طلب عن النترا 2006

[midofo2sh]

عاوز اعرف سعر النترا 2006 الاوتوماتيك ومميزتها و عيوبها و اية اكتر حاجة اطمن عليها وانا بشتريها

[M.Al-Hefnawy]

العربية كويسة جداً وما لهاش أي مشاكل كل اللي ركبها شكر فيها ... توكل على الله.

بس خد ميكانيكي كويس معاك يفحصهالك.

[midofo2sh]

لانسر 2005 1600سىسى ولا النترا 2006 اوتوماتيك

[M.Al-Hefnawy]

اللانسر عربية ممتازة وصيانتها قليلة جداً بمعنى لو أنت بتعمل الصيانات الدورية بتاعتها إن شاء الله مش هتلاقي فيها أي عيوب أو مشاكل.

[midofo2sh]

طيب والنترا فيها مشاكل ولا كويسة انا بصراحة عجبانى عن الانسر

[m000dy]

عن تجربه
ومع اصحاب ليا العربيتين
الالينترا اثبت على الطريق
اقوى فى التحمل
عيوبها تكاد لا تكون
اكمنها قليله فهاتلاقيها عزيزه فى السوق وقليل اللى بيبعها اصلا
وده سبب لغلو قطع غيارها عن اخواتها من موديلات هيونداى
بجانب كده تابلوهها فقير ولو كان نزل زى بتاع ال 2007 كانت بقت تحفه من جوه

[M.Al-Hefnawy]

معلشي أنا مش متفق معاك في الرأي ده.... اللانسر ثابتة جداً على الطريق ... ممكن تكون اللي جربتها 1300 لكن الـ 1600 ثباتها ممتاز.

بالنسبة لصاحب السؤال ... العربيتين كويسين جداً اللي ممكن يكون في صالح الإلنترا قطع غيارها سعرها معقول مش غالية... وربنا يوفقك.

[midofo2sh]

ربنا يخليك وربنا يبارك فيك على النصيحة

[M.Al-Hefnawy]

ربنا يوفقك بإذن الله...

[Memo_Lancer]

الانترا ممتازه زي ما بيقولو فلته هيونداي

[AAAGGG]

بصراحة انا معايا الأنترا 2006 مانيوال اشتريتها من التوكيل على الزيرو وهى الأن عاملة 85000 كم وحتى الأن لا يوجد بها اى عيب ولم اغير فيها اى شئ غير الفلاتر والبوجيهات وطقم السيور والزيت فى مواعيد الصيانة فى التوكيل بصراحة هى عربية ممتازة وثابتة على الطريق حيث اننى اسافر بها شهريا على سرعات من 120 الى 180كم احيانا هذا بالأضافة الى ان تكييفها رائع ومساعدينها مازالو بحالة جيدة وكذالك موتورها.

[Memo_Lancer]

هي فعلا ممتازه ال ابعد الحدود
دي لازم تكون ياباني