الخيارات دى زى بعض اهم خاجة يبقى البيشترى عندة خبرة او يستعين بحد عندة خبرة ويكون خبرة فى الموضوع وثقة عشان ميعملش عالية شغل وفى الاخر لما يستفر ياخد العربية على التوكيل ويفحصها هيجبولو الفيها بالظبط وفة حاجة كمان بالنسبة للتجار لو عندك خبرة ممكن تاخد منهم عربيات ممتازة بس طبعا بتبقى اغلى شوية

[memo_p910]

موقع كونتاكت كارز ممتاز

[MarEgypt]

المجال الافضل بس ضيق شويا
من المعارف والاصدقاء وزملاء العمل والاقارب بدون وسطاء

[M0dY]

انا شايف ان افضل وسيله هو تتصاحبلك على كام سايس جراج و هو بقى يسأل صحابه يشوفلك عنده
كده تضمن عربيه محترمه و سعر عادل و سعات كتيير يبقى اقل كمان
بس الاهم من السعر حاله العربيه .. طلاما العربيه نضيفه مش تستخسر فيها

[m10_10]

موقع كونتاكت كارز ممتاز

لا اتفق مع دة للاسف يا جماعه كونتاكت كارز بقا مليان تجار..
كل معرض مستعمل حتى ان كان تحت بير السلم بقا عندو وصلة نت وعارف كونتاكت وبيعلن علية عادي جدا ..

[bobakr]

لا اتفق مع دة للاسف يا جماعه كونتاكت كارز بقا مليان تجار..
كل معرض مستعمل حتى ان كان تحت بير السلم بقا عندو وصلة نت وعارف كونتاكت وبيعلن علية عادي جدا ..

فعلا كونتاكت اصبح معظمه تجار او اناس يعلنون عن بيع سيارات وهمي