استفسار عن العربية فيات 1100 و 127 ؟؟

[abdalah_hashem]

السلام عليكم
كنت عاوز اعرف بالنسبة للعربية 1100 والعربية 127
ايهم تكون افضل ؟
مين فيهم اللى تكون حالتها معقولة يعنى مش اول مشتريها اطلع بيها على الميكانيكى ابيت عندة كل يوم ؟

ويكون سعرها حنين قوى؟ ومصاريفها متكونش كتيرة ؟

ومبلغ كام ممكن يجيبها؟؟؟

[keko]

انسى ال 1100 وخليك فى ال 127 وسعرها من 6 لو ضايعة وطااااالع ولو عايز واحدة مش محتاجة مصاريف هتكون ب 11 او 12 بالكتير

[abdalah_hashem]

اصلى انا بشوف ال 1100 دية سعرها قليل قوى 5,000 او سا عات 6,500
لكن ال 127 اللى بشوفها كلها فوق ال 13 وال 14 الف وانا عاوز حاجة حلوة فى مبلغ ال 7 الاف او كدة يعنى

[abdalah_hashem]

طيب هل ال 1300 حلوة ويعرها ممكن يكون فى حدود ال 7 الاف فقط ؟؟

[kar!m]

المشكلة فى ال 1100 و ال 1300 انك صعب جدا جدا جدا انك تلاقى منهم حاجة نضيفة .. ال 1100 موديلات الخمسينات و الستينات .. و فى منها العادية و القردة (اللى أبوابها بتفتح فى ضهر بعض) و ال1300 فى منها سبعينات .. بس أكيد هتلاقى موتورها متغير و متبهدلة الا لو حد غاوى و محافظ عليها.

أنا شايف انك تبعد عن الحاجات دى عشان صعب جدا انك تبيعها بعد كده و متجيبش حاجه أقل من 127 .. ممكن تجيب الباب واحد بتكون أرخص شوية.

و ربنا يوفقك.

[abdalah_hashem]

أنا شايف انك تبعد عن الحاجات دى عشان صعب جدا انك تبيعها بعد كده و متجيبش حاجه أقل من 127 .. ممكن تجيب الباب واحد بتكون أرخص شوية.

????? باب واحد ؟؟؟؟؟؟؟
ازاى يعنى ؟؟

[abdalah_hashem]

وللا ممكن يكون قصدك اللى هى بابين زى السيات كدة

[abdalah_hashem]

وسؤال تانى معلش هى ال 127 موتورها فى شمايز بتتغير بعد كذا خرطة وللا شغالة على البلوك بتاع الموتور على طول وبعد كذا خرطة تضطر انك تغير الموتور كلة ؟؟؟

[i_Am_Legend]

شوفلك 127 أيطالى موديل من 71-75_بالموتور ال900_هاتعمل من 7 ل10

[keko]

مش معنى ان ال 1100 رخيصة انها تنفع احنا كان معانا سيات وسحبت مصاريف اكتر من ثمن عربيتين بيجو !!!!!
وسيبك من اسعار النت قوى انا لسة امبارح شايف واحدة 127 نيفة جدا وسليمة وجنوط وعدة صوت والراجل كان بيتكلم فى 11 اول كلام فمش بتكلم من فراغ وممكن تلاقى 124 كويسة برضه بالسعر ده