راي الخبراء في فيات 131 مقبل على شرائها ان شاء الله

[tejani]

انا عرف اني وجعت دماغكم بس عشان اجيب عربيه كويسه
الميكانيكي بتاعي جابلي النهارده عربيه 131 1600 واحد كامه موديل 81 رخصتها خلصانه
الميكانيكي بيقول موتور وكهرباء وكارونه ودفرنس تويوتا وفتيس 10 على 10
مفيهاش تكييف بس 1600 يعني ممكن اركب تكييف فيما بعد ان شاء الله
العربيه لونها اصفر كناري انا روحت شوفت العربيه عند السروجي عاملين فرش جديد وفرش ابواب صراحه تحفه
بني في بيج كده تقريبا العدادات كلها شغاله زي ما بيقول طبعا السروجي كان شغال فانا مدورتش العربيه
طبعا سمكره ودوكو جديد 10 على 10 من بره كاوتش شكله جديد نقشته لسه غويطه مش سطحيه
بطاريه جافه كويسه بيقولا لسه جديده هي مؤشرها اخضر واعتقد كده كويسه
مطلوب 20000 وهيدفع الضريبه والتامين الاجباري في نقل الترخيص
العيب الوحيد اللي تعبني وخلاني افكر انها رشه الشنطه هم بيقولوا تعفير بس عشان كان شكلها جربانه
يعني نظافه وقاعدا يشاورولي على اماكن اللحامات الاصليه ومش عارف حاجات اسمها زنب ايه على الناحيتين شبه بعض يعني مش خبطات ولا حاجه وصراحه انا شفت العربيه على الارضيه من جوه لانهم كانوا لسه بيحطوا الفرش مفيهاش لحامات خالص ولسه بالبلك بتاع بلادها
انا طبعا قلتله لازم ادورها الاول وامشي بيها عشان اشوفها واجرب العفشه كمان انا اولا واخيرا سواق طاره ميهمنيش المنظر اهم حاجه الاداء بتاعها اتفقنا انه هيفنشها واشوفها بكره المغرب ان شاء الله
رايكم ايه يا جماعه
على فكره العربيه فيها سنتر واربعه زجاج كهرباء

[Memo_Lancer]

اتاكد اهم حاجه من موضوع الشنطه
خد سمكري معاك
و ا كشف عليها كويس
و السعر مقدرش افتي الصراحه

[zaman288]

ألسلام عليكم

ربنا يوفق ان شاء الله بس برضه الاول اتاكد انها ماكانتش شغاله تاكسي
لان واحد صاحبي اشتري واحده ولما راح يرخص وعرف انها كانت تاكسي اتضايق وفضل فتره مقلق منها لحد ماريح نفسه وباعها فالاخر وديه نقطه مهمه لازم تتاكد منها قبل ماتشتري

[tejani]

روحت جربت العربيه دلوقت كانك سايق جرار زراعي بالضبط ترزيع في المكنه فظيع
وطبعا الراجل مرداش نفحصها في بنزينه كده عرفت ان فيها حاجه وتستمر رحلة البحث عن سيارة كويسه انا يئست صراحه

[Memo_Lancer]

لالالالالا
متايسش ابدا يا باشا
ان شاء اللهتلاقياحسن مليون مره