اتخنقت ساعدونى

[placebo_sh82]

عايز اشترى فى حدود 40-42 ومحتار بين لانوس وشوما وبونتو و اكسنت ونوبيرا ولانسر قديمة

[م. محمد نافع]

السلام عليكم
علشان نفكر مع حضرتك لازم تقولنا انت عايز العربية ليه يعني اية اولوياتك في العربية
يعني هتسافر بيها ولا هتعمل مشاوير جوه البلد
هتركبها لوحدك ولا معاك اسرتك
عايز عربية مصاريفها قليلة ولا عايز عربية قطع غيارها معمرة
عايز عربية جديده ولا مش مهم الموديل
علشان نقدر نساعد بعض

[M.Al-Hefnawy]

السعر ده يجيب لانوس 99 أو 2000 بحالة كويسة

[srm]

الاكسنت اولا لازم تطلع من الحسبه لانها لا تقارن باللانوس او

الشوما او النوبيرا

البونتو ....عربيه شيك شكلها جميل ولكن هتتعب جامد فى قطع الغيار

او اعاده البيع وبتحتاج معامله ناعمه وخفيفه

يعنى مش بتاعه بهدله

...انا كان معايا بونتو طلعت عينى

الشوما .....عربيه حلوه موتورها كويس قطع غيارها متوفره الى حد

ما

اللانو س او النوبيرا.......العربيتين قطع غيارهم فى كل حته

يستحملو الشغل والبهدله والدليل انها بتشتغل تاكسى ....عربيه

عليها طلب جامد ويمكن بيعها بسهوله..........ولكن الفرق ان

النوبيرا اكبر واوسع من اللانوس وثابته على الطرق اكتر

[placebo_sh82]

اعتقد حضرتك تعبت مع قطع الغيار لانك مش ساكن فى القاهرة...كنت عايز اسالك كان معك موديل كام وهل اعطالها كتير؟

[srm]

اعتقد حضرتك تعبت مع قطع الغيار لانك مش ساكن فى القاهرة...كنت عايز اسالك كان معك موديل كام وهل اعطالها كتير؟

كانت معايا موديل 94 بس كانت متظبطه فيها جنوط

وعده كاسيت وسماعات بايونير .....اعطالها مكنتش كتير اوى

بس قطع غيارها كانت صعبه ومش موجوده

[hatchy]

نوبيرا بدون تفكير او حيرة او خنقة

[srm]

نوبيرا بدون تفكير او حيرة او خنقة

+1111111111

[mxz911]

سبحان الله والله انا كنت فى نفس حيرتك .. وحمد لله استقريت على النوبيرا .. بس للاسف مش هتلاقى نوبيرا بالسعر ده خالص .. لازم تزود حوالى 4 الف على الاقل عشان تجيب 2001 حاله حلوه

[Ros]

نوبيرا عربيه جرايه وعائليه وجامده جدا
عيوبها العفشه بتاعتها بجد لا تصلح فى مصر واللى يقول غير كده بقى ما ربكش نوبيرا , حريقه بنزين

اكسنت و شبابيه وعائليه بس مش زى النوبيرا اصغر طبعا بس مش صغيره قوى يعنى
موترها محترم قوى وقطع غيرها متوفره وسعرها معقول
عيوبها صاجها خفيف و العربيه مش بتاعه بهدله قوى بس تتبهدل يعنى قشطه

اللانوس عربيه محترمه قوى وعوبها تكاد لا تذكر كان زمان عيبها نك ما تلاقيش قطع غيار وده كان عيب الدايوكله بس حاليا قطع غيارها منتشره وسعرها معقول برضه وعربيه عائله

شوما عربا كبره وعائليه و موترها حلو و مريحه
عيبوها حرائقه بنزين وقطع غيرها مش كتير

البونتو عربيه شبابى لو فى منها نضيف وانت عايزها ليك كاشب فقط يبقى تنفعك مع العلم قطع غيرها مش متوفره كتير و سعرها غالى نوعا ما ولو فتحت حاجه بتبقى مقرفه


لانسر يابانى عربيه سحب واستحمال و كل حاجه بس بتختلف من موديل لموديل لو موديل 98 احسن موديل لانسر نزل هو و 2007 عربيتنى تحفه