يا ولاد الحلال

[mxz911]

وشهد شاهد من اهلها انا ماجبتش كلام من عندى لان فعلا جارى عنده نوبيرا وبيشتكى من استهلاك البنزين اما بخصوص العفشه فهذا الكلام بيأكد كلامى والكلام ده اتقال من بق الصنايعىيه

لاانكر ان النوبيرا كعربيه قويه وواسعه ولكن ارى ان الانسب لك هو الاكسنت او اللانوس وهتجيب حاجه نضيفه بالمبلغ اللى معاك ده

انا قلت لازم اقول كل الميمزات والعيوب بأمانه لان كل ده فى الاخر انا مش هاخد منه حاجه غير انى افيد صاحب الموضوع باللى يحتاجه يعنى بصراحه شراءه سياره نوبيرا او اكسنت او اى كان نوعها مش هيفرق مع حد فينا فى حاجه ( ده للامانه ) ولكن كل اللى بنحاول نعمله اننا نفيد بعض فى مواضيع البيع والشراء وعلى فكره انا ما استقريتش على نوبيرا غير بعد ما عملت مواضيع كتير فى المنتدى واستفدت كتير ف لازم دلوقتى افيد غيرى

بالنسبه للنوبيرا .. بأختصار جدا النوبيرا استهلاك بنزين اكتر على حساب حاجات تانيه كتير هتاخدها زى ثبات جبار ما شاء الله .. وسع داخلى فظيع .. قطع غيار متوفره جدا وسعرها حلوه مقارنه بأى عربيه نفس الفئه ( خلى بالك لو هتقارن النوبيرا بعربيه تانيه هتكون اوبترا - النترا ) ودى كلها فئات اغلى منها فى السعر

اللى عاوز اعرفهولك كمان ان نوبيرا زمان خالص نوبيرا 2 اول ما نزلت كانت ب 115 الف وبعدها نزلت ل حاجه وتسعين الف واخر سعر وصلت ليه كان 87 الف .. يعنى عربيه بص دلوقتى سعرها مستعمل كام وهتعرف اد ايه هيه لقطه ..

الاكسنت 99 - 2000 اعتقد سعرها جديد كان حاجه قليله ومع ذلك محافظه على سعرها لسبب واحد وهو السوق المصرى !! اه السوق المصرى اللى ماشى على مبدأ واحد وهو قطع الغيار والبنزين !

عموما انا شايف انك لو مش عاوز وسع داخلى يبقى الاكسنت افضلك وهيه عربيه عمليه جدا وثابته جدا بس شكلها صغير وبرضه شيك جدا

[farawl]

النهاردة نزلت السوق
وكنت رسيت علي الاكسنت 1500 لقيت اسعار غريبة للعربيات من 40000 الي 45000 ومحدش بينزل مليم ملقيتش الا 3 عربيات فبريكة برة وجوة
الاولي 98 والثانية 99 والثالثة 2002 قعدت مع بتاع 2002 ومن هنا لهنا رضي بي اربعين الا ربع وبعدين فكرت لما اخدها باربعين هدهنا بكام وتغيير الملكية وشوية الصيانة المبدئية قلت هدخل في 43 -44 الف وانا ممعاييش المبلغ دة يظهر كمان الاسعار في السوق بتبقي اغلي من برة - وانا راجع قابلت واحد معاه نوبيرا 2001 وقلي بي 45000 مش عايزة اي مصاريف قلت طيب اللي خلاني كنت هوصل ل 44 في الاكسنت وطالما مفييش اقل من المبلغ دة طيب استلف الباقي وخليني في النوبيرا ولا رايكم اية

[calipha3]

لو مشيت ورا كلام الناس مش هتوصل لحاجه ولا هتجيب حتي بسكلته, انوي انت و فكر انت مرتاح لايه و اعمله و ربنا يوفقك للخير
انا كنت في السوق برضه امبارح مش تقول يا راجل ههههه يلا حصل خير

[srm]

