فيات 128 2006 !

[gaaz]

انا كان معايا 128 موديل 2006 بترولي بعتها عاملة 21 الف كيلو فى 2008 واللي عايز يسال عن الموديل دة يبعتلى على الخاص وانا ارد عليه

طيب وليه الخاص ماتكتبلنا هنا يا باشا مميزاته وعيوبه

[walidzakzok]

انا مش عايز ابوظلك البيعة......هههههههههههه

بص اولا لازم نتفق ان مفيش حد هيعرف يركب عربية محترمة بسعر زي دة

ثانيا انا كنت شاري العربية زيرو من شركة النصر فرع غمرة وكانت ب 35000 جنيه ساعتها وكان الحجز بتاعها عليه ضرب نار

المميزات: راكب عربية محندقة بسعر رخيص كل العربيات المنافسة ليها شنايش"لان كل المنافس ليها فى السعر دة مستعمل"
كمان الدريكسيون بتاعها ناعم ملبن اكنه باور وكمان نور فوانيس الفابريقة عالي وحلو

العيوب: عيوب التقفيل المصري حدث ولا حرج العربية اللي معايا كانت صاج شنطتها مفارق مع صاج الشنطة طبعا انا اكتشفتها وانا باستلم بس اكتشفت ان ال20 عربية الزيرو اللي واقفين فيهم نفس العيب

الفتيس كان معموله راس بلاستيك بماسورة بلاستيك بتركب على عصاية الفتيس الحديد كانت بتطلع فى ايدي كل شوية واخر ما زهقت حشرتها بورقة جرنال

سماعات الكاسيت محطوطة فى الابواب وبتعلق من اول يوم

انا طبعا مغيرتش كاوتش النسر بتاعها وكانت العفشة ناشفة جدا والاتزان فى الملفات صفر على 10

العربية عجلها اللي ورا فششخ من اول 5000 كيلو بعد ما اتنين قعدوا ورا

كانو مسلميني العربية الكنبة اللي ورا مش راكبة وبتركبها فى صيانة الالف كيلو والابواب الاربعة بيقفلو بس لازم شلوت جامد شوية

العزم والسحب زفت الزفت يادوب كنت باتشطر على ال128 القديم واللادا والشاهين القديم

الشكمان صوته ديفل واتخرم بعد000 10 كيلو طبعا هو مش ديفل بس كانو حاطين علبة كانز على انها شكمان

العربية فى المطالع تبقى محتاج تنزل تزق عشان تساعدها ومهما تسقط فى غيارات ابقى قابلني

الكاربيراتير بقى يعرق بنزين بعد 10000 كيلو

استهلاكها فى البنزين زي عربية 2000 سيسي كانت بتعمل معايا 140 كيلو فى الصفيحة

ركبت مرة لادا 2107 مع زميلي كنت حاسس اني راكب بي ام الفئة السابعة مقارنة ب الحتة التربو اللي معايا (هههه اصل انا كنت مسميها تربو من قلة حيلتي)

فى النهاية احب اقول لو انت طالع من 128 مبهدلة او 127 او اي عربية موديل قديم حالتها تعبانة اشتري العربية دي واتكل على الله

اما لو نازل من عربية نضيفة يبقى هتكره نفسك وهتضرب نفسك بالصرمة القديمة

وكلمة لله لو العربية اللى معروضة هنا حالتها كويسة انا شايف انها لقطة بالسعر دة

والسلام عليكم

[belal rashed]

والله يا باشا حيرتنى أنا كنت مخطط إنى هنزل من لانوس 2006 بس ده علشان الظروف الإقتصاديه لفتره مؤقته(لحد ما السياحه تشد حيلها تانى )وبعدين ربنا يكرم بلانسر زيرو.
فكده مش عارف ...تنصحنى بإيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟

[walidzakzok]

والله يا باشا حيرتنى أنا كنت مخطط إنى هنزل من لانوس 2006 بس ده علشان الظروف الإقتصاديه لفتره مؤقته(لحد ما السياحه تشد حيلها تانى )وبعدين ربنا يكرم بلانسر زيرو.
فكده مش عارف ...تنصحنى بإيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟

لو كنت سوقت 128 قبل كدة وعارف امكانياتها يبقى خلاص مش هيبقى مفاجاة ليك... المشكلة في اللي بيبقى متوقع من العربية اكتر من امكانياتها

[gladiator]

[QUOTE=gaaz;3873537255]ان شاء الله حرفع الصور انهارضة بالليل او بكرة الصبح

يا ريت الصور يا باشا بعد إذنك و يا سلام لو صور من جوا و من برا يبقى تمام جداا, موفق فى البيع إن شاء الله

[seekasoso]

[QUOTE=belal rashed;3873539015]1-ماركة السيارة دايو لانوس 2.
2-الموديل/السنة 2006.
3-عدد الكيلومترات 126.000 km(معظمهم فى شرم على أرض نظيفه).
4- نوع ناقل الحركة ( مانيوال )
5-لون السيارة ذهبى
6-الكماليات (كامله مانيوال)
7-حالة الصاج او الخوارج (رشة جانبين).
8-حالة الدواخل فابريكة
9-حالة الصالون فابريكه ومكسي فرش جلد.
10-الحالة العامة او التقييم العام للسيارة ( - ممتاز- )
11-حالة البطارية ممتازة(جديده من 20 يوم)70 أمبير.
12-حالة الكاوتش 5 فرد تيوبلس بدون أى لحامات أو خروم منهم فردتين قدام لسه جايبهم من بريدجستون شرم الشيخ يوم 25/05/2011.
13-السعر 52000
14-تاريخ انتهاء الرخصة؟ 14/03/2012
15-ثانى يد بعد دكتور جامعى.
16- اشتراط التسجيل
17-حالة الموتور ممتازة
18-شرم الشيخ-المحله.
19- سعة المحرك اللترية 1500.
أسف على الخطأ الغير مقصود
مشرف ١٤ب

واحد صاحبى باع موديل 2009 بحالة الزيرو بـ 50 الف

[belal rashed]

يا باشا البيع سكرات وربنا يعوض عليه بأحسن منها.