128 للبيع.. متتوفتش صدقنى

[superb]

بعد سنين و سنين اخيرا للأسف قررت اتخلى عن حبيبتى ال 128 و اليكم المعلومات المهمه

1- الحاله لا تحتاج الى الى شيء
2- متظبطه و فيها طقم جنط جديد مكملش سنه
3- الموتور و حالته : الموتور الأصلى للسياره و حالته جيده جدا جدا جدا ( مش هزار و اللى يركبها ميصدقش انه متورها)
4- الفرش معدل و اسبور ازرق فى ابيض و تم تعديل الكنبه لإتاجة مساحه اكبر للركاب اللى ورا
5- حالة جسم العربيه: طبعا الصور تتكلم و هى نضيفه جدا مش محتاجه مسمار الحمد لله
6- بستعمل بنزين 92 :)
7 , 8 , 9 .... انا تعبت من الكتابه اسيبلكو مع الصور

ملحوظه: السياره موديل 1989 و تم رفعها 5 سنوات للسفر




و دى احدث صوره




ارجو للجادين فقط:

المطلوب 25 الف جنيه مصرى
الرخصه فيها سنتين و نصف لسه
برجاء التواصل عن طريق الخاص او رقم الموبيل 0101346203
الأستاذ / باسم محمد

[Memo_Lancer]

بالتوفيق يا باشا
ماشاء الله
نضيفه اوي

[tejani]

تحفه بس سعرها عالي
ويا ريت تملا استمارة البيع هتوضح امكانيتها اكتر

[Karim_Mohy]

ربنا يوفقك في بيعها

[totaman]

ماشاء الله نضيفة ربنا يبلركلك فيها

بس لو السعر يتحرك شوية لانى بدور على حاجة فى الحدود دى

[betza]

هي عامله كام كيلو

[totaman]

وياريت لو فى صور من جوة + خلفية السايرة لو سمحت

[Mohamed Fathy]

جميله بسم الله ماشاء الله

[superb]

انا شاكر ليكو كلكو ... والله انا نفسى انزل السعر بس زى مانا قلت مش محتاجه مصاريف.. كمان على فكره انا اول مستخدم .. يعنى زى مبيقولو عربيه بيتى بالبلدى .. و انا تحت امركو و شكرا على رودودكو المحترمه :)

جارى تحميل المزيد من الصور للصالون و الخلفيه

[magyver]

كلها شركة من برة جوة ولا فيها حاااجة
ومكان المعاينة فين

[superb]

الصراحه انا مغيرلها رفارف قدام و راشش فيها لأنى ببساطه مكنتش مفكر فى البيع خالص :( بس للضرورة احكام و صعبان عليا ابيعها ..
بس العربيه الحمد لله ولا اتقلبت قبل كدا ولا غيرت باب واحد و بنفس الزجاج كله ماعدا الزجاج الأمامى كان جاله سرطان..

المزيد من الصور...






بدور على صور ليها من ورا و هرفعها قريب جدا انشاء الله

[superb]

صورة خلفيه

[bobakr]

حقيقي الموضوع ممتاز وطريقة عرض الاعلان ممتازة بس لي تحفظ على السعر والذي قد يستفز البعض
هذا السعر قد يعادل ثمن:
- سيارة سوزوكي سويقت ياباني اول التسعينات بحالة جيدة. (يعني موديل اعلى وبها اوبشن اعلى وتكنولوجي ارقى)
- كيا برايد تسعينات. (شرحه)
- دوجان اول التسعينات. (شرحه)
- اكسل هتشباك . (شرحه)
- ريجاتا نوفا 1990 .(شرحه)
- اونو تسعينات (شرحه)
- تمبرا تسعينات حالة معقولة
- شاهين تسعينات حالة مقبولة
اما موديلات الثمانينات حدث ولا حرج ابسطها 131 1984 حالة ممتازة
تفتكر مهما كانت حالة 128 ثمانينات تعوض هذه السيارات سالفة الذكر
اعذرني على هذه المشاركة فهي موجهة لسيادتك ولكل الاخوة المعلنين لابد من عمل مقارنة بين السعر المعلن والاسعار الاخرى وعذرا على الاطالة.

[tejani]

سؤال خارج موضوع البيع
هو التابلوه ده مكسي جلد ولا مرشوش
الاعداداتاللي على القايم بكام ومن فين ويا ترى شغاله ولا منظر وبتقيس ايه

[mahmoud_anwar]

باشا ممكن اضحك
3- الموتور و حالته : الموتور الأصلى للسياره و حالته جيده جدا جدا جدا ( مش هزار و اللى يركبها ميصدقش انه متورها)

يعني هيا الشركه وهيا بتصنع ال128 ركبت ماتور الفا روميو بي الغلط بي مانها شركه ايطالي وحده ههههههههههههههههههههه
ما كل ال128 ماتور واحد وعيب واحد واحد واحد وسته واحد ياراجل دي ال128 الي موديل 2007 هيا هيا نفس 128 موديل 66 ههههههههههههه السواقه واحده بس تصدق العربيه ال128 احلي اختيار في الشتاء دفايه ملهاش حل يابلاش عامله 25 الف وموديل 89 والعنوان متتفوتش هههههههههههههههههههههه لا فوتها احسن