خلوا بالكم من نصب التجار وغشهم والصنايعيه وربنا يستر علينا جميعا

[masrtamin]

التجار حاجه مقرفه لاضمير اهم حاجه عنده يكسب حتى ولة بالباطل وهو مش واخد باله انه ممكن فى حادثه صغيره يخسر فلوس كتير اوى ده غير انه ممكن يخسر عافيته او لسانه اللى بيكدب بيه علشان يغش الناس
انا مره واحد قال لى انا لو عاوز اكرهك فى عربيتك واخدها منك برخص التراب هاخدها
حسبى الله ونعم الوكيل

[ahmed_tarek82]

يا جماعة أنا لقيت memoo8888
بيهاجمني لما عملت إعلان لعربيتى و مفهمتش لية بصراحة إلا لما أستاز حسام بعتلنا و قال إنو تاجر..أنا بلغت عنو إدارة الموقع
يا ريت كلو يقرا تعليقاتو و يبلغ و إنشاءاللة حيتشال على طول ..

[wael6]

صلوا ع النبي يخوانا
فى الاول وفى الاخر كل شئ نصيب
المهم نحاول ناخد حذرنا من كل شئ اليومين دول وربنا سبحانه هو الستار الحليم

[samcar]

فى البيع - انت المتحكم - ادرى بعربيتك ولو ما فيش ضغوط ماليه يبقى السعر اللى انت عايزه ما تتنازلش عنه - وللعلم النت مليانه تجار- عملت تجربه صغيره وحطيت اعلان فى النت- من 7 او 8 سنين عملت كده مره وكان النت طالع جديد ولا الهوا لاتليفون ولاميل

المره دى - سيل تليفونات وميلات - ورغم انى كنت مبالغ فى السعر- لكن التليفونات ما بطلتش- ومن الاسئله واللهجه تفهم ان اللى بيكلمك تاجر واللى بيطلب ورا منه تاجر او شغال عنده - والغريبه انى كنت عالن عن سياره جديده ومبالغ فى الثمن وسياره قديمه ومقلل فى التمن- معظم المكالمات كانت علشان السياره الاغلى ؟؟؟

يبقى لما تعلن عن عربيتك حط فى دماغك مسرحية الا خمسه ومتاخدكش الشهامه وتقول ده الثمن المناسب بما يرضى الله - لان اللى بيكلمك بيعمل حسابه انه ينزل لك ب الخمسه والعشره

كمان لما بتعلى بالسعر بيحس انك متاكد من عربيتك ولو كنت حاطط سعر قليل بيبتدى يشك ؟؟؟
معظم الى اتصلوا تجار يمكن واحد او اتنين كانوا ناس جد ومحترمين فى السؤال - التجار وظيفتهم او همهم - ان اللى انت تشتريه ب خمسه هم لازم على الاقل يشتروه ب 3 - ودى شغلتهم اللى مقطوعين لها

لو عربيتك سليمه وبحاله جيده - اوعى تنزل فى السعر- حيدوخوا ويسوقوا عليك طوب الارض وفى الاخر حيخدوها باللى تقول عليه - ليييه؟

هنا بقى لو كنت مشترى

النت من اعلانتها تقدر تميز التاجر من الشخص العادى - عاده طريقة وصف العربيه بتدل على كده

لو انت مشترى او عى تشترى لوحدك- بس كمان اوعى تشترى مع صنيعى او سمسار ما تكونش معشره ومعامله على الاقل 10 سنين - وبرضه تاخد كلامه بحذر- حاول تاخد صديق او قريب خبره - مهندس مثلا - مع وجود الصنيعى وست عيون احسن من 2
ما تشتريش بالليل حتى ولو زيرو

افحص العربيه حته حته - واتعمد الخشونه فى التعامل مع كل الاجزاء- سيبك من اللياقه والكلام ده - اللى قدامك 90 فى الميه تاجر ولو هو مكانك كان ممكن يقطع عربيتك حتت
اتاكد من الاوراق - وما تدفعش حاجه مقدم الا لما تتاكد من سلامه كل البيانات - ولو شكيت فى حاجه ولقيته ميال للفصال مقابل الحاجه دى - اخلع فورا - لانه ده بيبقى تاجر غشاش وبضاعته غالبا مضروبه

سارع بنقل الملكيه وما تطمعش فى انك تمشى شويه برخصة العربيه اللى فيها سنه ولا سنتين - ممكن يكون قاصد علشان يدارى مشكله فى البيانات او لو حبيت توضب العربيه للفحص

سيبك من الحلفانات والايمانات - دى شغلته وحافظ كل الاحاديث والايات اللى يستشهد بيها= ربنا حيخليها ان شاء الله شاهد عليهم يوم الحساب

لو فى السوق - حتلاقى عالم مالهاش لازمه واقفه لو بيتبع تهت فيك وتستغلى السعر - ودول طبعا تبع التاجر- ولو بتشترى تلاقى اللى قال بيزايد عليك ومستنى تقول كفيت علشان يتكلم هو - قول سعرك وامشى على طول - ولف لفه وارجع حتلاقى الزبون واقف ويقول لك ده راح يجيب الفلوس- بس انا مستعجل تحب تخلص على - اللى انت قلته ويزود حاجه هابله قال يعنى ما رضخش لكلامك

تصيحه لو بتشترى اشترى من معرض محترم - ومعروف - او زميل اوقريب تثق فى معملاته - او ودى بصراحه بتبقى عايزه جراءه شويه - لو عجبتك عربيه اسال صاحبها بتحب تبيع- ههههههه- والله لى زملا اخدوا عربيات جميله من ناس محترمه باسعار كويسه - بس دى صدف

وفى البيع برضه ممكن تروح لمعرض وتتفق على سعرك وعمولته وتكون حازم -اخرى كذا - ولو معرض قريب تبقى عربيتك تحت بيتك والزبون هو اللى يجى -
وتحت اى ظروف استخير ربنا دايما قبل اى قرار

[hossam20102010]

نا فعلا نفسى اعرف بيشتروا العربيات منين؟؟؟ ويكسببا فيها مش اقل ن 10 الالف ج طب ازااااااااااى؟؟
دنا كل فين وفين اما الاقى عربيه بسعر فوق المهقول بشويه اكيد ليهم عيون فى كل مكان وجراج ربنا يخرب بيتهم

[samcar]

على فكره هم - لهم شبكة اتصالات وعرفين بعضهم كويس- وممكن يشيلوا بعض- وبتوع المعارض - اللى مش محترمه - بيقوا مربطين مع بعضهم ولهم سماسره - وبيبقوا متابعين الاعلانات والجراجات والمعارض التانيه - شغلتهم

[memoo8888]

بلظبط وكمان ليهم بوابين واصحاب جراجات
ولالهم ذمه ولا ضمير

[hossam20102010]

على فكره هم - لهم شبكة اتصالات وعرفين بعضهم كويس- وممكن يشيلوا بعض- وبتوع المعارض - اللى مش محترمه - بيقوا مربطين مع بعضهم ولهم سماسره - وبيبقوا متابعين الاعلانات والجراجات والمعارض التانيه - شغلتهم

فعلا هما كترو اوى فمنتديات السيارات

وفمواقع الاعلانات زى مصراوى واحد يعرض عربيته ب90 الف

يدخل واحد يقولو 70 الف وكاش ولو يمشى معاك والكلام بتاع التجار ده