تويوتا كرولا95 جميع الكامليات اتوماتيك عاملة فقط 83000 كيلو

[ashraf12345]

الوحيدة فقط 83300 كيلو كالزيرو جميع الكامليات اتوماتيك نبيتى ميتالك تكيف بور سنتر زجاج كهرباء كوتش بريلى جديد بطارية جديدةصالون بحالة الفابريكة العفشة كالزيرو ومدهونة من الخارج فقط لبهتان الون الاصلى لزوم الترخيص البيع بعقد مسجل فقط ولا لا للتجار ولا الوسطاء
السيارة اول يد استخدام طبيبة موبيل 0110006789

[mrwho1982]

ممكن السعر وصورة

وياريت لو تملي استمارة البيع

[aboomar22]

ياريت نعرف السعر بحيث لو بعيد عن امكانياتى يبقى بلاش نزعج حضرتك بالاتصال

[Memo_Lancer]

hgsuv و الصور
و تتباع وقتي ان شاء الله

[nassermed]

ياريت لو تملي استمارة البيع

ياريت لو تملي استمارة البيع

[Abdo_Eldesokey]

يا ريت حضرتك تملا استمارة البيع

http://www.nilemotors.net/Nile/105356-a.html

والمطلوب في السيارة كام .. ومكان المعاينة فين ؟؟

ربنا يباركلك في بيعها

[Karim_Mohy]

متابع........ياريت التفاصيل

[gomangy]

متابع باهتمام

[ashraf12345]

متشكر جدا لجميع المهتمين عموما انا مكنتش عارف سعرها بس واضح انة من 56 الف الى 58 الف جنية لاحظوا ياجماعة انها بحالة الزيرو فعلا وجميع الكامليات اتوماتك وعاملة بس 84 الف كيلوبسسسسسسسسسس انا حنزل صورها ومتشكر ليكم

[ashraf12345]

انا مش عارف املى استمارة البيع

[m000dy]

يا استاذ اشرف
العربيه دى فى سعر اللانسر 98 فى السوق بالفعل
يعنى من 47 ل 50
وده اللى انا شوفته فى اخر زياره ليا للسوق الجمعه اللى فاتت وعلى شرط اللانسر بتبيع ب 50 الف انما التويوتا كانت واقفه للى كان طالب اكتر من 47 واللى طالب الخمسين كان فابريكه بره وجوه بس كان عدادها 180 الف كيلو
عموما ربنا ييسرلك الحال وتبيعها بالسعر اللى يرضيك ويباركلك فى مالها

[misoalex]

يا استاذ اشرف
العربيه دى فى سعر اللانسر 98 فى السوق بالفعل
يعنى من 47 ل 50
وده اللى انا شوفته فى اخر زياره ليا للسوق الجمعه اللى فاتت وعلى شرط اللانسر بتبيع ب 50 الف انما التويوتا كانت واقفه للى كان طالب اكتر من 47 واللى طالب الخمسين كان فابريكه بره وجوه بس كان عدادها 180 الف كيلو
عموما ربنا ييسرلك الحال وتبيعها بالسعر اللى يرضيك ويباركلك فى مالها

+11111111111
ازاى عربيه موديل 95 و ب 56 الف جنيه هو لسه الناس مش واخده بالهم من الاسعار يعنى عربيه بقالها 15 سنه الفرق بينها وبين عربيه زيرو 6000 جنيه!!!!!!!!!!

[Memo_Lancer]

يا باشا م السيفيك اس اي ار مثلا 96
بتعمل حاجه و ستين
اسيبها و اركب فيرنا مثلا
انا مش عارف بتحسبوها ازاي ؟
ربنا يوفقك و هتجيب يا باشا السعر اللي انت عايزه ان شاء الله

[m000dy]

انا مش عارف بتحسبوها ازاي ؟

احنا بنحاول نحسبها بمنطق الناس العاقله فى البلاد المتحضره
طول عمر العربيات بيتحدد سعرها بسنة صنعها
الا فى مصر
بيتحدد بكمالياتها (اللى بره ماسمهاش كماليات زى التكييف والباور والسنتر ) لانها اساسيات
وبيتحدد بمشاكل العربيات الجديده
وفى مصر بس ممكن تلاقى عربيه موديل 90 جودتها اعلى من عربيات موديل 2010
ده لان الحكومه لسه فاكره تفعل جهاز حمايه للمستهلك ومواصفات للسلع ومنها العربيات
فبقى ازبل سلع تيجى هنا واللى يغيظك الناس لانهم بيقبلوا عليها وبيعاملوها على انها تستحق التعامل فيها وكمان اسعار الحاجات دى مستعمله بعد فتره قليله ممكن تتباع بسعر اعلى من سعرها وهى جديده ( زى اللانسر الكريستاله واللانوس 1 ) شوف كانوا بيتباعو بكام زيرو ودلوقتى بيتباعو بكام
والمشكله الاخيره ان كل واحد فاهم اللى بقوله ساعة الشرا اما ساعة البيع يبقى شايف ان حاجته مفيش منها اتنين وكفايه ان شرف امتلاك الشىء من جانب الذات الملكية واستخدام جنابه ليها يزيد سعرها ماينقصوش
طبعا انا لا اقصد حضرتك ولا صاحب الموضوع انا بتكلم فى حال السوق فى مصر وماقصدش توجيه اى كلام لاى حد من الساده المحترمين زمايلنا فى المنتدى
وبالرغم من كل ده مانقدرش ننكر ان فى بعض السلع ومنها العربيات بتبقى محتفظه يقدر كبير من سعرها لجودة تصنيعها وتكلفتها ودقتها بس مش ممكن تبقى اكتر من سعرها جديده بردو
ولا انا غلطان؟

[M.FOUAD]

انا واحد صاحبي شاري اختها بس موديل 97 ب 58 الف