تاثير الثوره على سوق السيارات

[shshmoh]

بعد الاحداث المتقلبه فى مصر الايام السابقه و ربنا يستر و متبقاش الايام القادمه كمان
ممكن حد خبير فى الجمارك و سوق السيارات القديمه و المستعمل ينصح المشترين يعملوا ايه
نشترى عربيات او ننتظر كمان كام شهر

[body6789]

حتى وقتنا هذا لايوجد اشعار بأى شئ بالنسبه للتعريفه الجمركيه ولا يوجد سبب للتخفيض

[mahamedaraby]

سوق السيارات الزيرو شبه متوقف شلل تام وارتفاع للاسعار

سوق المستعمل هو كمان رفع السعر

[temo85]

سوق السيارات الزيرو شبه متوقف شلل تام وارتفاع للاسعار

سوق المستعمل هو كمان رفع السعر

بجد المعارض دى بتهرج ازاى يبقى شلل تام و الأسعار تعلى !!!!!! و ايه الحكمه من ان المستعمل يغلى ؟؟

[misoalex]

من رابع المستحيلات مصر تشيل الجمارك من على العربيات

ده والجمارك موجوده والدنا بايظه والناس عماله تشترى

خدو بالكم لما المتوسكلات الصينى بقت برخص التراب ايه الى حصل

اهو لو العربيات رخصت مش حنلاقى مكان الناس تمشى فيه فى الشارع

لو العربيات حترخص حيبقى وفق جدول زمنى متزامن مع التغير وشامل تغير الشوارع وفك ازمه الزحام

[bobakr]

من رابع المستحيلات مصر تشيل الجمارك من على العربيات

ده والجمارك موجوده والدنا بايظه والناس عماله تشترى

خدو بالكم لما المتوسكلات الصينى بقت برخص التراب ايه الى حصل

اهو لو العربيات رخصت مش حنلاقى مكان الناس تمشى فيه فى الشارع

لو العربيات حترخص حيبقى وفق جدول زمنى متزامن مع التغير وشامل تغير الشوارع وفك ازمه الزحام

وهو لما المتوسيكلات الصيني زحمت الشوارع الحكومة عملت ايه اقولك عملت ايه ..... نزلت التكاتك .
مسألة الشارع مفيش حكومة هتضع سياسة سعرية مرتبطة بالشارع ممكن تزود الضريبة على السيارات القديمة لكن الجديد والشارع مفيش ارتباط .

ومن رابع المستحيلات الحكومة اي حكومة تلغي الجمارك لكن ممكن تخفضها وده الاتجاه الاكيد لان الجمارك على السيارات كان حجتها ان مصر دولة فقيرة والاغنياء فقط هم ملاك السيارات الجديدة ولابد اننا نأخذ من الغني للفقير لكن مع طموح جميع المواطنين باختلاف مستواهم الاجتماعي لامتلاك سيارة جديدة عن طريق البنوك او مع الزيادات المنتظرة في الدخول ستكون الجمارك معقولة (يااسيادنا دي الجمارك اعلى من ارباح منتجيها وده غير معقول ) مصر تتجه نحو الاتجاهات العالمية للتعامل مع شعبها في كل شيء والاتجاه العالمي نحو الجمارك على السيارات لا يتيح للدول المستوردة ان تفرض جمارك اعلى من قيمة السيارة نفسها.
وبرضه محدش فاهم حاجة خالص

[sdelbassuny]

با جماعا أحنا أغلى دوله بتيع عربيات فى المنطقه كلها لأ أكيد هيحصل تغير ودلاله على كده الزيرو عايز يخلص عربياته ومابينزلش جديد
ولا أيه

[hatchy]

فى رأى الشخصى فى الموضوع دة
ان البلد كلها فى حالة اقتصداية يرثى لها وخسرانين بالهبل
ومن الحاجات اللى هتساعد البلد على النهوض بسرعة هما المشتثمرين ورجال الاعمال اللى اغلهم بيلم فلوسة علشان خايف من بكرة وميعرفش بكرة هيخسر اد اية وخصوصا بعد انعدام الامن فى البلد
وعلشان الحكومة تشجع المستثمرين على النهوش باللبلد لازم تعمل خفض كبيير فى الاسعار بالنسبة للزيرو علشان يعمل حاجلة رواج فى السوق وخصوصا ان اللى معاة قرش دلوقتى بيحافظ علية جدا ومش عايز يحطة فى اى عربية غالية وفعلا شاهدت الفترة اللى فاتت ان نسبة الناس زادت جدا مش فى بيع العربيات بتاعتها لكن فى مقايضتها بعربيات رخيصة وتجميد مبلغ كبييير من المال
وكل دة بيؤدى ان فى عرض كبببير من العربيات للبيع ومحدش عايز يشترى سواء زيرو او مستعمل
لحد ما الاسعار هتتنيل جدا والاسعار فى سوق السيارات هتقل جدااااااااااااا
دة مجرد رأى بناء على تحليل منطقى وارحب بالمناقشة مع الزملاء