ارجو المساعده اوبل كورسا2004

[aftr]

1600 سى سى | 173000كم 48000 الف

العربيه كامله مانوال 4 زجاج كهربا ومرايات كهربا تكييف تلاجه موتور 1600 العربيه فبريكا بالكامل من الاكصدام للاكصدام بور سنتر وحدات رفع والسعر قابل للتفاوض عند المعاينه----اناعاوز افهم كل مااسال عن الاوبل الناس تقول ابعد قطع غيار نار ومش موجوده هل سبب نزول العربيه عشان قطع الغيار وملهاش سوق ولا ايه -----انا كان معايه اسبرانزاm11 وكانت اول عربيه بالنسبالى وكان كل شويه حاجه تبوظ ومفيش ليها قطع غيار والحمدلله بعتها بعد عذاب ياريت الافاده انا خسرت فى العربيه الاولى وندمت ان جبت صينى

[elbeheri]

ابعد عنها

[aftr]

شكرا على سرعه الرد يابحيرى ممكن تقولى ايه السبب وترشحلى ايه فى حدود 40-45 انا فى كام اختيار بيجو 206--- جولف بولو --سيات ابيزا ---دايوجوليت --- فيرنا

[aftr]

نسيت حاجه كمان كيا ريو

[eletr]

اعتقد العربية الابيزا عربية ممتازة و شبابي

[elewey]

بص يا باشا اعرض الموضوع فى منتدى الاوبل و حتعرف كل المعلومات عن العربية دى وكمان اسعار قطع الغيار و ربنا الموفق

[elbeheri]

شكرا على سرعه الرد يابحيرى ممكن تقولى ايه السبب وترشحلى ايه فى حدود 40-45 انا فى كام اختيار بيجو 206--- جولف بولو --سيات ابيزا ---دايوجوليت --- فيرنا

العربية دى مع نسيبي عيوبها :

1- خفيفة جدا على السرعات (الدائري)
2- قطع غيار غالية جدا وغير متوفرة بسهولة
3- هتخسر جامد فى اعادة البيع ( الالمانى كله مضروب فى اعادة البيع الا المرسيدس والبى ام)

العربية اللى انتا عايزها تعتمدعلى استخدامك : يومى داخل المدينة / سفر / عائلى / شبابى

الرينج بتاعك فى الدايو لانوس كويسة برضه موديل 2004-2005

[aftr]

تسلم ياحبيب قلبى بجد مش عارف اقول ايه الف شكر وبشكر الاعضاء اللى شاركو اخر سؤال واسف للاطاله ايه رئيك بروتون ساجا 2010

[elbeheri]

رايى الشخصى ابعد عن العربيات الغريبة دى اللى زى البروتون ساجا - واجا - سيات ابيزا عشان ما تغلبش فى صيانتها او فى شراء قطع غيار او اعادة بيع
وانت برضه الراى الاخير ليك

[حماده المصري]

انت في نفس الرنج الي انا بدور عليه عربيه دلوقتي

عندك عربيات كتير اوي بس محتاجين منهم النضيف وعلى حسب استخدامك

يعني لو بتدور على عربيه ثابته حاول تدور على فيات برافا او فيات ماريا مثلا

وممكن سيينا او بونتو بس متدورش على الثبات

وممكن تلاقي كورولا موديل 99 والموديلات القديمه

وعندك بولو وابيرا لحد موديلات 2001 و 2002 بس قطع غيار نااااااار

وعند الصني الموديل ال 2000 وانت نازل لتحت

وفي لانوس ممكن تجيبها وبرضو الاكسنت القديم

وعندك برضو الكيا سيفيا والالنترا الموديل ال 2000

الي تلاقيه نضيف في سكتك هاتو

[aftr]

الف شكر ياجماعه خلاص انا دخل دماغى فيات برفا ايه رئيكم بالنسبه قطع الغيار هل عربيه كويسه

[aboomar22]

طيب برضه وانت بتتفرج على البرفا خلى فى دماغك اللانوس او النوبيرا 1 خصوصا لو نازلة معاقين واتفك الحظر عليها بتبقى حالتها كويسة قوى وسعرها كويس وكل الكماليات وقطع غيار رخيصة وعائلية واسعة واعادة بيع ممتاز و 1600

[aftr]

تمام طيب بالنسبه للبرفا تمام ولا ايه ظروفها وافضل مكان اجيب منه كونتكت كويس ولا السوق ايهما افضل للاسعار والحاجه الكويسه انا كده كده هيكون معايه واحد بيفهم فيهم

[aboomar22]

السوق هتقدر تشوف اكتر من عربية فى نفس الوقت يعنى هيبقى قدامك على طول لان معظم كلام الاعلانات بيبقى مبالغ فيه خصوصا لو اللى عامله تاجر لو مالقتش طلبك فى السوق شوف فى كونتكت كار وكمان موقع فابريقة فابريكا - الصفحة الرئيسية

[aftr]

الف شكر يابرنس مشككككككككككككككككككككككككككككككككككككور