مواصفات اللانوس ومقارنتها بالاكسيل و الاكسنت وشكرا

[wael6]

انا كنت عاوز اسأل على اسعار اللانوس لجميع موديلاتها ( 2000 الى 2005 ) طبعا للانوس 1 و هل اللانوس 2 تختلف فى الشكل فقط ؟ و هل هى افضل من الهيونداى الاكسيل و الاكسنت ((( وهل يوجد لانسر بسعر اللانوس اقصد بما يوازي السعر ))) ارجو الافاده و كيف تحصل على سياره نضيفه منها .. بمعنى ايه اكتر حاجه ممكن اركز عليها و انا بتفرج على العربيه و جزاكم الله خيرا .

[SeaShark]

سواء لانوس او اكسيل او اكسنت

الثلاثة قطع غيارهم متوفرة و انا كان معايا اكسيل و كانت كويسة جدا.

اهم حاجة انك تلاقي حاجة حالتها كويسة و مش محتاجة مصاريف.

[wael6]

شكرا لاهتمامك
ولكن اسعارهم ايه دلوقت للحاله الجيده جدا التى حقيقة لا تحتاج لمصروفات
وهل يوجد لانسر بما يوازى سعرهم
ولكم جزيل الشكر

[SeaShark]

بص انا مش هقولك اسعار
بس هديك موقع في كل حاجة عن العربيات الجديدة و المستعملة و فيه مستعمل كتير جدا معروض للبيع

الهيونداي اكسيل سعرها المظبوط هيتراوح ما بين 28000 و 35000 علي حسب الحالة و الموديل 1300 ولا 1500
الهيونداي اكسنت سعرها المظبوط يتراوح ما بين 34000 و 42000 علي حسب الحالة و الموديل 1300 ولا 1500
لانوس 1 سعرها هيكون في نفس رينج السعر بتاع الهيونداي اكسنت علي حسب برضه الحالة و الموديل و فابريكة ولا لا و ماشية اد ايه و الكلام ده.
لانوس 2 سعرها بيكون من 40000 لحد 50000
ممكن تلاقي لانسر كريستالة في نفس حدود السعر بتاعة لانوس 2

ده الموقع ContactCars | السيارات المستعملة

و في هنا مواضيع كتير في المنتدي عن كيفية شراء سيارة مستعملة و في مواضيع لتسعيير السيارات في كل حاجة ممكن تفيدك في المنتدي في قسم الشراء و البيع.

[wael6]

بص انا مش هقولك اسعار
بس هديك موقع في كل حاجة عن العربيات الجديدة و المستعملة و فيه مستعمل كتير جدا معروض للبيع

الهيونداي اكسيل سعرها المظبوط هيتراوح ما بين 28000 و 35000 علي حسب الحالة و الموديل 1300 ولا 1500
الهيونداي اكسنت سعرها المظبوط يتراوح ما بين 34000 و 42000 علي حسب الحالة و الموديل 1300 ولا 1500
لانوس 1 سعرها هيكون في نفس رينج السعر بتاع الهيونداي اكسنت علي حسب برضه الحالة و الموديل و فابريكة ولا لا و ماشية اد ايه و الكلام ده.
لانوس 2 سعرها بيكون من 40000 لحد 50000
ممكن تلاقي لانسر كريستالة في نفس حدود السعر بتاعة لانوس 2

ده الموقع contactcars | السيارات المستعملة

و في هنا مواضيع كتير في المنتدي عن كيفية شراء سيارة مستعملة و في مواضيع لتسعيير السيارات في كل حاجة ممكن تفيدك في المنتدي في قسم الشراء و البيع.

