دماغى ورمت

[bogiii]

معايا 45ونفسى اجيب حاجة اوتوماتيك ماتعذبنيش و خصوصا دى اول عربية هاشتريها و كنت فكرت فى الهوندا السيفيك 1992 وكيا سيفيا 2000
و كل ما استقر على حاجة حد يقولى سيبك منها تقيلة فى البيع او قطع الغيار غالية فهل من اقتراحات

[madeboy_53]

بصراحه اللي يقول لحضرتك الهوندا تقيله في بيعها يكون غلطان
السيفيا ممكن تكون تقيله بس الاحسن لحضرتك عن تجربه هوندا سيفيك sir فتحه سقف و اوتوماتيك و هتلقيها بالسعر اللي معا حضرتك او اقل و فابريكه بره و جوه و بصراحه متعه فى السواقه
وده رأيي المتواضع و لك حريه الاختيار

[shand0]

هوندا سيفيك طبعاً أفضل بمراحل حتى لو موديلها أقدم

[AHMED REFAT]

خليك فى الهوندا والسعر ده يجيب لحضرتك اس اى موديل 94 فابريكة بره وجوه وكله تمام ... وياريت بلاش تنساق للتفكير السلبى فى بيع العربية وتقيلة وخفيفة حضرتك لسه ما اشتريتش علشات تفكر فى البيع اما بخصوص قطع الغيار للهوندا متوفرة وسعرها مناسب ويمكن من افضل الكماليات تواجدا بالنسبة للهوندا .. وطبعا هى افضل من السيفيا .. على العموم استخير وربنا يوفقك الى ما يحب ويرضى ان شاء الله

[engtmk]

خليك فى الهوندا والسعر ده يجيب لحضرتك اس اى موديل 94 فابريكة بره وجوه وكله تمام ... وياريت بلاش تنساق للتفكير السلبى فى بيع العربية وتقيلة وخفيفة حضرتك لسه ما اشتريتش علشات تفكر فى البيع اما بخصوص قطع الغيار للهوندا متوفرة وسعرها مناسب ويمكن من افضل الكماليات تواجدا بالنسبة للهوندا .. وطبعا هى افضل من السيفيا .. على العموم استخير وربنا يوفقك الى ما يحب ويرضى ان شاء الله

لا فكر وفكر كويس في بيع العربيه ! انا كنت ايجابي اوي وقلت هاجيب اوبل فكترا ومش مهم سعر بيعها
بعد سته شهور لما جيبت ابيعها الناس عايز تنزل فيها 16000 جنيه غير تمن الحاجه اللي انا غيرتها فيها.

يعني انا لو كنت جبت 128 كانت علي الأقل حافظت علي سعرها.
في مصر لما تشتري الحاجه تبقي 100% لكن لما تبيعها الناس بتخسف بيها الأرض شوف اي حاجه الناس بتحبها في مصر حتي لو معجتكش علي الأقل مش هتبقي رميت فلوسك في الأرض زي

[srm]

نوبيرا اتوماتيك

اعتماديه......قطع غيار متوفره......بتحافظ على سعرها...دائما مطلوبه

[mahmoud_anwar]

بص ياباشا في نوعين من الناس في موضوع شراء السياراه وده مش عيب
في وحد بيبقا عايز يشتري عربيه تقضي الغرض بتاعه وتكون نعمه ومريحه واعلها خفيفه وعند اعاده البيع لا يخسر فيها
في وحد بيحب يكرب موديل معين لغرض الركوبه والمتعه في القيادة فقط
شوف انتا عايز ايه من دول
انا ارشح لك متسوبيشي كريستاله لو انتا عايز تبيعها علي طول بي نفس سعرها
بص دي قائمه بي العربيات الي اصحبها بتجبها للركوب فقظ والمتعه ولا تنظر لي اعاده البيع
1- البي ام دبليو
2- الفولكس فاجن وبي الاخص الجولف
3 - الهوندا
4- الاسكودا
5- الاوبل


اما بي النسبه لي العربيات الي ممكن تجبها بسعر اقل وتبعها حسب شطرتك بسعر اعلي
1- الفيات بي جميع انواعه
2 - الشيفروليه الجديد
3 - الدايو
4 - الهيونداي
5-الكيا
6- متسوبيشي
7- تيوتا

السعر الي معاك ممكن يجيب لك زي ماقولت لحضرتك متسوبيشي كريستاله موديل 99
والسعر الي مع حضرتك ممكن يجبلك حتا تيوتا كرولا موديل 94 او 95

[fadymedhat]

خليك فى السيفيك.....عربية محترمة.....

[AHMED REFAT]

لا فكر وفكر كويس في بيع العربيه ! انا كنت ايجابي اوي وقلت هاجيب اوبل فكترا ومش مهم سعر بيعها
بعد سته شهور لما جيبت ابيعها الناس عايز تنزل فيها 16000 جنيه غير تمن الحاجه اللي انا غيرتها فيها.

