مساعده مطلوبه...

[ahmed_lama]

صباح الفل علي اجدع ناس في اجدع منتدي....

امبارح نزلت عشان بعد تفكير عميق قررت - الحمد لله- اني اشتري عربيه جديده علي اول السنه الجايه, كمان كام شهر يعني...

قولت انزل الف الاول اتعرف علي السوق..
نزلت اتفرجت علي العربيات ...

اولا انا بتكلم في حدود 100,000 الي 135,000 (ده لو العربيه ملهاش حل) - قسط طبعا

المهم انا كانت عاجباني جدا الرينو الداستر, فنزلت اتفرج واتفحص العربيه,
العربيه شديده جدا بس من جوه 128 زي بتاعه ابويا زمان, فقيره جدا ومتستاهلش الفلوس.

قولت بلاها ال4x4 نشوف الفيات الايفو, ما شاء الله رفعت من 100,000 ل 120,000 من غير اي حاجه قال عشان اليورو رفع, وكمان بصراحه غاليه قوي عليها 120,000

انا دلوقتي عايش حاسس ان كل مره انوي فيها ملاقيش حاجه , وكل مره الاقي فيها يكون مماعيش فلوس...


انا عاوز اعرف رأي واضح وصريح وشديد وعن تجربه

اشتري ايه..؟؟؟؟

علي فكره 135,000 انا بتكلم عن عربيه مالهاش حل زي الداستر كده, يعني ركوبه, عاليه 4x4 فرنساوي
عشان انا شايف ان الكوري والماليزي اخرهم 80,000 بالكتير..


حد يفيدني يا رجاله...

وشكرا

[elfashn]

ابعد عن الرينو وغنيله....شوفلك الالنترا الجديده بس بصراحه معرفش السعر بتاعها ايه بس شكلها حكايه.

[jemono]

طيب ما تركب المانى يعنى زلموكه تسعينات و هتجيبها فوره و فابريكا
كان قدامى ظلموكه 94 ج كماليات كراسى كهربا و الزراير لسه فيها رنتها
و اللزقه الزرقا الشفافه اللى ع غطا التنك كانت موجوده و كانت ب 120
شوفلك حاجه من دى و مش هتندم

[blazer]

رينو فلونس 121 الف مانيوال 131 اوتو 129 تانى فئه اوتو

[ahmed_lama]

elfashn: والله انا الناس قلقتني من الرينو عشان الموديلات الجديده مش دارجه اوي, بس العربيه حلوه وهايله,,, اما الالنترا فهي شكلها جامد بس برضه كوري, يعني ميدفعش فيها اكتر من 80,000 علي حسب رائ.

jemono : يا باشا ماهو لو الكاش موجود اجيب BMW بس الموضوع كله هيكون اقساط :)

blazer: انا فعلا بفكر فيها من ضمن الاختيارات, بس مستني اشوف علي اخر السنه الناس هقول عليها ايه من حيث اعتماديه اسياره وقطع الغيار

[virus2007]

طيب متقلنا مواصفات العربية اية الى انتا عاوزها عشان نقدر نفيدك ؟

اتوماتك ولالا ؟ مستعمل ولا جديد ؟

[ahmed_lama]

virus2007: f بص يا سيدي انا لو عليا نفسي في..
1: اوتوماتيك (ستبترونيك)
2: مش كوري او ماليزي عشان انا متعقد
3: لو فوق 110,000 يبقي اكيد مش هاتش باك
4: قسط, يبقي اكيد جديد

لو تحب ممكن اقولك اللون كمان :)

تسلم يا كبير...

[salsat]

طيب ما تركب المانى يعنى زلموكه تسعينات و هتجيبها فوره و فابريكا
كان قدامى ظلموكه 94 ج كماليات كراسى كهربا و الزراير لسه فيها رنتها
و اللزقه الزرقا الشفافه اللى ع غطا التنك كانت موجوده و كانت ب 120
شوفلك حاجه من دى و مش هتندم

[ahmedamr]

ماتزود حاجة بسيطة وهات اوكتافيا بيز لاين وريح دماغك خالص عشان متندمش ع فلوسك

[graffittiii]

للزيرو ...
مش هتلاقي حاجة أوروبي ملهاش حل بالسعر ده ....
خليك ف السيراتو أو الإلنترا الجديدة وأنا بأيد الألنترا أكتر ....
لو فكرت ف المستعمل بقي هتلاقي أوروبي زي مانت عاوز جيتا وباسات وأوكتافيا ...

[kimo911]

كلامك سليم... الكورى اخره 80 الف لاى عربية ... رايي من رأيك
ممكن تجيب نيسان صنى ممتازة وسعرها معقول جدا جدا
او لانسر سعر الكاش من 100 الف لغاية 130 الف تقريبا
واليابانى محترم وقطع غيار معقولة واعادة البيع ممتازة

[virus2007]

معتقدش حتلاقى حاجة كويسة اوروبى بالسعر دا لازم تزود شوية

ممكن تبص لليابانى ... وتشوف لانسر لو موجود منها جديد فى مصر

بس حاول تسال بردوا وتعرف الاسعار اكتر فى الكاتيجرى الى انتا عاوزها عشان تقدر تحدد طلبك اكتر

شوف الاسعار على كونتاكت وعلى فبريكة

ظپط§ط¨ط±ظٹظƒط§ - ط§ظ„طµظپطط© ط§ظ„ط±ط¦ظٹط³ظٹط© & contactcar.com

[ahmed_lama]

يا جدعان ان خلاص قررت.....





فلوانس ان شاء الله
بس انا بضه مستني لاخر السنه تكون العربيه مشيت في السوق
اشوف نظامها ايه




وممكن في خلال شهر 10 ولا حاجه الخرافي ينزل اللانسر الجديده وتكون كويسه..



شكرا للجميع :)