طلب تسعير لانسر مكواة 2003

[shooter123]

اولا يا ريت لو سمحتم اللي ميعرفش يكتفي بقراءة الموضوع

انا معايا عربية لانسر اخر موديل المكواة 2003 وعايز اسعرها

هي كاملة اوتوماتيك + 4 وحدات رفع + حساسات خلفية + كاسيت بايونير وجي ام جونسون ( كوري ) 500 وات وسماعات بايونير ماليزي 400 وات + 4 تويترات ياباني اصلي
فرش جلد وارضية جلد
رشه حزام فقط
جنوط اسبور
الشكل الخارجي ايفوليشن ( اكصدامات وعتب وسبويلر
اللون فيراني ميتالك
فوانيس امامية سوداء
عاملة 95 الف كيلو
طقم كاوتش جديد
استخدام العربية معظمه سفر
العربية بجد وربنا شهيد نضيفة وتعتبر بحالة شاذة جدا

[cyborg_ift]

ربنا يحسنلك بيعهه

[أبو إياد]

من 57 الى 61

[Haitham10]

اعقل يابوحميد واهدي انت ناوي تبيع ولا ايه
وياريت تعرفني فرش الارضية كلفك كام


ابو اياد .. جيجي دي تبعك ولا ايه ؟؟؟؟

[أبو إياد]

اعقل يابوحميد واهدي انت ناوي تبيع ولا ايه
وياريت تعرفني فرش الارضية كلفك كام


ابو اياد .. جيجي دي تبعك ولا ايه ؟؟؟؟

ماتخافش ياهيثم طالما طلب تسعيرها يبقى مش هايبيع

وجيجى طبعا تبعى امال هاتبلا عليها ههههههههه

[m000dy]

من 57 الى 61

على كونتاكت كارز وعلى ارض الواقع البومه 2004 ل 2006 ال 1300 بتعمل 65 الف وممكن 64 يبقى تفتكر حضرتك المكوه توصل 60 الف !!!
لو معاك ال 60 تشترى المكوه ولا تتصرف فى 4000 وتجيبها بومه مع فرق موديل 3 سنين
زى ماحضرتك بتقيس على سعر الموديل اللى قبلها اللى هى الكريستاله واللى فى ناس مش عايشه على الكوكب وبتتكلم فى 55 الف يبقى المفروض حضرتك بردو تبص للناس اللى بتبيع الموديل الاعلى واللى ممكن يبقى الفرق بينه وبين العربيه دى 4000 بس وبردو حالتها نضيفه

وعلى كل حال الحاله بتفرق بردو بس فى حدود المعقول وانا شايف ان حدود المعقول ان المكوه لا تتعدى ال 58 الف لو كانت حالتها فعلا شاذة
انا بدور على المكوه بس مش بشكل اساسى انما ليا واحد صاحبى مش عاوز غيرها لو حضرتك نويت تبيع بلغنى واديله رقم تليفونك وربنا يقدم مافيه الخير وهو شغال فى القاهره

[أبو إياد]

على كونتاكت كارز وعلى ارض الواقع البومه 2004 ل 2006 ال 1300 بتعمل 65 الف وممكن 64 يبقى تفتكر حضرتك المكوه توصل 60 الف !!!
لو معاك ال 60 تشترى المكوه ولا تتصرف فى 4000 وتجيبها بومه مع فرق موديل 3 سنين

اولا المكوه المعروضه كامله اوتوماتيك واخر موديل للمكوه والمكوه حاجه والبومه حاجه خصوصا لو الاتنين 1300 وكانوا فى وضع مقارنه ............. المكوه تكسب رغم انها كاربراتير
اما بالنسبه للبومه انا صاحبى بايع 1300 اوتوماتيك ب59000ج وموديل 2007 بس مش زى ما المكوه اللى هنا عامله عداد 95000كم ومش رشه سقف ( يبقى اكيد الحاله تفرق ) غير الكماليات الموجوده
وانا بقا لو عاوز مكوه مش هادفع 60000كم زى ما قولت وباردو مش هاتصرف فى 4000ج علشان اركب بومه لالالالالا
انا هاجيب مكوه 2001 ب 52000ج ( وده عين العقل)

