عايز لادا نيفا 90-95

[macgiver30]

لو حد عندو النيفا ياريت يقول
على حسب الحالة فى حدود 10-15

[gomgoma22]

ههههههههههههههه

[abdo_general]

علي فكرة للاستاذ الي يضحك بس

انا شوفتها بتتباع فعلا ب 15 الف في سوق السيارات

[AMA]

ههههههههههههههه

طيب و أية الكوميدى فى الموضوع
أولا حتى لو الراجل قال عايز هامر وبسعر 10 جنيه محدش يقدر يقولة أنت بتقول أية لأن دى سلعة أستهلاكيه يعنى ممكن كمان متجيبش العشره جنيه عادى حسب حالتها
السوق عمتا عرض و طلب
لو عجبك حاجة هتتكلم لو معجبكش يا ريت محدش يتكلم و يحفظ مظهرة أدام الناس عشان ميبقاش شكله وحش


و بالنسبه لصاحب الموضوع فعلا سعر اللادا نيفا يترواح بين الأسعار دى لكن حسب الحاله

[gsober]

اظن ان اللادا نيفا 90-95 توصل 17 الى 22 ولو متظبته قوى توصل 25
والله اعلى واعلم
ربنا يوفقك ويديلك العربيه اللى تكون قدم سعد عليك حتى لو موديل 50
تقبل مرورى

[Rerii]

هقول لحضرتك حاجة عشان انا سائلة على النيفا من 10-15 هتلاقيها موديلات التمانينات مش التسعينات ده اللى اعرفه وهتكون حالة كويسة ان شاء الله

التسعينات اعتقد ممكن توصل 20 عشان تلاقى حالة كويسة وكان فيه واحد عارض عربيته موديل التسعينات فى قسم اللادا ب 20 ونص

وده لينك الموضوع اللى كنت بسأله فيه عن العربية وهو كاتب حالتها بالظبط فيه شوف كده لو تناسبك بس عامة انا معرفش صاحبها ولا اعرف اى حاجة عن حالتها غير اللى كاتبه ويارب اكون قدرت افيدك فى اى حاجة وربنا يوفقك يارب وتلاقى عربية حالتها كويسة وسعرها مناسب

ده اللينك

http://www.nilemotors.net/Nile/205465-a-3.html

[keko]

فيه نيفا كتير انا عن نفسى شفتها بتتباع من 10 وطالع بس فى الحدود دى احسن تجيب تمانينات نضيفة ومشدودة افضل من تسعينات وعايزة شغل كتير يعنى شوف واحدة نضيفة ب 13 وظبطها بال2