النهاردة نزلت السوق
وكنت رسيت علي الاكسنت 1500 لقيت اسعار غريبة للعربيات من 40000 الي 45000 ومحدش بينزل مليم ملقيتش الا 3 عربيات فبريكة برة وجوة
الاولي 98 والثانية 99 والثالثة 2002 قعدت مع بتاع 2002 ومن هنا لهنا رضي بي اربعين الا ربع وبعدين فكرت لما اخدها باربعين هدهنا بكام وتغيير الملكية وشوية الصيانة المبدئية قلت هدخل في 43 -44 الف وانا ممعاييش المبلغ دة يظهر كمان الاسعار في السوق بتبقي اغلي من برة - وانا راجع قابلت واحد معاه نوبيرا 2001 وقلي بي 45000 مش عايزة اي مصاريف قلت طيب اللي خلاني كنت هوصل ل 44 في الاكسنت وطالما مفييش اقل من المبلغ دة طيب استلف الباقي وخليني في النوبيرا ولا رايكم اية

اكيد لو النوبيرا حالتها كويسه ............لايوجد وجه مقارنه على الاطلاق بين النوبيرا والاكسنت

توكل على الله وهات النوبيرا بس اكشف عليها كويس الاول...........

[farawl]

انا ليا سؤال مش المفروض ان اسعار العربيات كل سنة بتقل عن اللي قبلها ؟؟ الناس متمسكة باسعار مش اقل من 39-40 الف ودة كتير علي عربية بقالها 12 سنة ( لو اكسنت موديل 2000 - 1500 cc) حاجة غريبة مش كدة ولا اية
ومعلش ليا سؤال اخير لو هشتريها اية اجمالي المصروفات لو هنقل الملكية باسمي علي طول ونفرض كمان ان الترخيص اوشك علي الانتهاء ؟
وبعدين اية حكاية رقم الشاسية والموتور لاني قريت في مشاركة ان لازم تكشف عليهم قبل ما تشتري ؟
وفيه نصائح قبل الشراء ولكم جزيل الشكر

[ahmdmagdy]

ريح نفسك و هات لادا زيرو او اسبرانزا a113

[zezmograby]

النوبيرا افضل فعلا بس الاكسنت مش وحشة ومكن لا قدر الله تقع في نوبيرا وحشة وتفتح معاك مصاريف
ممكن ياباشا تحسبها تاني لان كدا كدا العربيات المستعملة بيبقا فيها مشاكل وهتفتح مصاريف دا طبيعي

[farawl]

انا ليا سؤال مش المفروض ان اسعار العربيات كل سنة بتقل عن اللي قبلها ؟؟ الناس متمسكة باسعار مش اقل من 39-40 الف ودة كتير علي عربية بقالها 12 سنة ( لو اكسنت موديل 2000 - 1500 cc) حاجة غريبة مش كدة ولا اية يعني هيا فعلا تستاهل المبلغ دة ولا دي شطارة بياع ؟ واية في وجة نظركم في المبلغ اللي تستاهلة العربية دي بمختلف حالتها ( ممتازة - جيدة جدا - جيدة) ؟
ومعلش ليا سؤال اخير لو هشتريها اية اجمالي المصروفات لو هنقل الملكية باسمي علي طول وبفرض كمان ان الترخيص اوشك علي الانتهاء ؟
وبعدين اية حكاية رقم الشاسية والموتور لاني قريت في مشاركة ان لازم تكشف عليهم قبل ما تشتري ؟
وفيه نصائح قبل الشراء ولكم جزيل الشكر

وعلي فكرة شكرا لكل الناس اللي رشحوا النوبيرا وهما عندهم حق في كل اللي قالوة لكن من وجه النظر المادية الحالية خلينا في الاكسنت لحد ما ربنا يبفرجها .

[mxz911]

انا ليا سؤال مش المفروض ان اسعار العربيات كل سنة بتقل عن اللي قبلها ؟؟ الناس متمسكة باسعار مش اقل من 39-40 الف ودة كتير علي عربية بقالها 12 سنة ( لو اكسنت موديل 2000 - 1500 cc) حاجة غريبة مش كدة ولا اية يعني هيا فعلا تستاهل المبلغ دة ولا دي شطارة بياع ؟ واية في وجة نظركم في المبلغ اللي تستاهلة العربية دي بمختلف حالتها ( ممتازة - جيدة جدا - جيدة) ؟
ومعلش ليا سؤال اخير لو هشتريها اية اجمالي المصروفات لو هنقل الملكية باسمي علي طول وبفرض كمان ان الترخيص اوشك علي الانتهاء ؟
وبعدين اية حكاية رقم الشاسية والموتور لاني قريت في مشاركة ان لازم تكشف عليهم قبل ما تشتري ؟الف
وفيه نصائح قبل الشراء ولكم جزيل الشكر

وعلي فكرة شكرا لكل الناس اللي رشحوا النوبيرا وهما عندهم حق في كل اللي قالوة لكن من وجه النظر المادية الحالية خلينا في الاكسنت لحد ما ربنا يبفرجها .