زى ماحضرتك بتقيس على سعر الموديل اللى قبلها اللى هى الكريستاله واللى فى ناس مش عايشه على الكوكب وبتتكلم فى 55 الف يبقى المفروض حضرتك بردو تبص للناس اللى بتبيع الموديل الاعلى واللى ممكن يبقى الفرق بينه وبين العربيه دى 4000 بس وبردو حالتها نضيفه

زى ما انا ماعرفش حضرتك بتفكر ازاى
اكيد حضرتك ماتعرفش طريقه تفكيرى وبالتالى مش هاتقدر تعرف انا بنيت كلامى على اساس سعر الكريستاله ولا البطه وزى ما فى ناس بتطلب فى الكريستاله 55000ج فى ناس بتبيع الكريستاله ب 33000ج

انا بدور على المكوه بس مش بشكل اساسى انما ليا واحد صاحبى مش عاوز غيرها لو حضرتك نويت تبيع بلغنى واديله رقم تليفونك وربنا يقدم مافيه الخير وهو شغال فى القاهره

طالما حضرتك بتدور على واحده اكيد كلامى وسعرى مش هايعجبك


ملحوظه : انا مفيش اى صله تربطنى بالسياره المطلوب تحديد سعرها

[M.FOUAD]

58 الف سعر عادل ليها الفابريقة برة وجوة بتعمل 60 الف حد اقصى

[zezmograby]

58 الف سعر عادل ليها الفابريقة برة وجوة بتعمل 60 الف حد اقصى

+1111111111 متستعجلش في بيعها العربية دية سوقها حلو وموفق ان شاء الله

[motoxp]

لو هتبيع انا شارى ان شاء الله شرطالحالة تكون زى المذكورة بالضبط

[shooter123]

اشكركم جميعا
استاذ محمد هو اللي شكله عايش في كوكب تاني
ازاي عايز تجيب مكواة مثلا 2001 ب 58 طيب ايدي علي كتفك وحديك الف جنية عمولة وادام عينك لو حبيت حبيعها ب 63
انا في الاول عشان تبقوا كلكم عارفين انا مش ببيعها اصلا انا بسعرها فقط
عارفين لية؟؟؟؟؟؟؟؟؟؟
لان في معرض سيارات في نفس الشارع اللي انا ساكن فيه عرض عليه 67 الف وانا رفضت لاني مش ناوي ابيعها والله علي ما اقول شهيد
العربية بجد بحالة المصنع وانا ايدي فيها باستمرار
وللعلم المكواة اغلي من البومة ( اذا كانت 1300 سي سي ) لحد موديل معين وطبعا حسب الحالة وده لان المكواة عالية عن الارض بما يتناسب مع طبيعه ارض مصرنا المحروسة
بالاضافة انها ممكن تمشي ببنزين 80 لانها كاربراتير عكس البومة نفس موديل السنة اكتوبر 2003 ولكني عربيتي مثلا المكواة مارس 2003

يا ريت اللي يتكلم يكون عن تجربة او فعلا لافف السوق وفاهم
وبكرر تاني عربيتي مش للبيع

[memoo8888]

العربيه زى مقال الاعضاء تعمل من57 الى 60 حسب حالتها

وعلى فكره بتاع المعرض بتاع67 قلله خدها وقلله هات الفلوس وشوف ساعتها هيتحجج بايه

[motoxp]

العربيه زى مقال الاعضاء تعمل من57 الى 60 حسب حالتها

وعلى فكره بتاع المعرض بتاع67 قلله خدها وقلله هات الفلوس وشوف ساعتها هيتحجج بايه

كلام سليم

[memoo8888]

ساعه الجد والتنفيذ التاجر دا هيقلله كلام تانى خالص
ولو انا مكانك وقللى 67 وهيدفعهم فعلا امسك فيه بايدى وسنانى هعوز ايه اكتر منكده
وعموما لو انتا بتبيع بجد قول سعر بما يرضى الله والناس هتشترى منك لان اى تاجر هيقللك 55 او 56 الف

[mahmoud_anwar]

بعها بي 90 الف
والمكوه ايه الي اغلي من البومه ازاي بتقارن ماتور 1300 بي ماتور 1600