تكلفة و اجراءات شراء سيارة مستعملة او جديدة من اوربا

[mazen_99]

السلام عليكم جميعااااااااا

اثناء تصفحى لمواقع بيع سيارات مستعملة و جديدة اوربية


New & Used Cars For Sale - Arnold Clark

Auto Scout24 Used car & new car classifieds

شدتنى اسعار العربيات دى جداااااااا و برده امكانياتها محترمة.. مش عايز اقولكم عربية تويتا ياريس-1300 سي سى- مو 2004 عاملة 4000 يورو تقريبا يعنى 28 الف جنية مصرى تقريبا اللى هيا فى مصر مش اقل من 70 او 80 الف جنية تقريبا لنفس الموديل ..

و كنت قريت فى اهرام السيارات ان من بداية 2011 الجمارك بتاعت العربيات المستوردة من اوربا و تركيا هتقل 10 % حتى 2019 هتبقى 0% .. يعنى كل سنة الجمارك هتقل 10 % ..

يا ريت لو حد يعرف تكلفة و اجراءات الشراء ازاى من اوربا يعنى تكلفة الشحن و الضرائب و الجمارك و المصاريف دى كلها اد ايه؟؟ لحد ما تستلم العربية

[MASERATI]

السلام عليكم و رحمة الله و بركاته

كل التساؤلات بتاع سيادتك موجودة بالتفصيل و أكتر شوية فى التوبيك ده .

http://www.nilemotors.net/Nile/195979-a.html

ده بالنسبة لشروط استيراد السيارات المستعملة من بره , لكن تكاليف الشحن , دى بتختلف من بلد أوروبية لبلد تانية , يعنى اللى هيشحن من ألمانيا غير اللى بيشحن من ايطاليا .

و حسب , ما ،أنا حسبت , أن لو استوردت عربية مستعملة من بره, هتقف عليك فى النهاية بنفس سعر العربية دى لو اشتريتها بحالة نظيفة من هنا .

[HOSSAM99]

علي حد علمي ويا رب اطلع غلطان انه لايمكن ادخال سياره مصر الا اذا كنت انت المالك لها من الزيرو يعني اول مالك لها
غير كده ممنوع
علشان كده فيه ناس بتشتري من ذوي الاحتياجات ( حقهم وحلمهم ) في استيراد سياره مستعمله علشان مينفعش لغيرهم استيراد سياره مستعمله والحصول علي افراج جمركي الا اذا كانت سيارته منذ الاستعمال الاول

[elewey]

كمان و فى حاجة انا متاكد منها ان فى مصر عمر ما حسيبك تستورد عربيه من برة و تطلع سعرها ارخص من اللى مصر حتى لو مستعمله لان لم مشيت كدة محدش حيشترى عربيه من مصر بعد كدة