لتجنب ردود الناس اللى بيوقفوا البيع قبل ما تعلن

[wasta]

بسم الله الرحمن الرحيم

فكرة حلوة جدا لتجنب الردود اللى مش ولا بود اللى بتوقف البيع نفترض مثلا إنت عاوز تبيع لانسر كرستاله مثلا معروف رنجها من 42 إلى 45 ونفترض إنت عاوز فيها 50 مثلا هتقول أنا عاوز أبيع عربيتى ب 50 ألف وأنا عارف إن توبها من 42 إلى 45 بس أنا مفول التانك بنزين 90 مثلا أو فيها رخصه 3 سنين أو أو أو
يعنى تقول السبب اللى مغلى سعر عربيتك كده وأضمنلك إن شاء الله محدش يرود بعديها رد مستفذ

[hatchy]

فكرة محترمة جدا

[thunder155]

أنا مفول التانك بنزين 90 مثلا أو فيها رخصه 3 سنين أو أو أو

كلام مضبوط .............


ممكن مثلاً تقول أنا حاطط الدودة أم اربعة و أربعين اللى عليها حروف اللغة الإنجليزية كلها

[slim_shika]

لو حد مزود عن تمن العربية 5-8 ألف حتى لو مزود إيه, برده كتير.

مفيش احسن من الكلام في المعقول من الأول.

[hazoom2006]

عنوان الموضوع مش مناسب الموضوع

لو واحد عارض عربيته بسعر اعلى من سعرها فى السوق مثلا 50الف اكيد هتلاقى ناس بتقول لا سعرها غالى جدااا وسعرها اعلى من سعرها فى السوق من 42 الى 45 الف

يبقى اللى داخل يقول سعرها العادل مش داخل يبوظ الموضوع لان صاحب الموضوع هو اللى رافع سعرها ممكن نتيجة جهل منه بسعر السوق او العربيه مميزة او حالتها كويس او فى تعديلات جامده

يعنى مش شرط اللى داخل يقول السعر عالى انه داخل يبوظ الموضوع

[Memo_Lancer]

يعني هي الكريستاله لو وحشه بي 42
و لو حلوه 45
يا جماعه بجد الناس قاعده تكتب كلام و ماس تصدقو
و كله بكلمه انزل السوق
السوق ده وكر التجار
انا شايف الاسعار الحمددلله يوميا في المعارض

[maiasn2000]

ياجماعه اصلا في ردود مالهاش اي لازه تتحط يعني فيه ناس بتقول ده كتير وفيه ناس بتقول توب العربيه دي كذا او كذا والله كل شيء تقديري جدا يعني لما تنزل تدور علي عربيه تشتريها وتلاقي الحاله اللي في راسك وتقتنع بالعربيه لان حالتها خاصه جدا ومميزه تلاقي الناس تقول لك كتير ولما تيجي تعرض انت عربيتك علشان تبيعها وتطلب فيها سعر محترم لانها عربيه محترمه تلاقي الناس تقول لك برضه كتير وللاسف القياس هنا بيكون علي السمع ان فلان اشتري كذا بفلوس قد كذا ولاقياس ان حالة السياره دي زي دي
يعني من الاخر اصحاب الفتاوي كتير جدا واللي بيشتري دايما بيكون عاوز يشتري باقل الاسعار وانا اقترح ان من يضع رد بان السعر المطلوب كتير يكمل رده بتوفير سياره بنفس المواصفات بالسعر الذي اقترحه وهنا يتضح للجميع من له المصداقيه ومن ليس له مصداقيه
لردود المستفزه احيانا تفسد عملية بيع او شراء ومن يضع الردود المستفزه يفقد الطرفين سواء البائع او المشتري فرصة التفكير مجرد التفكير واقول لهؤلاء اتقوا الله ولاتحكموا في مال غيركم ومن حكم في ماله ماظلم بمعني ان تترك التعليقات لمن هو راغب في الشراء بجديه وبفضل ان يكون باب البع والشراء فقط بدون ردود ولايسمح بوضع ردود ومن يرغي في اضافة رد بان يرسل علي الخاص فقط ومن يخالف يعاقب

[Memo_Lancer]

لا كلام بعد كلامك
هو ده اللي الوحد بيقولو

[Memo_Lancer]

استاذنك هاخد جزء من كلامك في توقيعي

[maiasn2000]

استاذنك هاخد جزء من كلامك في توقيعي

يا صديقي ده يشرفني و اهلا بيك

[ahmdmagdy]

ممكن في حل تاني محدش يحط سعر العربيه اللي عاوز يعرف سعرها يبعت رساله للبايع ع الخاص او يتصل بيه و كده مش هتلاقي حد يعلق ع السعر كله هيبقي استفسارات عن العربيه

[engaass]

سعر العربية العادل يتحدد بعد المعاينة

[wasta]

شكرا لمشاركتكم

فكرة محترمة جدا

شكرا جزيلا

كلام مضبوط .............


ممكن مثلاً تقول أنا حاطط الدودة أم اربعة و أربعين اللى عليها حروف اللغة الإنجليزية كلها

هههههههههههههههه ويقولك دوده فبريكه

لو حد مزود عن تمن العربية 5-8 ألف حتى لو مزود إيه, برده كتير.

مفيش احسن من الكلام في المعقول من الأول.

أه والله يعنى مثلا كان فيه راجل محترم كان بيبيع عربيه فيرنا بس مش فاكر موديها إيه وحالتها كويسه كان طالب 45 ألف يعنى جايب من الآخر وحاطت صورها كمان وباين إنها نضيفه والحمد لله إتباعت على طول لإن فى نيته البيع

عنوان الموضوع مش مناسب الموضوع

لو واحد عارض عربيته بسعر اعلى من سعرها فى السوق مثلا 50الف اكيد هتلاقى ناس بتقول لا سعرها غالى جدااا وسعرها اعلى من سعرها فى السوق من 42 الى 45 الف

يبقى اللى داخل يقول سعرها العادل مش داخل يبوظ الموضوع لان صاحب الموضوع هو اللى رافع سعرها ممكن نتيجة جهل منه بسعر السوق او العربيه مميزة او حالتها كويس او فى تعديلات جامده

يعنى مش شرط اللى داخل يقول السعر عالى انه داخل يبوظ الموضوع

مش كل الناس طبعا بيبقى قصدها تبوظ الموضوع بس الرد المستفز بيبقى باين طبعا
وبيبقى واضح انه عاوز يخسر البيعه

يعني هي الكريستاله لو وحشه بي 42
و لو حلوه 45

لا طبعا مين قال ان ب 42 وحشه و 45 حلوه أنا بقول الرنج بتاعها لو كويسه انما لو مش كويسه وعامله حوادث وفيها العبر هتلاقيها أكيد أقل من كده طبعا

سعر العربية العادل يتحدد بعد المعاينة

فعلا بس الواحد لازم يعرف السعر بيتكلم فى كام الأول علشان يشوف هتناسبه ولا لاء نفترض صاحب العربيه فى محافظه تانيه والراجل نزل يتفرج عليها وعجبته فعلا وجه يتكلم فى السعر معجبهوش فا لازم الواحد يعرف السعر قبل المعاينه بردوه علشان يشوف هايقدر يدفع او لاء