جزاكم الله خيرا
موضوع ال سي سي بيفرق اقصد فرق جوهرى من 1300 الى 1500 ولا ايه رايك
وربنا يكرمك على اهتمامك وافادتك

[SeaShark]

الفرق مش جوهري اوي في الموتور بين الـ 1300و الـ 1500

لان الـ 1300 72 حصان و الـ 1500 77 حصان (بالنسبة للإكسيل)

لكن الفروق الجوهرية بتكون ان الـ 1500 كل الكماليات و لكن الـ 1300 مفيش حاجة (هما الاتنين كانو بينزلو كده لكن طبعا الناس بتزود حاجات)

[wael6]

فى الموقع اللى انت بعتهولى شوفت مفارقات غريبه
مثلا فى اللانوس موديل 2003 ناس طالبه فيه 35 و 36500 وموديل 99 ناس طالبه فيه 42 و44 الف طب ازاى وهل ده لظروف معينه http://www.contactcars.com/UsedCars_All.asp?MakeID=12&ModelID=58
ولا ا يه رايك

[SeaShark]

العربية بيتحكم في سعرها عوامل كتير (طبعا ده غير ان ممكن يكون في واحد مبالغ في السعر يمكن تتباع علي كده و حد ياخدها او واحد سعره قليل عشان مثلا مسافر و مستعجل يبيع العربية او ان العربية فيها مشكلة معينة)
العوامل دي كتير اوي زي

1. حالة السيارة الخارجية (رشة ولا فابريكة و ايه حالة الدهان سواء كده او كده)
2. حالة صالون العربية و الدواخل و الفيبر و التابلوه
3. حالة العفشة و المساعدين
4. رخصة العربية سارية لمدة اد ايه
5. الكماليات اللي موجودة في العربية
6. حالة الموتور و العربية ماشية كام كيلو يعني ممكن تكون موديل 1998 و ماشية 80,000 كم و ممكن تكون موديل 2003 و ماشية 600,000 كم
7. هل العربية اساسيتها كويسة يعني حالة القوايم و الحوض و الشنطة و هل كانت عاملة حادثة جامدة قبل كده اثرت علي حاجة.
حالة الكاوتش و البطارية (ممكن تجيب عربية حالتها كويسة و تصرف عليها اول ما تجيبها مثلا 1500 جنيه كاوتش و بطارية كل الكلام ده ليه تأثير علي السعر و ممكن تستغله في الفصال و التقييم)

في حاجات كتير جدا لازم تاخدها في اعتبارك و ليها تأثير علي السعر

أنصحك تروح تشوف المواضيع دي مفيدة جدا ليك

http://www.nilemotors.net/Nile/20244-a.html

http://www.nilemotors.net/Nile/163941-a.html

و بالتوفيق ان شاء الله

[wael6]

كلامك مظبوط
واكتشفت ان سر تفاوت اسعار اللانوس ان اللانوس 1 اخر موديل ليها مو 2000 وهوو تقفيل كوري انما بعد ذلك تقفيل مصري ولذلك ووجد فرق السعر ولا انت ايه رايك
معلش انا دوشتك النهارده لكن منكم نستفيد

[mr_sameh]

الثلاث عربيات كويسين جدا

[islamnasser10]

غريبة ان محدش جاب سيرة الكريستالة
انا برضة بقارن بين لانوس واكسنت وكريستالة
وعايز اعرف اجيب كريستالة موديل 2000 او 99 مثلا ب 50
ولا اجيب لانوس موديل 2007 ب 50 برضة
؟؟؟

[wael6]

دلوقتى بقارن بين السويفت والاكسيل ومعاهم لانسر عيون صفيه بس بيقولوا قطع غيارها غاليه وبيعها تقيل دلونى افادكم الله ( مبلغي اخره 30 الف )

[al_manara]

دلوقتى بقارن بين السويفت والاكسيل ومعاهم لانسر عيون صفيه بس بيقولوا قطع غيارها غاليه وبيعها تقيل دلونى افادكم الله ( مبلغي اخره 30 الف )

يبقي السويفت والاكسيل احسن . لان اللانسر الموديل دة مش كتير اوي وفي الغالب سعر اعادة البيع لية مش هايكون كويس