سؤال بخصوص اجراءات بيع سيارة

[down4me]

بسم الله الرحمن الرحيم

يا جماعة عايزكم تساعدوني و تقولولي اعمل ايه في الاتي :

والدي عملي توكيل علشان ابيع العربية رحت السوق و بعت العربية و عملت عقد ابتدائي و اللى اشترى العربية اخد منى التوكيل ( اللى من والدي لي ) و رخصة العربية و العربية و اخد العقد الابتدائي و اخد انا نسخة منو و معظم مبلغ السيارة

بعد اسبوعين طلبني علشان شهادة المخالفات و جيه اداني رخصة العربية و بقية المبلغ علشان اخلصلو موضوع المخالفات و اداني صورة بطاقة واحد تاني خااالص و قالي اعملو توكيل باسم الشخص الجديد ده ( عايز توكيل من والدي او منى للراجل الجديد ) و مش موافق خالص اني اعملو التوكيل ليه هو

انا دلوقتي مش عارف اعمل ايه اعملو التوكيل ليه هو باسمو هو و لا اعمل توكيل للراجل الجديد ده و اخد منو العقد الابتدائي و لا ايه

و سؤال تاني دلوقتي ايه الصح اللى المفروض اعملو ؟ كمان دلوقتي لو والدي عمل توكيل للراجل الجديد الفترة بتاعة الاسبوعين دي اللى العربية ماكنتش معاي فيها لو كان عمل بيها اي حاجة غلط دي تبقى مسؤوولية مين ؟؟؟


يا ريت ياجماعة تساعدوني علشان اخلص الموضوع ده و الراجل ياخد حقو و انا مابقاش مسئول عن اي حاجة حصلت في خلال الاسبوعين دول



و لكم جزيل الشكر


اترككم في رعاية الله

[soficom]

متعاون معاك بس انا معنديش رد وانشاء الله موضوعك يمشى على خير عشان الشهر الكريم ده

[أبو صلاح]

طبعا يا باشا ترفض الكلام ده

انت بيعتله هو يعني تعمله هو التوكيل


ده غالبا تاجر وبيحاول يقنع الزبون ان العربية اول يد من والدك

[banboty]

طبعا يا باشا ترفض الكلام ده

انت بيعتله هو يعني تعمله هو التوكيل


ده غالبا تاجر وبيحاول يقنع الزبون ان العربية اول يد من والدك

تمام كده , الله ينور

[samy663]

بسم الله أولا اخى الكريم لازم تعرف انك بعت للشخص الاول ومفيش حاجه اسمها ( هو رافض ) دى عربيتك وانت بعتها وكل الى ليه عندك شهاده البيانات وبس ( طبعا مش بتاخد شهاده بيانات إلا بعد سداد المخالفات إن وجدت ),,,,,بس عادى ممكن تلغى التوكيل الاول وتعمل توكيل مباشر للطرف الجديد ( هو الى بيتكفل بكل المصاريف الجديده متكلفش نفسك اى حاجه ) والتوكيل بيتكتب فيه ( البيع لنفسه او للغير والتمثيل امام المرور فقط )وبتاخد منه او من الشخص التانى أقرار باستلام السياره من تاريخ اول بيعه مع اقراره بالمسؤليه المدنيه والجنائيه وتاخد من الشخص الى هيمضى الاقرار صوره بطاقته وبيمضى عليها وبكده بتكون اخليت مسؤليتك من اى مشاكل فى المستقبل ,,وطبعا بتاخد العقد الابتدائى من السمسار وبتعمل عقد ابتدائى تانى للشخص الجديد وتسلمه ليه باليد,,,,,,,

[samy663]

وفى اقتراح انك تشوف محامى صاحبك ويخلصلك الموضوع ده المساله بسيطه جدا ,,,,,,,والله المستعان

[mmmm1977eg]

ممكن يكتب فى العقد اللى انت بعت بيه العربيه ملحوظه انه قد اتفق الطرفان على ان يتم عمل توكيل باسم ( الراجل الثانى ) على فكره انا مش محامى و لكن ممكن يكون اجتهاد فياريت حضرتك تسئل واحد محامى و تقول لنا حتى تعم الفائده
طب فى حاجه تانيه هنا بالنسبه للبيكتب فى التوكيل ( البيع للنفس و الغير و التعامل مع المرور ) طب مش كده ممكن الراجل اللى اشترى العربيه يرخص العربيه كل سنه باسم صاحب الرخصه الاول ( المالك الاول ) و لما المالك الاول يجى يشترى عربيه تانيه و يرخصها يدفع ضريبة رفاهيه ؟

[أبو صلاح]

وليه وجع القلب ده كله

هو يريح دماغه وباع وخلاص

[midoo1ahmed]

طبعا يا باشا ترفض الكلام ده

انت بيعتله هو يعني تعمله هو التوكيل


ده غالبا تاجر وبيحاول يقنع الزبون ان العربية اول يد من والدك

الكلام دة اقرب حاجة للواقع خلى بالك لانو بيلعب لعبة وافتكر ان انت اللى ماسكوا من ايدى اللى بتوجعوا مش هو اللى ماسكك

[banboty]

طب مش كده ممكن الراجل اللى اشترى العربيه يرخص العربيه كل سنه باسم صاحب الرخصه الاول ( المالك الاول ) و لما المالك الاول يجى يشترى عربيه تانيه و يرخصها يدفع ضريبة رفاهيه ؟

كلمة التعامل مع المرور لا تكفى للترخيص لان معناها استخراج شهادة بيانات او مخالفات او استلام رخصة في حالة سحبها ,و علشان تجدد بأسم صاحبها لازم يكون مكتوب في التوكيل كلمة التجديد و الترخيص !!

و لازم التوكيل يبقى اول توكيل من صاحب الرخصة ,

[mmmm1977eg]

كلمة التعامل مع المرور لا تكفى للترخيص لان معناها استخراج شهادة بيانات او مخالفات او استلام رخصة في حالة سحبها ,و علشان تجدد بأسم صاحبها لازم يكون مكتوب في التوكيل كلمة التجديد و الترخيص !!

و لازم التوكيل يبقى اول توكيل من صاحب الرخصة ,

شكرا يا باشا على التوضيح