عربية في حدود 25 الف

[morad]

انا محتاجة عربية مستعملة حالتها كويسة قطع غيارها متوفرة و سعرها متوسط (كان عندنا هوندا سيفيك 89) وتكون اوتوماتيك مش مهم الرفاهية لكن مهم الثبات والارتفاع مش عاوزاها تحك في المطبات زي الهوندا وتكون تستحمل السير الكتير لان معايا اطفال ومشاويرهم كتير وبعيد وانا مندوبة دعاية وبلف كتييييييييييييير ومعلش عاوزة حاجة شكلها حلو واقتصادية في البنزين ومش بتسخن كتير.
اخر حاجة انا مش معايا اكتر من 25 الف انا ممكن اسوق مانيوال بس افضل اوتوماتيك علشان مش عاوزة اتمرن سواقة تاني على المانيوال وموضوع زحمة المرور وخاصة على الكباري!
شكرا

[د-محمود اسامة]

في حدود السعر دة ممكن تجيبي
1-كيا برايد هاتشباك
عالية قطع غيارها متوفرة
2-سوزوكي سوفت
ياباني ناعمة قطع غيار متوفرة

[M.Al-Hefnawy]

أسعار الكيا برايد والسوزوكي عشان الحالة النضيفة بتعدي الـ 30 ألف

[Ahmed_Ramadan]

ممكن دايهاتسو شاريد فى الرنج ده و هتلاقى منها اتوماتيك

[morad]

شكرا

شكرا للردود
هل هناك فروق جوهرية بين السويفت والشاريد غير السعر
لان لو المقارنة لصالح السويفت ممكن احاول اكمل الفرق.

[samirpop2]

السويفت عربيه جميله وناعمه بس واطيه من الارض بس الشاريد اعرف ان قطع غيارها مش متوفره زي السويف واسالئ برده

[د-محمود اسامة]

السويفت لها مميزات اكتر
1-ناعمة
2-شكلها احسن من الشارد
3-قطع غيارها متوفرة
الشارد
1-قطع غيارها مش مترفرة غير قليل اقوي
2-شكلها قديم


اصل عندي واحد صاحبي عندة شارد بيدوخ علي قطع غيارها

[morad]

السويفت لها مميزات اكتر
1-ناعمة
2-شكلها احسن من الشارد
3-قطع غيارها متوفرة
الشارد
1-قطع غيارها مش مترفرة غير قليل اقوي
2-شكلها قديم


اصل عندي واحد صاحبي عندة شارد بيدوخ علي قطع غيارها

انا فعلا اقتنعت بالسويفت جدا مشكورين على النصيحة جزاك لله خيرا

[wasta]

السويفت حلوه

فعلا السويفت حلوه جدا عن تجربه العربيه بقالها معايا 3 سنين والحمد لله زى الفل مقلتش بأصلها وكفايه إنها بتشتغل ب بنزين 80 وبالنسبه للمطبات ممكن تركبى سوست ناشفه أنا عاوز أعمل كده بردوه

[mxz911]

السويفت مشكلتها انها ضيقه اوى من جوه سواء الكراسى الامامى او الخلفى

[morad]

بصراحة مش عارفة نزلت شوفت كام واحدة كدة بس حالتهم مش حلوة خالص
خلوني افكر اكمل واجيب ماروتي زيرو او كسر زيرو برغم انى عارفة انها وحشة ومالهاش جمهور!!

وانا باتفرج كمان شوفت عربية انتيكة هوندا 1976 بس بصراحة صاحبها مخليها روشة جدا حت مركب لها دي في دي
المهم مخي زقزق وخصوصا انها ب 22الف يعنى هاتوفر لي فلوس بس برضة خايفة من قانون الاحلال وتريقة الشعب !!

مهمة صعبة نفسي في حاجة تلمني انا واطفالي لاني اتبهدلت في التاكسيات وعربية( زوجي وحمايا) اصله كمل لابنه فلوسها لانه ابنه الوحيد بياخدها لحسابه علشان يتفسح هو بيها معظم الوقت لما انا بقالي سنتين عال حال ده وطقيت كمان كان بيزلني علشان استعيرها يوم لو راحة مشوار
صدقوني المثل بتاع حمارتك العارجة ولاسؤال ال.... ما كدبش.

[shiko85]

مش لازم اوتوماتيك ؟؟؟
يبقى بالـ 25 هتلاقى عربيات مانيوال كتير و حالتهم ممتازه
ممكن تشوفى كمان عربيات صينى, شوفى جيلى فروته صالون واسع تكييف زجاج كهرباء مرايات كهرباء شكلها معقول جدا عاليه قطع غيار منتشره و موفره فالبنزين
"على فكره رأى ده عن تجربه و بجد انا شايف انها عربيه محترمه جدا بس للأسف اتظلمت مع الوكيل القديم"

[morad]

ربنا يخليكوا اشكركم لمساعدتكم
الحمد لله اشتريت سوزوكي التو