فيات لينيا

[joker304]

انا اشتريت من كام يوم فيات لينيا تربو ديزل 1300 كامله مانيوال عامله 800 كيلو (يعني زيرو)الاكياس لسه ع الكراسي
جبتها ب 70000 سبعين ألف جنيه.
رأيكم ايه في العربيه دي
ورأيكم ايه في السعر أضحك علي ولا كويسه كده
ولو حبيت أبيع هل بيعها سهل خصوصا أنها ديزل
شكرااااااااااااااااا

[mikology]

ديزيل ازاى - دى من مصر ولا من فييييين؟

[MohssenRashed]

1300 ديزيل؟؟ ياريت معلومات اكتر شويه عشان اعتقد دي منزلتش مصر

[Ahmed_Ramadan]

انا اشتريت من كام يوم فيات لينيا تربو ديزل 1300 كامله مانيوال عامله 800 كيلو (يعني زيرو)الاكياس لسه ع الكراسي
جبتها ب 70000 سبعين ألف جنيه.
رأيكم ايه في العربيه دي
ورأيكم ايه في السعر أضحك علي ولا كويسه كده
ولو حبيت أبيع هل بيعها سهل خصوصا أنها ديزل
شكرااااااااااااااااا

مش عارف بصراحة بس السعر غريب جدا جدا

[joker304]

من مصر اشتريتها من واحد جابها من التوكيل وكانت العربيه الوحيده الموجوده ديزل
رأيكم فيها ايه وفي سعرها
أحد الاصدقاء بيقول غريب السعر ليه يعني كتير ولا قليل والمقروض كام

[HOSSAM99]

السلام عليكم
لأ كده ما شاء الله جميله سعرا و تقنيه و كل شئ و ريحت نفسك من البنزين و بارك الله لك فيها
لكن حاول تسأل هل قطع غيار الموتور الديزل متوافره بالتوكيل و لا لأ و أسعار قطع الموتور كام و هل العفشه فيها تغيير و لا لأ
و يا ريت تبقي تعملنا تقرير عنها بالصور و الفيديو و تسمعنا صوت الموتور هو أكيد أخرس
مبروك

[Medo.Malek]

1300 تربو ديزل !!!!!!

[S.S.E]

منزلش مصر الديزل الإ لو كانت موديل 2008 وهى فعلا 1300 تولد 90 حصان وديزل فعلاً ولكنها مانزلتش مصر ،الا بقى لو واحد كان جبها أسبشيال أوردر فى ذلك الوقت....ولكن مافيش ديزل موديل 2010 فى بلدها!!!

[joker304]

لا يا باشا هي موديل 2010 انا شفت شهادة الافراج الجمركي بتاعتها بصراحه صوتها ماتفرقوش عن البنزين عربيه محترمه اوي قطع الغيار موجوده هي أغلي شويه من البنزين بس موجوده

[MohssenRashed]

بعد اذن حضرتك عايزين تقرير مفصل ليها و صور و خصوصا صور الموتور .

[joker304]

سالت التوكيل النهارده قالي قطع غيارها كلها موجوده وسالت ع فلتر الزيت لقيته ب100 جنيه التربو

[Sindibad]

شوف سيادتك - اهم حاجه تتأكد منها نوعية الديزل اللى بتفوله - لأن السيارات دي فى أوروبا بتمشى بديزل ذو مواصفات أعلى من اللى عندنا - علشان كده السيارات الديزل فى مصر مش منتشره - زي البيجو 407 - وأسأل التوكيل بالتحديد فى الحته دى - هل هى نازله مصممه لنوعية وقود الديزل بتاعنا والا لازم نوعيه معينه؟