استفسار بخصوص سيارات المعاقين

[dr_taher1985]

انا جبت سيارة باسم واحد معاق من 5 سنين وماعملتش ليها رخصة الى الان لان المعاق ماعرفتش اطلع له رخصة وباقى شهر على انتهاء ال 5 سنين ومش عارف ازاى هفك الحظر او اعمل نقل الملكية
ياريت لو حد يعرف ايه الحل يعرفنى لان فيه ناس طالبة 5 الاف جنيه عشان تجيبلى الرخصة دى ويا عالم هيطلعها فعلا ولا بيقول اى كلام كدا
ارجو الافادة وشكرا

[mando800]

الكلام ده حرام
لانك بتاخد حاجه مش بتاعتك
بتاخد حق واحد محتاج و في اشد الحاجه لهذه السياره
و كتييييييييييير جدا بيحصل
ان ناس بتاخد حق ناس
و ده يعتبر ظلم
حتى لو اللي انت جبتها باسمه اديته فلوس ( رشوه )
زي بالظبط الوزراء اللي بيطلعو قرارات علاج على نفقة الدوله لاهلهم
و هما عندهم ملايين
و فيه ناس تانيه بتنام في الشارع امام القومسيون الطبي في وزارة الصحه
جايين من اخر بلاد مصر المحروسه
نايمين في الشارع منتظرين صرف روشتة علاج
لانهم مش قادرين يشتروها
زي برضو الموظف اللي بيدعي المرض علشان ياخد اجازه
و فيه غيره مريض بالفعل و محتاج الاجازه دي اكتر منه لكن بتترفض
لان الاخ التاني بياخد الاجازه بطرق غير شرعيه

[mahmoudysf]

الكلام ده حرام
لانك بتاخد حاجه مش بتاعتك
بتاخد حق واحد محتاج و في اشد الحاجه لهذه السياره
و كتييييييييييير جدا بيحصل
ان ناس بتاخد حق ناس
و ده يعتبر ظلم
حتى لو اللي انت جبتها باسمه اديته فلوس ( رشوه )
زي بالظبط الوزراء اللي بيطلعو قرارات علاج على نفقة الدوله لاهلهم
و هما عندهم ملايين
و فيه ناس تانيه بتنام في الشارع امام القومسيون الطبي في وزارة الصحه
جايين من اخر بلاد مصر المحروسه
نايمين في الشارع منتظرين صرف روشتة علاج
لانهم مش قادرين يشتروها
زي برضو الموظف اللي بيدعي المرض علشان ياخد اجازه
و فيه غيره مريض بالفعل و محتاج الاجازه دي اكتر منه لكن بتترفض
لان الاخ التاني بياخد الاجازه بطرق غير شرعيه

هي بقت اسهل حاجة في اي حاجة نقول حرام وخلاص كدة بدون علم
حق مين اللي خده
وانت دخلت الدنيا في بعضها كدة ليه
الحرام ان الحكومة تتحكم في المعوق انو ميبعش العربية لمدة خمش سنين عشان يحمو اصحاب توكيلات السيارات
الراجل بيسال في حاجة معينة
يا تفيدة في الحاجة دي
يا امى ما تفتيش من غير علم
وتجيب تشبيهات في غير محلها

[mahmoudysf]

انا جبت سيارة باسم واحد معاق من 5 سنين وماعملتش ليها رخصة الى الان لان المعاق ماعرفتش اطلع له رخصة وباقى شهر على انتهاء ال 5 سنين ومش عارف ازاى هفك الحظر او اعمل نقل الملكية
ياريت لو حد يعرف ايه الحل يعرفنى لان فيه ناس طالبة 5 الاف جنيه عشان تجيبلى الرخصة دى ويا عالم هيطلعها فعلا ولا بيقول اى كلام كدا
ارجو الافادة وشكرا

الحل انك تعلمة السواقة وتطلعلة رخصة وتوفر 5000 الاف
وسمعت انك ممكن تفك حظر عادي بس هتفع غرامة اسال في الموضوع ده

[mando800]

هي بقت اسهل حاجة في اي حاجة نقول حرام وخلاص كدة بدون علم
حق مين اللي خده
وانت دخلت الدنيا في بعضها كدة ليه
الحرام ان الحكومة تتحكم في المعوق انو ميبعش العربية لمدة خمش سنين عشان يحمو اصحاب توكيلات السيارات
الراجل بيسال في حاجة معينة
يا تفيدة في الحاجة دي
يا امى ما تفتيش من غير علم
وتجيب تشبيهات في غير محلها

يا استاذ ممكن ترد على سؤالي
لما تاخد حاجه مش بتاعتك
يبقى حرام ولا حلال ؟
لما تاخد حق غيرك
يبقى حرام ولا حلال ؟
لما تدفع رشوه علشان تطلع رخصه مش ليك
يبقى حرام ولا حلال ؟
لما تدور على طرق ملتويه و غير شرعيه
يبقى حرام ولا حلال ؟

[mgelgel]

