حاجة غريبة جداااا

[alaamousa]

السلام عليكم اعضاء المنتدى الكرام حاجة غريبة جدا تصوروا
انا من اعضاء نايل موتورز من حوالي 3 سنين تقريبا وكان معايا عربية فيات 127 وكنت علطوا متابع الموقع واستفدت منه كتيييير وربنا كرمني وقررت اغير واجيب حاجة اعلى وقولت طبعا مش هنزل السوق وقولت ادور على حاجة بيتي وبالفعل دخلت على كونتاكت كار وبقالي حوالي شهرين بشتري عربية
الحاجة الغريبة والحمد لله ربنا بيسترها معايا لاني تعبان جداا في الفلوس
تصدقوا اني اقرا الاعلان والعربية تكون غالية ومكتوب فابريكة قصدي زيرو دواخل
واروح الاقي العربية متغيرلها ربع بس معمولة بطريقة مش ممكن حد يكتشفها والحمد لله السمكري اللي معايا يشك في حاجة فا يمشي وراها ونكتشفها وواحد يقولك حالة نادرة عربية بيتي اول مالك واروح الاقيها مقلوبة على السقف او بمعنى اصح السقف وقع عليه حاجة وبينكر ادامي ولما اتزنق قاللي العربية مش للبيع وكمان مغيرة باب ده غير عربيات كتيير ومواقف كتيير لدرجة حاسس ان مبقاش في امانة المهم عنده يلبسك العربية وخلاص لا حول ولا قوة الا بالله اسف اني طولت عليكم ولكن حسيت اني عايز افضفض مع المنتدى واعضائه لاني بجد بحترم المنتدى جداااا واعضائه ناس محترمة على فكرة العربية اللي كنت بدور عليها اكسيل 1500 يعني مش حاجة صعبة

[Tarek_Swelm]

معلش يا باشا , علشان تلاقي حد عندة ضمير في الزمن دة , يبقي عملة نادرة جدا
و لما تفكر تشتري ماتشتريش من تاجر , هما اللي بيعملو الحركات دي
و خليك في المنتدي و ان شاء الله تلاقي اللي انت عايزة ,
احنا تقريبا ماشين في نفس الخط , انا برضة كان معايا 127 و جيبت اكسيل , من زميل في المنتدي هنا في غاية الذوق و الاحترام
خليك مع الناس اللي هنا انضف و اامن و احسن بكتير من السوق و التجار و قرفهم
تقريبا في اكسيل او اتنين معروضين في قسم البيع و الشراء هنا في المنتدي ابقي شوف اعلانهم
و لو عايز اي استشارة في الاكسيل روح علي قسم الهيونداي , رابطة الاكسيل حتلاقي اللي عايزين يخدموك بدل الواحد الف , بالتوفيق ان شاء الله .

[samsong]

معلش يا باشا , علشان تلاقي حد عندة ضمير في الزمن دة , يبقي عملة نادرة جدا
و لما تفكر تشتري ماتشتريش من تاجر , هما اللي بيعملو الحركات دي
و خليك في المنتدي و ان شاء الله تلاقي اللي انت عايزة ,
احنا تقريبا ماشين في نفس الخط , انا برضة كان معايا 127 و جيبت اكسيل , من زميل في المنتدي هنا في غاية الذوق و الاحترام
خليك مع الناس اللي هنا انضف و اامن و احسن بكتير من السوق و التجار و قرفهم
تقريبا في اكسيل او اتنين معروضين في قسم البيع و الشراء هنا في المنتدي ابقي شوف اعلانهم
و لو عايز اي استشارة في الاكسيل روح علي قسم الهيونداي , رابطة الاكسيل حتلاقي اللي عايزين يخدموك بدل الواحد الف , بالتوفيق ان شاء الله .

+1111111111
ابعد عن التجار اوفعلا لازم يبقي معاك ميكانيكي وسمكري

[virus2007]

دى حقيقة وعن تجربة شخصية

تلاقى حد كاتب فبريكة برة وجوة وتروح تلاقيها رشة

تلاقى مكتوب اتوماتك وتتصل يقلك دى مانويل !!

حاجات غريبة بجد !!


معلش حتتعب شوية بس عشان تجيب عربية نضيفة

زى ما الزملاء قاللولك حط اعلانك هنا ودور بردوا برة

موقع مثلا تانى زى

ظپط§ط¨ط±ظٹظƒط§ - ط§ظ„طµظپطط© ط§ظ„ط±ط¦ظٹط³ظٹط©

بردوا فى نقطة ...

