17 الف جنية ..... ؟ اعمل اية ؟

[AYMAN_19059]

[overline]

السلام عليكم

اخوانى الكرام ارجو منكم الايضاح فى بعض الامور انا لست متعامل مع السيارات لا من قريب ولا من بعيد

معى 17 الف جنية واريد شراء سيارة والجميع نصحنى انى جيب عربية لادا علما بانى من سكان منطق العجمى بالاسكندرية وللى ميعرفش هى بعيدة عن وسط البلد فى حدود 20 كيلو ومن الاخر الشوارع عندنا مفهاش اسفلت الجانبية طبعا انا بحكم جهلى بالموضوع فضلت اتفرج فى النت فى صمت على الاسعار والمزايا والعيوب ولكنى اكون صادق معاكم مقدرتش اكون فكرة اخيرة ولاول مرة اخرج من صمتى واسال انا اللى فى ظروفى ممكن يعمل اية ؟؟؟ علم بانى عندى يقين انى مش حابب اجيب عربية تكرهنى فى العربيات حتى من قبل متعلم السواقة اولا الفلوس اللى معاية دى تجبلى عربية اية مع العلم بان الحالة المادية حتكون والحمد لله بعد دفع المبلغ كاش وبالكامل حتكون 0 يعنى معنديش استعداد اشتريلها لمبة عاوز اخد عربية واركب وانا مرتاح البال اسف على الاطالة ولكن اول مرة بيكون الانسان فى حيرة تامة والخوف بيكون سيد الموقف

[/overline]

[dr.hazem]

تجيبلك ماروتي موديل 97 الى 2000 حسب الحاله واعتقد 20 كيلو مش حاجه يعني

ولو انت لوحدك معندكش عيله او عيلتك صغيره اعتقد هتبقى مناسبة جدا

تحياتي

[AYMAN_19059]

تجيبلك ماروتي موديل 97 الى 2000 حسب الحاله واعتقد 20 كيلو مش حاجه يعني

ولو انت لوحدك معندكش عيله او عيلتك صغيره اعتقد هتبقى مناسبة جدا

تحياتي

عندى عيلة صغيرة لكن المشكلة فى ال 20 كيلو المشكلة انى ساكن فى مكان مش متسفلت وشوارع العجمى مشكلة فعلا الكل بيعانى منها

[sharpvision]

انا شايف ان حضرتك نويت على اللادا وهى فعلا تتحمل ومتداوله وقطع غيارها متوفره بس المهم دلوقت تدور على حاجه حالتها كويسه , وانا اسف فى اللفظ مش اى عربيه حضرتك تشتريها وخلاص - يعنى حضرتك لازم تتفرج على كذا واحده وتقارن حالة كل واحده وسعرها وربنا يوفقك فى عربيه كويسه يارب ونباركلك قريب

[dr.hazem]

عندى عيلة صغيرة لكن المشكلة فى ال 20 كيلو المشكلة انى ساكن فى مكان مش متسفلت وشوارع العجمى مشكلة فعلا الكل بيعانى منها

هوا انا معنديش فكره عن العجمي بحكم اني من سكان القاهره لكن انا بالنسبالي يوميا مشوار الشغل 25 كيلو وعيلتي صغيره برضو والحمد لله الماروتي مقضيه احتياجاتي

اعرف هنا في القاهرة ناس كتير ساكنين في احياء مش مزفلته
عموما لاتنسى صلاة الاستخخاره وربنا ييسر لك باذن الله


تحياتي

[aymansaad]

فيات 131 احسن عربية فى الحدود المبلغ

[mohamed_sabry]

السلام عليكم و رحمة الله و بركاته

و الله يا سيدى انا لا ارى افضل من المازدا 323 الهاتش باك , عربية جيدة للغاية من كافة النواحى فى الحدود المبلغ المرصود , عربية ناعمة و استهلاكها جيد للبنزين , قطع غيار رخيصة , عفشة جيدة , صاج متوسط القوة .
الفيات الـ 131 سيارة جيدة جدا ضعها فى اختياراتك مع المازدا , ولو انى لا افضلها لانها خشنة جدا , بس دى طبعا اذواق .
و ربنا يوفقك لما فيه رضاه و الخير لك .

