مازدا3 2009 فابريكة - كسر زيرو بحالة الزيرو

[Eng.Sameh]

النوع : مازدا3 2009 - ترخيص 22-7- 2009 - مترخصة 3 سنين ( باقي في الرخصة سنة و 8 شهور )

اللون الخارجي : أبيض لؤلؤي
اللون الداخلي : اسود

الكماليات :أعلى فئة جميع الكماليات - فتحة سقف - مفتاح بصمة - تكييف تاتش- وسائد هوائية - أوتوماتيك ستيبترونيك - جنوط 16 - زينون أصلي - تارة ملتي فانكشن، مرايا dvd وكاميرا خلفية - كاسيت سي دي ام بي 3 - زجاج ملون - والباقي معروف عشان لو نسيت حاجة :)

الكيلومتر المقطوع - 33000 معظمهم سفر

الحالة : فابريكة بالكامل بحالة ممتازة ومتحافظ عليها جداً - كسر زيرو بمعنى الكلمة مفيهاش الهوا - استبن لم يستخدم - تم عمل صيانة ال 30000

مكان المعاينه : المعادى أو مدينه نصر

سبب البيع - هشتري أرض ان شاء الله ومحتاج أكمل على الفلوس اللي معايا

السعر : 117500 نهائي - ويمكن البدل بسيارة صغيرة لا تزيد عن 47500 بحيث لا يقل الفرق عن 60000


للتواصل: 0114854040

[LanCeLoT]

يا ريت لو عندك صور ليها يا باشمهندس

[Eng.Sameh]

الصور يا باشا

[A7MED_PHARMA]

يعني إيه اللون الداخلي واللون الخارجي
يعني الداخلي لون الصالون؟؟ ولا العربية مغيرة لون؟

[Eng.Sameh]

يعني إيه اللون الداخلي واللون الخارجي
يعني الداخلي لون الصالون؟؟ ولا العربية مغيرة لون؟

يا باشا مغيرة لون ازاي .. دي العربية فابريكة بالكامل بحالة الزيرو :)

لأ أنا قصدي لون الأنتريور (الفرش والتابلوه والبيبان ، كلها من جوه لون اسود فخم جداً) - لأن فيه منها أنتريور بيج - بس أنا كنت عاوزه اسود ووالله قعدت مستني حوالي شهرين عشان اجيبها لؤلؤي من بره والفرش اسودمن جوه.

[SAiF3S]

ربنا يبارك لك فيها ويحسن لك بيعها ان شاء الله
انا عاوز اشترى و شايف ان سعر 110 الف مناسب جدا لها , اذا كنت مهتم اكلمك على التليفون و أقابلك فى المعادى اتفرج عليها و نتفق .
مره أخرى ربنا يبارك لك فيها

[Eng.Sameh]

ربنا يبارك لك فيها ويحسن لك بيعها ان شاء الله
انا عاوز اشترى و شايف ان سعر 110 الف مناسب جدا لها , اذا كنت مهتم اكلمك على التليفون و أقابلك فى المعادى اتفرج عليها و نتفق .
مره أخرى ربنا يبارك لك فيها

يا سيف باشا العربية تحت امرك ومتغلاش عليك والله ، بس حضرتك بتقول مناسب عليها من غير ما تشوفها ،أنا والله العظيم اتعرض علي الرقم ده الاسبوع اللي فات ورفضت تماما ... لكن حضرتك ممكن تشرفني بالاتصال ونتقابل حتى نتعرف بحضرتك وشوف العربية الاول وانت هتعرف ان السعر اللي انا قايله مناسب جدا وبرضو اكيد هيكون فيه واجب مخصوص لحضرتك ، حتى عشان عشرتنا هنا في المنتدى :) ، بس يكون في حدود الممكن بالنسبالي ..

[dodo2000]

ربنا يكرمك فى بيعها ويبارك للمشترى
بصراحة عربية تحفة وجميلة جدا

[SAiF3S]

يا سيف باشا العربية تحت امرك ومتغلاش عليك والله ، بس حضرتك بتقول مناسب عليها من غير ما تشوفها ،أنا والله العظيم اتعرض علي الرقم ده الاسبوع اللي فات ورفضت تماما ... لكن حضرتك ممكن تشرفني بالاتصال ونتقابل حتى نتعرف بحضرتك وشوف العربية الاول وانت هتعرف ان السعر اللي انا قايله مناسب جدا وبرضو اكيد هيكون فيه واجب مخصوص لحضرتك ، حتى عشان عشرتنا هنا في المنتدى :) ، بس يكون في حدود الممكن بالنسبالي ..

متشكر جدا على زوقك, ان شاء الله نتقابل بكره , وربنا يقدم ما فيه الخير , و كفايه انى هاشوفك و أتعرف عليك .

[mohamed_mohsen]

بسم الله ما شاء الله,,,عربيه جميله,,, و لو كان معايا كنت اشتريتها,,,ربنا يحسنلك بيعها إن شاء الله

[Eng.Sameh]

ربنا يكرمك فى بيعها ويبارك للمشترى
بصراحة عربية تحفة وجميلة جدا

ربنا يبارك فيك يا باشا ويكرمك .. ويبارك للي هتكون من نصيبه ... وفعلا هي احلى عربية ركبتها في حياتي وان شاء الله بعد ما اعدي المرحلة دي مش هركب غير مازدا3 تاني

[Eng.Sameh]

بسم الله ما شاء الله,,,عربيه جميله,,, و لو كان معايا كنت اشتريتها,,,ربنا يحسنلك بيعها إن شاء الله

يا باشا ربنا يرزقك وتتجيب زيها واعلى كمان ...

[moody1]

ديه مازدا ايرو اعلى فئة

عربية جميلة و محترمة

ربنا يوفقك فالبيع

[M.Osman]

ربنا يوفقك في البيع
الموديل ده احلى من الجديد

[adel1414]

ربنا يوفقك فى البيع عربية محترمة جدااااااا