يعني انا لو كنت جبت 128 كانت علي الأقل حافظت علي سعرها.
في مصر لما تشتري الحاجه تبقي 100% لكن لما تبيعها الناس بتخسف بيها الأرض شوف اي حاجه الناس بتحبها في مصر حتي لو معجتكش علي الأقل مش هتبقي رميت فلوسك في الأرض زي

اختلاف الاراء لا يفسد للود قضية ولولا اختلاف الاراء لبارت السلع وده حقيقى .. ولكن انا راى ان اكون عملى وايجابى اكثر من السلبية فى الراى فحضرتك بتقول ان السوق حاول يخسرك فى الاوبل 16000 وانا مصدقك جدا لان ابن عمى كان معاه الاوبل وتعب جدا على ما باعها وسعرها فعلا نقص بس بصراحة هى عربية تستحق الاقتناء من فخامة لثبات على الطريق لامان لكماليات .. وعلى الرغم من انها فعلا بتخسر لاسباب كثير الا ان ركوب ال 128 اللى ما تخسرش على حد قولك عربية صعبة وتفتقر الى اى نوع من انواع المتعة فى القيادة وفى الراحة وفى الكماليالت وفى الاعتمادية وفى الرفاهية ده غير اعطالها وياسلام لو عايز تسافر مع اهلك بقى فى الصيف مثلا يبقى حكمت على نفسك وعليهم باسوء سفرية فى الدنيا ... ده غيرمشاكل كثير وحدث ولا حرج وكل ده خسارة ليست مادية بالقدر المحسوس فى ثمنها.. انا قصدى من كلامى اذا كنت بدور قبل ما تشترى على عربية ما تخسرش ومقابلها تحرم نفسك من من متعة قيادة واقناء عربية محترمة ,, يبقى الواحد يخلى فلوسه معاه علشان ما تخسرش احسن ويقضيها تكاسى بقى ..

[bogiii]

شكرا على كل الردود اللى فادتنى جدا و ربنا يسهل و الاقى سيفيك كويسة

[rahmanboud]

اولا بعد الشر على دماغك اللى ورمت

ثانيا عليك بالهوندا وبلا تردد

[Rerii]

بص ياباشا في نوعين من الناس في موضوع شراء السياراه وده مش عيب
في وحد بيبقا عايز يشتري عربيه تقضي الغرض بتاعه وتكون نعمه ومريحه واعلها خفيفه وعند اعاده البيع لا يخسر فيها
في وحد بيحب يكرب موديل معين لغرض الركوبه والمتعه في القيادة فقط
شوف انتا عايز ايه من دول
انا ارشح لك متسوبيشي كريستاله لو انتا عايز تبيعها علي طول بي نفس سعرها
بص دي قائمه بي العربيات الي اصحبها بتجبها للركوب فقظ والمتعه ولا تنظر لي اعاده البيع
1- البي ام دبليو
2- الفولكس فاجن وبي الاخص الجولف
3 - الهوندا
4- الاسكودا
5- الاوبل


اما بي النسبه لي العربيات الي ممكن تجبها بسعر اقل وتبعها حسب شطرتك بسعر اعلي
1- الفيات بي جميع انواعه
2 - الشيفروليه الجديد
3 - الدايو
4 - الهيونداي
5-الكيا
6- متسوبيشي
7- تيوتا

السعر الي معاك ممكن يجيب لك زي ماقولت لحضرتك متسوبيشي كريستاله موديل 99
والسعر الي مع حضرتك ممكن يجبلك حتا تيوتا كرولا موديل 94 او 95

صح جدا لانسر 99 عربيتى حبيبتى
وتيوتا كورولا عربية محترمة بجد

بس بصراحة انا شايفه ان السيفيك عربية محترمة جداااااااااااا ومحافظة على سعرها عيبها بس انها واطية وقريبة من الارض بس السيفيك سيفيك

بس لو هتجيب لانسر اوتوماتيك هاتها 1500 او 1600 عشان 1300 هتجيبلك شلل اطفال

[mostafag]

شكرا على كل الردود اللى فادتنى جدا و ربنا يسهل و الاقى سيفيك كويسة

أحسنت الاختيار
وربنا يوفقك في واحد حالتها كويسة إن شاء الله
السيفك عربية محترمة ومطلوبة وسعرها كويس في إعادة البيع

[mostafag]

صح جدا لانسر 99 عربيتى حبيبتى


بس لو هتجيب لانسر اوتوماتيك هاتها 1500 او 1600 عشان 1300 هتجيبلك شلل اطفال

طبعاً اللانسر 99 عربية قمة في الإداء والمتعة بس الـ 1600 أتوماتيك مش هتقل عن 55 ألف

[eldell]

خليك فى السيفيك ولو حالتها حلوه هتبقى ملهاش حل وربنا يوفقك فى الاختيار