فى فرق بين تاجر وسمسار

التاجر حيجيب عربية بفلوسوا ويبيعها بسعر اعلى شوية عشان يكسب ودا رزقوا ... فبيبقى صعب انو يجيب عربية وحشة او معيوبة لان لو هى وحشة هو الى حيتدبس فيها

ففى تجار كتير كويسين وانا اعرفهم وبتعامل معاهم لما بحب اغير عربيتى


السمسار بقى هو الى تبعد عنوا لان دا واحد بيوفق بين اتنين ومش مهم عندوا العربية حالتها اية ... دا الى ممكن يلبسك فى اى عربية معيوبة ويقلك دى مية مية وياخد العمولة وخلاص

[Mr_Mustafa]

واكثر من حالة العربية المتهانة ..... الاسعار
اسعار بالهبل وغير مفهومة خالص
الاقى ابيزا موديل 99 ثمنها 35 الف ( وهى المفروض 30 الف )
والاقى نفس العربية موديل 94 ويطلب 35 الف برضه

تيجى على الفيات تلاقى طالب فى موديل 90 يقولك 25 الف
تقوله ال25 الف دول يجيبوا الالفيه يقولك تعالى شوف عربيتى احسن من الالفيه


وتيجى فى الاخر تلاقى نفسك مش اشتريت عربية خالص ( بسبب عدم الضمير - والمبالغة فى السعر )

[Nour_aoi]

+1111111111111111111111111111111111111111
كل كلامكوا مظبوط جداً جداً التجار وصلوا حتى للنت .. لى تجربة سابقة مع موقع كونتاكت اعلان عن عربية مكتوب بطريقة تحسسك ان العربية ذهب مش صاج وصاحبها دكتور كمان وروحت أعاين لقيت العربية راشة ويحلفلى انها مش راشة وبيقولى اصل العربية بتاعة زوج اختى الدكتور الفلانى وسافر يشتغل فى الخليج وعملى توكيل علشان ابيعهالو ... طيب الحمد لله أنا فهمت انه تاجر على طول وإنسحبت فوراً لكن فيه غيرى كتير ممكن ينخدعوا بالقصة دى .. بصراحة دى أزمة ضمير الكل عايز ياخد فلوسك وخلاص مش مهم الطريقة ومش مهم حلال ولا حرام المهم مصلحتة وبس .. ربنا يهديهم ويديهم من نفس عملهم ويحرق قلبهم زى ما حرقوا دم ناس كتير بعد ما سرقوا تحويشة عمرهم وسابولهم عربية يصرفوا عليها اد تمنها مرتين علشان تبقى عربية .. أنا الحمد لله أشتريت سيارتى البولونيز (أفضل بولونيز فى مصر كلها بدون مبالغة) من أنسان شريف جداً قاللى على كل عيوبها وبمنتهى الأمانه وبصراحة متعتبرش عيوب خالص أو علشان أمانته معايا محستش انها عيوب وبعد ما استلمتها ملقيتش فيها كلمة واحدة زياده عن اللى قالهولى مازلت أدعو له بالخير حتى يومنا هذا ولقد تعرفت عليه من هذا المنتدى المحترم وأعتقد أن كل أعضاء المنتدى أمناء ومحترمين ... فليكن شرائك من المنتدى ولا تتهاون فى الكشف على السيارة ولا تبخل بثمن الكشف فسيغنيك عن الكثير من المتاعب .. وربنا يرزقك الخير دايماً ومتنساش صلاة الإستخارة

[ahmdmagdy]

انا دوخت السبع دوخات عشان اشتري عربيه من كونتكت كارز او مصراوي او مصر كار كله بيكتب شعر في العربيه و لنا تيجي تتصل يقولك اصل مش عارف ايه و ايه و حورات عجيبه المهم ما صدقت صديق ليا انا عاوز يبيع عربيته لادا 2107 و رحت اشتريتها منه و انا مغمض لأني عارف حالتها من اول ما اشترها فنصيحه لو مش عاوز تتدبس فعربيه متشتريش من واحد متعرفهوش او علي الاقل يكون معرف و ربنا يرزقك بعربيه نضيفه

[koke_lancer]

انا بردوا كونتاكت كار ليا معاه حوار
واحد كاتب لهواه الحالات الشاذة و النادرة عربية موديل 1991 فابريكة برة وجوه و ماشية 10000 عشر الاف كيلو
اروح اتفرج
الاقيها رشة برة و الموتور طبعا قالب عداد و العداد بعد القلب مائة الف و كان طالب 36 و هيه لو على كلاموا انها حالة اخرها 29

[Mr_Mustafa]

هو كونتكت كارز دة موقع
دة انا لما فكرت فى ابيزا قعدت 7 شهور وفى الاخر شفت عربية مكتوب عليها شعر
ولما رحت اشوفها كانت موديل 94 بدون كماليات وراشة قوائم وستارة وحزام وصاحبها مصمم على 35 الف وبيقولى دة حالتها مافيش زيها فى مصر

وبعد ما كرهونى فى الابيزا قلت اجيب فيات 127 لقيت واحدة موديل 1983 بس محتاجة رشة نظافة وكاوتش وتغيير فلاتر ( دة اللى قاله هو .... اكيد فيه حاجة تانية مستخبية ) المهم بستفسر عن سعرها يقولى 17 الف

قلت بعد ما اجى من المصيف ان شاء الله اما اجيب موتوسيكل صينى ...... ولو اتهبل زى العربيات اجيب عجلة المانى سرعات ( بـ 850 جنية ) وميت فل على مصر والمصريين