خواطر..فى كسر الزيرو

[ابو سيف]

الله ينور عليك يا ابو سيف .. انا كنت متوقع منك الرد دة
... كدة يبقى انت مشغل عداد الدماغ على 120

بص انا قلت

فى فرق كبير بين (الانتشار) و ( الرواج )
الانتشار : كثرة وجود العربية سواء بالعرض او الطلب سواء كان السعر ماسك نفسة او لا
الرواج : كثرة تداول العربية يعنى العربية ممكن تعمل 5 يد فى اقل من 3 شهور

هنا بقى الفرق ..يعنى ذى ما قلت (رواج) العربية فى سوق كسر الزيرو علامة غير صحية ابداً على العربية وفى امثلة واضحة جداً لكدة وخصوصاً فى فئة 100-150

انما انتشار العربية فى سوق كسر الزيرو ..هو نتيجة طبيعية لآنتشارها فى الزيرو لآن العدد المطروح للبيع كبير ... من العدد الاصلى اللى هو كبير ايضاً ..وبيبقى كتير منهم ماسك نفسة فى السعر

اصل الموضوع كبير وخطير يا ابو سيف ..فاعذرنى عشان بختار الكلمات بدقة ..(اصل انا بحب اللغة العربية جداً) ..لآن كل كلمة بتعنى الالفات ومجهود وفلوس كتير اوى فى صيانات وخسارة اعادة بيع .

الحوار معاك ممتع بجد

تصدق بجد انك امتعتني جدا دلوقتي بتفرقتك دي و بجد انا مش عارف اقولك ايه دلوقتي :)

جزاكم الله خيرا

[TAG_Turbo0]

بصراحه انا مش عارف أشكرك ازاى على الموضوع ده
الموضوع من أكتر المواضيع الى انا استفد منها جدا

المفروض الادارة تثبت الموضوع علشان الفائده تعم

ومستنين منك كل مفيد ان شاء الله

[3mr Farrag]

موضوع هايل....
و مستنين المزيد

[SEATLOVER]

بصراحه انا مش عارف أشكرك ازاى على الموضوع ده
الموضوع من أكتر المواضيع الى انا استفد منها جدا

المفروض الادارة تثبت الموضوع علشان الفائده تعم

ومستنين منك كل مفيد ان شاء الله

ربنا يخليك يا محمد ... فينك يا راجل
نورت الموضوع يا محمد و الله .. وليا الشرف انة كان مفيد بالنسبالك
اهو كدة وقفت المعمارى ... لآخوة المعمارى :D

[Akram]

موضع جامد يا عمرو ,
أعتقد ان فيه ناس تعرف معلومات من اللي انت أوردتها في موضوعك ,
و لكن تجميع كل المعلومات دي و العرض الجميل و التحليل الرائع ده يخللي الموضوع ده بجد مرجع للي عايز يشتري كسر الزيرو ,
تسلم ايدك يا عمرو باشا.............

[hazem_khidr]

الله ينور عليك
مجهود كبير و عظيم
شكرا يا عمرو علي الموضوع الجميل دا

[douha_wise]

جزاك الله كل خير يا كبير
و مستنين بقية التحف و الدرر اللى بتخرج منك

[nabil246]

معمارى ثالث يرسل تحياته

باشمهندس سيات .....تحية من معمارى ثالث على الموضوع المفيد جدا. نرجو من الإدارة تثبيته.

هل يمكن عمل موضوع اخر عن الطريقة التقريبية لتحديد سعر السيارات المستعملة ( بخلاف كسر الزيرو ).....مثال : احد التجار مرة قال عن ماركة معينة انه يخصم 3000 جنيه عن كل سنة . هل التجار لديهم قواعد عامة مثل هذه؟

[محمد المصرى]

رائع رائع رائع

بجد موضوع فى غاية الروعة

والف شكرا على المجهود الجبار

[SEATLOVER]

نورتو الموضوع يا جماعة
الف شكر يا عمرو فراج حبيبى و اكرم باشا معلم الدايو وحازم خضر الحريف و دوحة ويز المتطلع واخويا محمد المصرى

