اجيب عربيه ايه من 50-55 الف

[mohamed_mohsen]

السلام عليكم و رحمة الله و بركاته
أنا كنت عايز اجيب عربيه من 50-55 الف اوتوماتيك مستعمل
تكون قطع غيارها متوافره و بسعر كويس يعني ولا رخيصه قوي و لا غاليه قوي زي الالماني مثلاً
فأنصحوني اجيب عربيه ايه؟ و السعر ده يجيب ايه حاتلته جيده جداً او ممتازه؟
تقبلوا تحياتي,,,,

[Mr_Mustafa]

السلام عليكم و رحمة الله و بركاته
أنا كنت عايز اجيب عربيه من 50-55 الف اوتوماتيك مستعمل
تكون قطع غيارها متوافره و بسعر كويس يعني ولا رخيصه قوي و لا غاليه قوي زي الالماني مثلاً
فأنصحوني اجيب عربيه ايه؟ و السعر ده يجيب ايه حاتلته جيده جداً او ممتازه؟
تقبلوا تحياتي,,,,

لو لقيت واحد تعرفه شخصيا وعنده عربية اشتريها منه
لو مش لقيت اشترى شقة وريح قلبك ودماغك وكل حاجة

[newuser2009]

عندك لانوس
فيرنا
افيو
لانسر كرستاله
بيكانتو

[mohamed_mohsen]

لو لقيت واحد تعرفه شخصيا وعنده عربية اشتريها منه
لو مش لقيت اشترى شقة وريح قلبك ودماغك وكل حاجة

ماشي
بس ماقلتليش اشتري ايه برضه ;)

عندك لانوس
فيرنا
افيو
لانسر كرستاله
بيكانتو

الف شكر يا باشا علي ردك
اللانوس اوتو هتبقي موديل قديم و هتبقي ماشيه كتير
الفيرنا كانت معايا مانيوال و بعتها
الأفيو مفيش حد جابها و مابيشتكيش منها
البيكانتو صغيره قوي
لانسر كريستاله,,,,,بسمع عنها كلام ممتاز الحقيقه,,,,,بس اسعارها غاليه قوي يعني لقيت واحد طالب في عربيه جامبو 57-58 الف كتير قوي,,,, و ناس تانيه تبقي طالبه 52-50 وو ناس تلاقيها طالبه 48-47
فمش عارف ايه الحل و يا تري رينج سعر واحد نضيفه اوتو كام؟ لان السوق ملخبط و مش عارف اللي عايز يبيع من اللي بيحط سعر عالي و خلاص :(

[Mohammmed]

رينج الكريستالة النضيفة الاوتو مش هتعدى 48 ولو صاحبها طلب اكتر من كدا سيبك منه

[mohamed_mohsen]

رينج الكريستالة النضيفة الاوتو مش هتعدى 48 ولو صاحبها طلب اكتر من كدا سيبك منه

الكلام ده للي فيها اسبويلر في الشنطه و فتحة سقف و جنوط صغيره بتاعة الفابريقه؟
و الا الاوتو العاديه؟

[Mr_Mustafa]

بصراحة لو بالطريقة اللى انت عايزها دى
هتكون متسوبيش او فولكس ( الشركتين دول مالهمش حل خالص )
بس اهم حاجة فى العربيات المستعملة الحالة والثقة ( علشان النصب وصل لدرجة فوق التصور )

[mohamed_mohsen]

بصراحة لو بالطريقة اللى انت عايزها دى
هتكون متسوبيش او فولكس ( الشركتين دول مالهمش حل خالص )
بس اهم حاجة فى العربيات المستعملة الحالة والثقة ( علشان النصب وصل لدرجة فوق التصور )

انا كان معايا فيرنا و يا ريتني كنت ما بعتها لولا الاضطرار
للاسف لما جربت عربية والدي مابقتش عايز اركب مانيوال تاني
ربنا يكرم
و طبعاً فولكس و ميتسوبيش و اوبل و اي حاجه الماني او ياباني مالهاش حل

[ahmedfoud]

انا كان معايا فيرنا و يا ريتني كنت ما بعتها لولا الاضطرار
للاسف لما جربت عربية والدي مابقتش عايز اركب مانيوال تاني
ربنا يكرم
و طبعاً فولكس و ميتسوبيش و اوبل و اي حاجه الماني او ياباني مالهاش حل

هههه و الله ضحكتني يا باشا و كنت محتاج فعلا اضحك
ليه حضرتك مكملتش و قلت فولكس و متسوبيشي و اوبل و بي ام و مرسيدس و كمان بالمره بورش ههههه
علي العموم ربنا يوفقك و تلاقي كرستاله محترمه متهانتش و دي في حدود الرنج الي معاك

تقبل تحياتي

[Mohammmed]

الكلام ده للي فيها اسبويلر في الشنطه و فتحة سقف و جنوط صغيره بتاعة الفابريقه؟
و الا الاوتو العاديه؟

حتى لو الجامبو اخرها 50 الف وسيبك من اسعار التجار ...

[Haitham10]

الاسعار اللي فوق الخمسين دي ياجماعة بتبقي نوعين .... نوع مشدود من التجار وممكن تلاقيها متظبطه للتلبيس صح ..... او نوع نضيف فعلا دواخل بالكامل ورشه حاجات بسيطه بره
ودي نادرة جدا جدا انك تلاقي دواخل سليمة اساسا لان العربيه دي قديمه والسليم منها محدش بيبيعوا اصلا

ممكن تجيب حاله حلوة بنفس سعر الاخوه بس في النهايه لغايه ماتظبطها صح هتقف عليك 52 تقريبا

ممكن تشوف الاوبل استرا او النوبيرا او لانسر مكواة .... بما انك عاوز موديل فوق الالفين

[mohamed_mohsen]

ليه حضرتك مكملتش و قلت فولكس و متسوبيشي و اوبل و بي ام و مرسيدس و كمان بالمره بورش ههههه

يا ريت بورشه بس غاليه قوي
مش في الرينج اللي معايا :)

[mohamed_mohsen]

الاسعار اللي فوق الخمسين دي ياجماعة بتبقي نوعين .... نوع مشدود من التجار وممكن تلاقيها متظبطه للتلبيس صح ..... او نوع نضيف فعلا دواخل بالكامل ورشه حاجات بسيطه بره
ودي نادرة جدا جدا انك تلاقي دواخل سليمة اساسا لان العربيه دي قديمه والسليم منها محدش بيبيعوا اصلا

ممكن تجيب حاله حلوة بنفس سعر الاخوه بس في النهايه لغايه ماتظبطها صح هتقف عليك 52 تقريبا

ممكن تشوف الاوبل استرا او النوبيرا او لانسر مكواة .... بما انك عاوز موديل فوق الالفين

بس اللانسر المكواه متهيألي هتبقي اعلي في السعر
اواخر الخمسينات و اوائل الستينات

[Haitham10]

في اخوة مشتريين عربيات هنا بااسعار 55 56 مكواة
والي بيطلب فوق الستين ده مسيره يعقل الا لو حالة شاذه

وممكن يفكر برضه في نيسان صني 2002 2001

[Mr_Mustafa]

صاحب الاعلان بالطريقة دى هيعمل زى ما انا عملت ومش هيشترى حاجة
كثر الاختيارات بيسبب الحيرة ثم الاحباط

ياراجل اختار نوعين او ثلاثة بكثير واحسن حالة فيهم استخير واتوكل على الله وخدها

غير كدة تعالى اقعد معايا على القهوة ونقعد نتكلم فى العربيات على الفاضى