يا استاذ ايه هو اللي حرام بس واحدة واحدة
اولا مش حرام اصحاب التوكيلات يجييبوا زبالة العربيات (الفرنا و اللوجان ....الخ) و تتباع ب 70 الف جنيه
انا كنت بشتغل في السعودية تصور العربية الكامري اللي هي قمة التويوتا بتتباع ب 70 الف ريال موديل السنة تيجي هنا تلاقيها ب 560 الف جنيه ايه الجشع ده و الاستغلال ده ...
خد عندك مثلا اللوجان عربية المفروض هي للطبقة المتوسطة و نازلة من غير جمارك سعرها كان المفروض ميعديش 35 الف جنيه
بقدرة قادر توصل ل 70 الف جنيه طب ازاي ..طبعا عشان خاطر اصحاب التوكيلات و يتحرق الباقي
الحرام فعلا هو اللي بيتعمل فينا
انا مش بقول ان الواحد ياخد حاجة مش بتاعته زي مثلا كتير بيعملوا قومسيون طبي و يدفعوا رشوة 12 الف جنيه و يطلعوا بيه علي بورسعيد و يستلموا عربية معاق ...ده هو اللي حرام
بس الاخ مشتريها باسم المعاق اللي كان عمره ما هيشتري عربية باسمه فهو كده استفاد و غيره استفاد
و لعلمك العربيات في بورسعيد مرمية في الجمرك مش لاقية اللي يرخصها

[dr_taher1985]

الأخ ماندو اللى عمال يقوللى حرام وحلال
انا دكتور ولما ابقى درست كل الفترة دى واتخرج فى الاخر اخد 400 جنيه مرتب دا حرام ولا حلال وغيرى بره بياخد على الاقل اكتر منى 10 اضعاف
لما اكون بتبهدل فى المواصلات واشتغل لحد 2 بالليل وعايز اروح بيتى ومالقاش مواصلة تروحنى وعلى ما اروح تكون الساعة 5 الفجر مع العلم ان ممكن المشوار ماياخدش اكتر من ربع ساعة دا حلال ولا حرام
ولما يكون سعر العربية هنا اكتر من تمنها بره اضعاف دا حلال ولا حرام
ولما يكون المعاق دا اللى انا جبت باسمه عمره ماهيجيب عربية وانا اديته مبلغ يمشى بيه اموره دا حلال ولا حرام
ياريت ماتتكلمش وانت مش عارف حاجة وانا بطلب طلب يا تجاوب عليه يا تسكت احسن

ياريت يا جماعة لو حد يعرف حل يجاوبنى

[mahmoudysf]

يا استاذ ممكن ترد على سؤالي
لما تاخد حاجه مش بتاعتك
يبقى حرام ولا حلال ؟
لما تاخد حق غيرك
يبقى حرام ولا حلال ؟
لما تدفع رشوه علشان تطلع رخصه مش ليك
يبقى حرام ولا حلال ؟
لما تدور على طرق ملتويه و غير شرعيه
يبقى حرام ولا حلال ؟

يا ريت تفهم الامور بس كويس
قبل ما تتسرع وتقول حلال وحرام من غير علم
ممكن تقول قانوني او مش قانوني دى تمشي وهنا ممكن اناقشك
واقولك ان كتير من القوانين هي اللي حرام وضد الشرع
لان القوانين هنا عندنا هيا اللي بتمنع الافراد من انهم يستوردو سلع معينة
ومن ضمنها العربيات
وكل ده عشان عيون الوكلاء ودول بيكسبو في الحاجة اضعاف اضعاف
وبيكرس الاحتكار
والاحتكار معروف انو حرام شرعا
يبقى القوانين دي هي اللي حرام في حد ذاتها
يا ريت تاني افهم الامور الاول وبعدين اتكلم في حلال وحرام

[hany626]

السلام عليكم ورحمة الله وبركاته

بالنسبة لموضوع الحلال والحرام فى الموضوع ده انا مش هفتى ولا أقول حلال ولا حرام لانى مش أهل الفتوى لكن انا حصل معايا موقف انى جبت عربية وكتبتها على اسم بنت معاقة واديتها فلوس واكتشفت انها بعد كده عملت سقف لبيتها لانه كان من غير سقف وهى ساكنة فى بيت ريفى ومن أسرة فقيرة ... وأعتقد ان أى معاق بنجيب عربية على اسمه وبياخد مقابل مالى بيكون شخص محتاج الفلوس أكتر من العربية لانه من حقه يجيب عربية كل 5 سنين ولو دورت فى تاريخه قبل ما تجيب عربية على اسمه مش هتلاقيه جاب ولا عربية فى حياته ولا كانت فى خطته ... الخلاصة اللى بياخد حق غيره ده حرام لكن الموضوع ممكن يكون مساعدة لان هو معاه حق يعنى ممكن نقيسه على شخص بياخد دعم على التموين من الدولة وبيبيعه لانه مش محتاجه ومحتاج الفلوس أكتر يبقى انا لو مأخدتوش منه ممكن أضيع عليه الفرصة وحقه فى الدعم ...ده رأى شخصى وليست فتوى

