سياره من 70 الى 90 الف

[doc7ooda]

ياجماعه عاوز اشترى عربيه مستعمله يكون تمنها من 70 الى 90
وهجبها مستعمله علشان اجيب حاجه حلوه مقدرش اجبها دلوقت جديد

انا شفت النهارده 307 ب 72000
وخدت عقلى
رأيكوا ايه

[hardman20060]

لازم تكون حاله شاذه لان ال307 قطع غيارها مولعه ناااااااااااااااااااااااااااااااااااااااار .
لو العربيه دي اوتوماتيك وفابريكه كلها وماشيه اقل من 50 الف كم وحالتها العامخ ممتازه و 2007 يبقي السعر ده كويس اما لو هي اعلي فئه السعر اكيد هيزيد.

[mexmarine]

اختيار موفق عربيه روعه هى و الجولف و التيدا

[nouranwar]

جميلة ال 307 و خلي قدامك برضه
السوبارو الامبريزا
مازدا 3
سيفيك بس بداية اول فئة في اخر ال 90 علي ما اعتقد
ممكن ال c4 بس قطع غيار و صيانة غالية جدا
ديه الحاجات اللي كنت بفكر فيها و انا حاطط لنفسي رينج من 80 - 100
و ربنا يوفقك في الاختيار الافضل و الانسب و اعضاء المنتدي يفيدوك اكثر مني بخبرتهم

[admaa]

ايه رايك في الفورد فوكاس

مفكرتش ليه في الفورد فوكاس 2007 او 2008 في حدود فلوسك وعربية فخمة جداا وامكانيتها عالية اووي ومش موجود في اي عربية ياباني وقطع الغيار كمان متوفرة وموجوجة واسعارها كويسة واسمك راكب حاجة الماني

[doc7ooda]

شكرا جدا على ردودكو السريعه يا ناس زى العسل

انا كده حطيت قدامى حاجه من حاجتين
يا اما
تيدا او فوكاس
لانى بعشق الفخامه اكتر من الحاجات الشبابى

ولا رأيكوا ايه

[Memo_Lancer]

تيدا هاتش باااااااااااااااااااااك