للاسف اول سؤال ملوش اجابه فى مصر .. ده حقيقى ان اسعار العربيات المفروض تقل فى كل سنه ده المنطق بيقول كده لكن سوق السيارات فى مصر أسؤأ سوق سيارات فى العالم لانه مش بيمشى ب عمر السياره بل بيمشى بحاجات تانيه كتير يعنى مثلا يقولك الاكسنت عربيه اعتماديه ومتوفر قطع غيارها ( هيه دى حقيقه بصراحه انها عربيه ممتازه ))) عشان كده الناس بترفع فى سعر العربيه دى مش بتقل .. اللى عاوزه اقولهولك كمان حاجه مهمه العربيه دى سنه 2000 وهيه جديده لانج كانت ارخص من سعرها مستعمل دلوقتى

ف متقارنش السوق المصرى بأى حاجه وشوف الموضوع ده ( انسخ اللينك وبعدها شيل ال Space او المسافه الفاصله بين كلمة مصر وكلمه موتورز عشان كل ما احطه المنتدى يشفره .. تقريبا عاملين له بلوك من الاعضاء هنا مع انى مش بحط موضوع تجارى او مش بعمل دعايه لمنتدى اخر !!

http://www.masr motors.com/vb/archive/index.php/t-22313.html


ولو سمحتوا محدش يقولى شمعنا قلت الاكسنت .. انا بس بضرب مثال لاننا اتكلمنا عنها ف الموضوع .

وبالنسبه لباقى الاسئله بصراحه معرفش بخصوص التراخيص وارقام الموتور والكلام ده .. رأى تاخد حد معاك يكون فاهم وكده ..

[farawl]

كنت عايز اسائل لو هشتري عربية مستعملة اكشف عليها بنزينة - مركز خدمة - صناعية من برة وتتكلف كام في كل مكان

[mxz911]

انا اما اشتريت عربيه كشفت عليها فى بنزينه كالتكس فى اخر عباس العقاد .. ومش فاكر للاسف ا لكشف كان بكام !! بس هما بيكشفوا على العربيه كلها ومن تحت كمان ..

[amr_lamor]

انا كان فيه واحد معرفه كان معاه اكسنت 2006 فبريقه ب 42 ألف....متهيألي 99 و 2000 متكملش 35000 و السبب ان العربيات سعرها ما بيقلش لأن العربيات كلها مع تجار و هما بيحطو فوق سعر العربيه 10000 جنيه بدون ادنى مبالغه والله....انصحك ما تشتريش من السوق خالص لأن كله نصب وصدقني اغلبيه العربيات اللي هناك انصاص و ارباع وبلاوي....لو عايز العربيه ال 2006 دي انا ممكن اشوفهلك لو لسه مباعهاش ....بالنسبه للرفع احسن بنزينات ممكن ترفع فيها في الهرم...لو هتجيب اكسنت او نوبيرا ممكنترفعها في توكيل الكويت والدول العربيه في الدقي وده هيكون ازيدمن البنزينه 50 جنيه مثلا

[farawl]

انا كان فيه واحد معرفه كان معاه اكسنت 2006 فبريقه ب 42 ألف....متهيألي 99 و 2000 متكملش 35000 و السبب ان العربيات سعرها ما بيقلش لأن العربيات كلها مع تجار و هما بيحطو فوق سعر العربيه 10000 جنيه بدون ادنى مبالغه والله....انصحك ما تشتريش من السوق خالص لأن كله نصب وصدقني اغلبيه العربيات اللي هناك انصاص و ارباع وبلاوي....لو عايز العربيه ال 2006 دي انا ممكن اشوفهلك لو لسه مباعهاش ....بالنسبه للرفع احسن بنزينات ممكن ترفع فيها في الهرم...لو هتجيب اكسنت او نوبيرا ممكنترفعها في توكيل الكويت والدول العربيه في الدقي وده هيكون ازيدمن البنزينه 50 جنيه مثلا

2006 دي غالبا 1300 cc انا بسال علي 1500 برضة بنفس السعر اللي انتا قلت علية