تسعير لانسر 2008 سوببر أكشن

[meteosat101]

السلام عليكم
رجاى تسعير لانسر بالمواصفات الاتيه

1- سوبر أكشن 1600
2- فابريكه بالكامب بره وجوه
3- عداد 20 ألف كيلو
4- الحاله العامه ممتازه


برجاء تسعيرها ولو حد عنده حاجه يحب يضيفها او ينصحنى بيها ياريت وابقى شاكر أوى

[hardman20060]

لو هي فرش جلد يبقي لغايه 92 تمام وممكن توصل ل 95 كله حسب الحاله بس اتاكد انها سوبر اكشن من سبورت يعني يكون فرض الجلد بتاعها الاصلي مش راكب.

[memoo8888]

ليييييييييييييييه؟؟؟اخرها92 بلكتير اوى اوى اوى انما 95 ليييييييييييييييييه؟؟؟

[meteosat101]

هوا ماسك فى 90 وسألت كم تاجر أمين قالى اخرها 87

مش عارف اعمل ايه ياحماعه وفى كمان نقطه انا مش بحب الون النبيتى فى الانسر
فلو مش هايتساهل معايا أكمل ولا اعمل ايه ؟

[hardman20060]

والله ياباشا الانسر سعرها شادد اليومين دول وفي ناس بتطلب فيها 100 لو حاله شاذه عموما ال90 دي سعرها لقطه جدا بس اكيد فيها حتت رشه او هي مش سوبر اكشن.

[memoo8888]

بيقللك التجار سعروهاله ب87؟؟؟

[memoo8888]

والله ياباشا الانسر سعرها شادد اليومين دول وفي ناس بتطلب فيها 100 لو حاله شاذه عموما ال90 دي سعرها لقطه جدا بس اكيد فيها حتت رشه او هي مش سوبر اكشن.

مفيش غير الاشكالدى اللى بوظت السوق يطلب 100 الفليه دى لو رقصت متجبش ال 90 الف اصلا

[memoo8888]

والله ياباشا الانسر سعرها شادد اليومين دول وفي ناس بتطلب فيها 100 لو حاله شاذه عموما ال90 دي سعرها لقطه جدا بس اكيد فيها حتت رشه او هي مش سوبر اكشن.

مفيش غير الاشكالدى اللى بوظت السوق يطلب 100 الفليه دى لو رقصت متجبش ال 90 الف اصلا ومتنساش ان السوق خلاااااااص نام خالص عقبال الصيف الجاى يعنى اللى هيشترى دلوقتى هيلبس

[hardman20060]

عموما ياباشا انا واحد صحبي بيدور علي وحده 2008 سوبر اكشن لو قدامك حاله شاذه لغايه 92 انا شاري

[memoo8888]

واناكمان شارى بس ياريت لو الراجل مش عاوزها يسبهالنا بقى

[meteosat101]

انا خلاص خلصتها على 87 بعد الفحس فى التوكيل
متشكر اوى ياجماعه على مشاركاتكم

[a_elbosaty]

مبروك عليك العربية
ربنا يديك خيرها ويكفيك شرها

سؤال لو سمحت

هي دهان المصنع ولا لأ؟
كمان متأكد إن العداد 20 ألف بس
بعد الفحص في التوكيل؟

[meteosat101]

اه فابريكه ماشاءالله بره وجوه حتى الاكصدامات هيا صاحبتها مش بتطلع بيها كتير وفى الغالب كانت بتبقى مركونه ماعدا السفريات

هيا بتاعت مرات اخو واحد صاحبى وعشان كده الدنيا كانت سهله الحمد لله وبدايه الكلام كان 90

لو تحب ابقى ارفع لحضرتك الصور

[memoo8888]

انا مستعد اديك 92 الف ج يعنى مكسب 5 الاف ج لو عاوز بشرط تكون فبريكه
بس مظنش ابداان بلسعر دا وفبريكه او عداد متلعبش فيه

[meteosat101]

انا كشفت عليها عند مركز صيانه فى عبد الخالق
سؤال هوا ممكن يبقى فى حاجه مش مظبوطه ولا السعر كده شويه على العربيه ؟
بصراحه العربيه ماشاء الله انا شايف انها كويسه وانا هاصورها وارفعها ليكم على المنتدى