انا نازل ان شاء الله السوق بكرة

[alaamousa]

السلام عليكم اعضاء المنتدى الكرام انا نازل السوق بكرة ان شاء الله حد عايز اي حاجة باذن الله انا تحت امركم ومين نازل بكرة ان شاء الله ونقابل كلنا هناك بامر الله

[ahmdmagdy]

ياريت يا باشا تسأل عن اللادا 2107 موديلات بعد 2000 اسعارها عامله ايه

[alaamousa]

عينيا يا باشا

عينيا يا باشا ان شاء الله هسال لحضرتك مش عايز اي حاجة تاني

[Ahmed_Rahem]

انا كمان رايح ودة رقمى 0160038968

[egyption88]

اولا جزاك الله كل خير على تقديمك المساعدة
ثانيا لو شفت ميجان هناك عايز اعرف رنج سعرها ايه من 2005 لحد 2007
وشكرا مقدما

[nanata]

يا ريت لما حضرتك ترجع تقولنا اخبار الاسعار عامله اية زيادة ولا نقص واية اسعار لانوس لوعدت
على حضرتك

[alaamousa]

السلام عليكم ورحمة الله وبركاته اخواني اولا انا اسف اني منزلتش الجمعة دي لانه حصل ظروف ومنزلتش لاني كنت نازل بعربية واحد معرفة معاه كورولا 2005 كاملة اوتوماتيك ابيعهاله بس حصل ظروف ومنزلتش بس قابلت ناس نزلت انهاردة وقالولي انهم نزلوا ما استفادوش حاجة غير انهم دماغهم اتقورت من الشمس وانا نزلت الجمعة اللي فاتت والاحد كمان والاسعار بجد مش ممكن في حاجة غريبة هناك انا مش عارفها خالص لقيت الاكسيل 94 1500 اخرها بعد المناهدة والفصال 34000 ةال 98 1500 35000 ده غير ابو 36 وماسك فيهم والكيا برايد بيتكلموا في 31000 وعربية تعبانة والكويسة الى حد ما وفابريكة دواخل 2001 على 32500 اخره وال 2002 ب 34000 طبعا ده غير ان الناس مش بتشتري اصلا منهم اي حاجة والكيا 110 هاتش باك لقيت واحد كان هيجنني بيتكلم في 30000 كنت عايز اقوله في وشه خليها معاك تونسك حاجة بجد متعبة هو ده اللي حصل وارجو اني اكون مطولتش عليكم وجزاكم الله خيرا

[alaamousa]

بالنسبة للاستاذ nanata اللانوس موديل 99 40000 وانت طالع والميجان 55000 وانت طالع

[egyption88]

بالنسبة للاستاذ nanata اللانوس موديل 99 40000 وانت طالع والميجان 55000 وانت طالع

متشكر جدا ليك يا باشا وياريت لو قررت تنزل يوم تاني نحاول ننزل مع بعض عشان عايز بردو اخد لفه هناك

[mahamedaraby]

انا كنت هناك النهارده والحقيقه مشفتش الموضوع ده كنت قبلت اى حد رايح
السوق فعلا اخر استهبال
الاسعار كلها زياده عن الحقيقه بما لا يقل عن 3000 و 4000 جنيه واكتر كمان
يعنى جولف 2 موديل 92 بيكلم فى 40 الف جنيه
سيات ابيزا 2001 1000 سى سى حالتها مش اد كده فيها مصروف بيكلم فى 43 الف
كل حاجه على كده السوق كله تجار وكله مستهبل فى الاسعار مش عارف طيب فيه حد بيشترى منهم بالاسعار دى ولو فيه هو مش عايش فى البلد
تانى حاجه نصحيه منى محدش ينزل السوق علشان يشترى عربيه علشان هيتعب من اللف والشمس ومش هيلاقى اى حاجه واقعيه بالمره يعرف يشتريها

[mn2020]

جزاك الله خيرا
ممكن اعرف التويوتا كورولا اللي معاك عاملة كام عشان عايز اجيبها

[alaamousa]

ان شاء الله استاذ egyption88 ننزل مع بعض المرة الجاية بامر الله سعدت جدا بالكلام مع حضرتك وجزاك الله خيرا

[alaamousa]

يا باشا من غير فلوس طبعا

[samoreception]

طيب يا جماعة لو اوكتافيا a5 خليجى وفابريقة بره وجوه وماشية حاجة خفيفة يعنى 40 الف مثلا وفول اوبشن هاااى لاين يعنى بس مش لازم فتحة السقف تعملها فى حدود كام وفى حد قدامه حاجة

[mn2020]

يا باشا من غير فلوس طبعا
ياحبيبي تشكر اوي عل ذوقك العالي بس كنت عايز اعرف سعرها جايز ربنا يوفق واشتري