اما بالنسبة لسؤال زميلى فى العمارة باشمهندس نبيل ..اللى اتشرفت بيك فى الموضوع دة

هل يمكن عمل موضوع اخر عن الطريقة التقريبية لتحديد سعر السيارات المستعملة ( بخلاف كسر الزيرو ).....مثال : احد التجار مرة قال عن ماركة معينة انه يخصم 3000 جنيه عن كل سنة . هل التجار لديهم قواعد عامة مثل هذه؟

هو الحقيقة كان فى هذة القواعد لحساب السعر التقريبى للعربيات المستعملة لحد سنة 2000 تقريباَ
..بعد كدة بقى كل موديل لة ظروفة الخاصة جداً فى البيع ..حتى مع وجود اخوة (يعنى موديل اخر ذية و من نفس الشركة ) ودة بيرجع لأسباب كتير اوى انتهجتها الشركات بعد الفترة دى .. و لم يعد مستوى كل موديل من نفس الشركة على نفس القدر من الكفاءة و الجودة وقوة التحمل ومستوى ظهور المشاكل ... وبالتالى اثر دة على سعر المستعمل فى كل موديل و سنتة كمان بلآضافة لحالتة بالطبع .

يعنى تقدر تقول حالياً ..كل موديل لة قواعدة و سياستة الخاصة جداً بية

بس اوعدك إن شاء الله افكر فى الموضوع بس هيحتاج تفصيلات كتير لكل موديل من موديلات كل شركة

[Adham_Sabry]

تجربتي مع كسر الزيرو

فكر منظم و مجهود كبير بجد جزاك الله خيرا .. رائع
بس اعتقد ان مكان الموضوع ده (هو وشراء المستعمل ) يثبت في قسم البيع والشراء
وبالمناسبه انا كنت ناوي اشتري كسر زيرو .. ورحت لمعرض متخصص في كسر الزيرو وكنت هاشتري فيرنا موديل 2007 ترخيص 11/2007 وعامله 7 الاف كم وكان معايا اخويا (بيفهم في العربيات جيد جدا )واكتشف انها غالبا كانت عامله حادثه (مقلوبه ) "فخ الزيرو زي سيات باشا ما قال" وربنا ستر ومشترتهاش .. واحنا بنلف حول المعرض ومروحين وجدنا عربيه لانسر واقفه شكلها موديل 2007 او 2008 وزي ما تكون زيرو وفوجئنا بالجنب التاني مخبوط والبابين مكسرين ... اخويا قالي " شايف العربيه دي ..اسبوعين وهاتلاقيها واقفه زي العروسه معروضه للبيع كسر زيرو "
حمدت ربنا و قررت اقرص علي نفسي واجيب زيرو اضمن
خلاصه تجربتي زي ما سيات قال
كسر الزيرو زي ما ممكن تجيب عربيه حالتها زيرو وتفرق في السعر كتير عن الزيرو ...
زي ما ممكن تقع في الفخ
يجب التأني والحذر والكشف الجيد علي حاله العربيه والتاكد من اوراقها

[Karim_Monir]

باشمهندس عمرو الله ينور على الموضوع الرائع

[SEATLOVER]

ابو زايد باشا الله ينور عليك ...انت كدة قولت كل التجربة العملية اللى كنت عايز اوصلها فى الموضوع فعلاً تقدر تقول ان كسر الزيرو (سلاح ذو حدين )

karim_monir
باشمهندس عمرو الله ينور على الموضوع الرائع

حمد الله على السلامة يا كريم باشا ..ونورت المنتدى تانى و الموضوع ..والف مبروك للأستاذ هانى و ربنا يسعدة فى حياتة اللى جاية ويرزقة بالذرية الصالحة إن شاء الله .

[ASD peugeot]

جزاك الله كل خير و الف شكر علي هذا الموضوع و علي ايضا موضوعك السابق في شراء المستعمل و نحن في انتظار الجديد منك

[dodo002]

الف شكر على الموضوع