ارجو المساعده للى يعرف 127 ولا lada tavria

[Mohamed Fathy]

lada tavria 1993 كوبيه 2 باب 1100 سىسى العربيه دى كويسه؟ يعنى هى احسن ولا 127 عشان معروضه فى كونتكت كارز......... وشكلها حلو......... وقطع غيارها ايه متوفره ولا 127 احسن ؟ وهل فيها مشاكل ارجو النصيحه لأنى عايز اشترى فى اقرب وقت

[M.FOUAD]

127 احسن بكثير التافريا قطع غيارها قليلة

[hugan]

127 توب طبعا
ولو انها اقدم من التافاريا
الا انها متداوله وقطع غيار متوفره

[Mohamed Fathy]

طيب اي رايكم فى suzuki maruti 98 هى تقريبا نفس السعر

[momo100010]

العربية حجمها صغير جدا جدا جدا
يعني لو هتمشي بيها جوه البلد تبقى ممتازة
لو هتمشي على طرق سريعة او الدائري كتير
بلاش احسن
لانها خفيفة جدا وممكن مقطورة وهى معدية تؤثر على ثباتها عالارض
وشوف الستروين الax
انا بدور عليها انا كمان وعربية جميلة جدا
بس هتتعب شوية لحد لما تلاقي حاجة كويسة

[AMA]

العربية حجمها صغير جدا جدا جدا
يعني لو هتمشي بيها جوه البلد تبقى ممتازة
لو هتمشي على طرق سريعة او الدائري كتير
بلاش احسن
لانها خفيفة جدا وممكن مقطورة وهى معدية تؤثر على ثباتها عالارض
وشوف الستروين الax
انا بدور عليها انا كمان وعربية جميلة جدا
بس هتتعب شوية لحد لما تلاقي حاجة كويسة

فعلا عندك حق الفرق بين ال127 و التافاريا و الستروين ax فرق السما من الارض طبعا
بس برضة مشكلة قطع الغيار فى التلاتة كتيره
لو مش بيهمك موضوع قطع الغيار النادر ممكن تجيب داتشيا نوفا اكبر جدا من التلاتة

[elmkaneeki]

ماروتى طبعا

[AHMED REFAT]

نصيحة لله اوعى اوعى اوعى التافارية .. ها تشوف اسوء ايام حياتك معاها ومش ها تلاقى ليها مسمار وها تقعد تلفئ ليها قطع غيار وبرضه مش ها تنفع والله انا بنصحك لله انا شوفت معاها ايام ربنا لا يعيدها ابدا يارب .. وفى الاخر العربية كانت مرمية تحت البيت حطام واتسرقت واتبهدلت واتاخد منها كل حاجة ودلوقتى بقت مقلب زبالة ورحنا ودينها ورميناها فى البلد .. اوعى اوعى اوعى تفكر حتى ولو تفكير فى شراها والله انا بقولك لله عز وجل

[elmkaneeki]

نصيحة لله اوعى اوعى اوعى التافارية .. ها تشوف اسوء ايام حياتك معاها ومش ها تلاقى ليها مسمار وها تقعد تلفئ ليها قطع غيار وبرضه مش ها تنفع والله انا بنصحك لله انا شوفت معاها ايام ربنا لا يعيدها ابدا يارب .. وفى الاخر العربية كانت مرمية تحت البيت حطام واتسرقت واتبهدلت واتاخد منها كل حاجة ودلوقتى بقت مقلب زبالة ورحنا ودينها ورميناها فى البلد .. اوعى اوعى اوعى تفكر حتى ولو تفكير فى شراها والله انا بقولك لله عز وجل

صح يا جدعان ملهاش أي قطع غير فعلا

[Mohamed Fathy]

الف الف شكر ليكم وجزاكم الله خيرا على الردود والله افدتونى وربنا يبارك فيكم

[SOBKY]

و للمعلومة بس ... التافاريا ... لا هي لادا و لا حاجة.
دي عربية اوكراني باستثمار كندي و تكنولوجي من شركة زاز الروسي .
لك ان تتخيل هتلاقي قطع غيارها عند مين في مصر اللي واخد توكيل اي حاجة منهم.
بالله عليك طلعها من دماغك خاااالص.
انا والدي استلمها من شغله زمان و كانت عالزيرو ... لمدة اسبوع علشان كان بيصلح عربيته هو الشخصية .
و الله كانت باكياسها ... و كان ابويا بيسب و يلعن فيها و هو جاي من اي مشوار بيها.