[ahmdmagdy]

يا باشا حلك العملي انك تجيب لادا 2105 او 1500 او بولونيز و ممكن يتبقي معاك ألف و لا اتنين ممكن تظبط بيهم العربيه

[a7madramadan]

حاول تشوف لادا 2105 و ربنا ييسرلك الحال :)

[Elawany13]

مينفعش تحط كل فلوسك فى عربيه
ويتبقى معاك 0
لازم يكون معاك فلوس
الأعطال والمشاكل وارده
حتى الزيرو بيحتاج انك تصرف عليه
ما بالك بعربيه مستعمله مهما كانت نظيفة
ممكن فى اى وقت تفتح بقها وتحتاج مصاريف كبيره أو صغيره
لأى سبب من الأسباب

[aboomar22]

السلام عليكم و رحمة الله و بركاته

و الله يا سيدى انا لا ارى افضل من المازدا 323 الهاتش باك , عربية جيدة للغاية من كافة النواحى فى الحدود المبلغ المرصود , عربية ناعمة و استهلاكها جيد للبنزين , قطع غيار رخيصة , عفشة جيدة , صاج متوسط القوة .
الفيات الـ 131 سيارة جيدة جدا ضعها فى اختياراتك مع المازدا , ولو انى لا افضلها لانها خشنة جدا , بس دى طبعا اذواق .
و ربنا يوفقك لما فيه رضاه و الخير لك .

[mohamed9999]

مازدا احسنهم و اوعى تفكر فى فيات 128 هتندم ندم السنييييييين

[keko]

المبلغ ده ممكن يجيب
127 - 128 - 131 - 132 - 125 - بولونيز - 323 - سيفيك 81 - 124 - لادا
انا زى حالاتك بدور فى الحدود دى و المبلغ ده يحيب اى واحدة من دول مرتاح ويفيض كمان المهم شوف متطلباتك انت ايه لان كل عربية ليها مميزاتها وعيوبها شوف استخدامك شخصى - عائلى - قطع الغيار غالية ولا رخيصة - استهلاك البنزين - الاتساع - التحمل - النعمومة - قوة العفشة - قلة الاعطال و الخ
عموما ممكن تتابع مواضيعى عملت استفسارات كتير عنهم ومقارنات ولو تحب اى معلومة من اللى عرفتها ابعتلى على الخاص او اتصل بيا

[Rerii]

مينفعش تحط كل فلوسك فى عربيه
ويتبقى معاك 0
لازم يكون معاك فلوس
الأعطال والمشاكل وارده
حتى الزيرو بيحتاج انك تصرف عليه
ما بالك بعربيه مستعمله مهما كانت نظيفة
ممكن فى اى وقت تفتح بقها وتحتاج مصاريف كبيره أو صغيره
لأى سبب من الأسباب

معاك فى كلامك جدا ده انا عربيتى موديل 99 مش قديمة قوى يعنى وحالتها كويسة الحمد لله بس احيانا بتعمل حركات بدون مبرر وبصرف عليها كتير

بالنسبة لحضرتك انا مع فكرة اللادا او فيات 31 والفيات 31 عن تجربة لانها فضلت معانا سنين بجد عربية اصيلة
فى عربية سمعت عنها وفى حدود 13 او 14 الف وبيقولوا كويسة بس معنديش فكرة عن مميزاتها اسمها لادا نيفا موديل التمانينات ممكن حضرتك تشوف مميزاتها واعتقد دى هتكون مفيدة فى العجمى لان فعلا شوارع العجمى صعبة اوى ده غير انها فعلا بعيدة عن وسط البلد اوى

وربنا يوفقك للخير ان شاء الله

[mohamed9999]

و النيفا دى حلو ولا قطع غيارها غاليه