بالنسبة بقى لموضوعنا رخصة المعاق يفضل انك تعلمه القيادة أو تشوفله وسطة والمهم يكون بيقرأ ويكتب وان شاء الله ربنا يوفقك وتطلعهاله بس خلى بالك عشان النصب كتير أوى فى الموضوع ده ... وبالنسبة لفك الحظر ان شاء الله مش هيكون فيه غرامة ولا حاجة الغرامة بتكون بعد مرور الثلاث سنوات بس وبتكون 9600 خزينة ومصاريف تانية ومستخلص يعنى بتخش فى 10000 او أكتر شوية وبتتعمل من المطار على ما أعتقد بس المهم رخصة المعاق وربنا كريم

[osama.m]

حاول تعلمة السواقة وتدربة كتير عليها وعلى استخدام الجهاز بتاع العربية .. لو هتفضل تعلمة شهر احسن من انك تدفع 5.000 و مش عارف هتطلع ولا نصباية .. طلع الرخصة و اعمل مصالحة مع الجمارك و انقلها باسمك عشان لو اتمسكت بيها وهي بأسمة هيبقى فيها مشاكل كتير ..

[Mo.Kareem]

هو حضرتك سيب العربية الخمس سنين من غير ترخيص ؟؟؟؟!!!!!
المعاق لازم يطلع رخصة وبتكتب فيها رقم العربية ،
العربية علشان تخلصها من الجمارك لازم تكون الرخصة موجودة وسيرة مش خلاصانة
حضرتك لازم بسرعه تطلع رخصة للمعاق لأنك مش هتعرف تعمل اى حاجة من غير ترخيص العربية والعربية مش هتترخص من غير رخصة المعاق
انا اسف والله بس لو حضرتك لحد دلؤت مرخصتش العربية مش هتعرف تعمل اى حاجة ،
لو حضرتك واثق من الناس اللى هتاخد الفلوس وتجبلك الرخصة ادفعهم واخلص احسن

[فتح الباب]

يا استاذ ايه هو اللي حرام بس واحدة واحدة
اولا مش حرام اصحاب التوكيلات يجييبوا زبالة العربيات (الفرنا و اللوجان ....الخ) و تتباع ب 70 الف جنيه
انا كنت بشتغل في السعودية تصور العربية الكامري اللي هي قمة التويوتا بتتباع ب 70 الف ريال موديل السنة تيجي هنا تلاقيها ب 560 الف جنيه ايه الجشع ده و الاستغلال ده ...
خد عندك مثلا اللوجان عربية المفروض هي للطبقة المتوسطة و نازلة من غير جمارك سعرها كان المفروض ميعديش 35 الف جنيه
بقدرة قادر توصل ل 70 الف جنيه طب ازاي ..طبعا عشان خاطر اصحاب التوكيلات و يتحرق الباقي
الحرام فعلا هو اللي بيتعمل فينا
انا مش بقول ان الواحد ياخد حاجة مش بتاعته زي مثلا كتير بيعملوا قومسيون طبي و يدفعوا رشوة 12 الف جنيه و يطلعوا بيه علي بورسعيد و يستلموا عربية معاق ...ده هو اللي حرام
بس الاخ مشتريها باسم المعاق اللي كان عمره ما هيشتري عربية باسمه فهو كده استفاد و غيره استفاد
و لعلمك العربيات في بورسعيد مرمية في الجمرك مش لاقية اللي يرخصها

انا اضم صوتى لحضرتك وبعدين احنا تعودنا على اسلوب راقى فى المحادثه مع بعضنا البعض لكن مش اللى انا شايفه ده . مهاجمه بطريقه غريبه وكأن السياره اخذت منه هو شخصيا طيب ليه الاسلوب ده اساسا ااااااااااااااااااااااااااااااااااااااااااااااه ميكونش هو المعاق اللى جاى على اسمه العربيه ليه لا ممكن عموما الشعور الطيب المتبادل افضل

[mgelgel]

استاذي الكريم اسهل الحلول تدخل الاخ المعاق ده مدرسة لتعليم القيادة و تدفع رسوم بسيطة 400-500 جنيه فقط و هم هيعملوله الرخصة و يعدوه في الامتحان كمان
و شكرا للاستاذ tjp .... احنا محتاجين فعلا اسلوب راقي للحوار

[dr_taher1985]

شكرا يا جماعة
بس انا عايز اعرف حاجة هو فك الحظر بعد 3 سنين بندفعله 9600 جنيه لكن لو بعد 5 مش بندفع حاجة
صح ولا ايه ؟

[Mo.Kareem]

شكرا يا جماعة
بس انا عايز اعرف حاجة هو فك الحظر بعد 3 سنين بندفعله 9600 جنيه لكن لو بعد 5 مش بندفع حاجة
صح ولا ايه ؟

صح يا دكتور