محتار جدا

[mohamedshiko]

أنا معايا 45000 ألف و محتار اجيب بولو و لا أبيزا و لا أسترا

يا ريت حد يوضح لي الفرق بينهم من حيث القوة و أستهلاك البنزين و الافضل من حيث الناحية العملية

و يا ريت أعرف الفلوس دي تجيب لي أنهي موديل في كل سيارة

[mohamedshiko]

وشكرا جدا وياريت ما أكونش متقل عليكم

[hatchy]

هل ممكن توسع دايرة الاختيار ولا انت مش عايز غير واحدة من دول بس

[alptchino_name]

الأسترا افضل طبعا بسى علشان تيجى بحالة كويسة اظن هتعما أكتر من 45 أما البولو والأبيزا البولو أفضل طبعا وخصوصا الموديل 2001 و2002 ودى الكويس منها هتعملها من 40 الى 45 حسب الحالة

[mexmarine]

انا كان معايا ابيزا 94 و حاليا استرا 2000 و الفرق شاسع بمعنى الكلمه و ده للموديل و الامكانيات و الاتزان و الاحتمال و مساحة التخزين و الاوبشنز و نصيحه البلد دى ماينفعش فيها غير الالمانى و الروسى و اليابانى اقلهم احتمالا .و الاسترا الكويسه بـ48 و كلما قل الثمن قلت الجوده