للبيع جولف 2 موديل 89

[mahmoud_anwar]

السلام عليكم ورحمة الله وبركاتة
السيارة :جولف 2
الموديل :89
الماتور:1800 سي سي
حالة الدواخل:فبريكة
كماليات السيارة: معدلة جولف بي الكامل3 فرامل سكاكين +تنك جولف 3+عفشة كاملة جولف3 +اكصداماتgl+جنوط+ بور بس عايز يتظبط
رخصة :3 سنوات

لون السيارة : أخضر زييتي والكبوت لونة اسود
سبب البيع : نفسي اركب هوندا سيفك 93 sir عليها ماتور 1600 فيتك 170 حصان لو في حد يرغب البدل وادفع الفرق مافيش مانع

الي في العربية بما يرضي الله ومحدش يجي يتفرج عليها ويقولي انتا مقولتش ويجي يقعد يفاصل ويتعب قلبي معاه العربية محتاجة مصروف والله العظيم انا كنت هكمل شد فيها بس انا دلوقتي متجوز وساكن في المدن الجديدة ومش مستحمل ميكونش معاية عربية وهطر علشان اكمل الشد الي فيها هسبها لي الميكانيكي واقعد مع الميكانيكي وقرف وانا دلوقتي مش هينفع اعمل كده المهم قولت خلاص اتكل علي الله ابعها واشتري عربية مشدودة المهم العربية محتاجة سروجي محترم يظبط الصالون +ان العربية محتاجة ترمبة بنزين ويوجيهات وسلك بوجيهات +موبينة العربية لسة واحد الله يخده خبط العربية وهيا مركونة من الفانوس وخده خبطة من برة الفانوس بي الرفرف وكمان العربية من جوة فيها تريحة مش وصلة خالص في الحوض خفيفة جدآآ انا مش ضايف لون الكبوت الاسود في الرخصة لي اني لسه شري الكبوت لي ان كبوت العربية القديم بتعها فتح مني علي طريق السريع وخبط في السق فا اتني وهو موجود عندي هدية لي الي هيشتري العربية عايز يظبطة ويحطة عجبة الون الاسود مع الاخضر وحب يروح المرور هو ويضفة بتاعتة هو بقا
المهم السعر المطلوب نهائي: 28 الف

وياريت الجاد الي عايز العربية هو الي يرسلني علي الخاص وهدية نمرتي بس ياريت الجاد ومحدش لما يجي يتفرج يقعد يقولي بص هنا انا هصرف كام فا تمشي معاك مبلغ كذا انا قايل كل الي فيها بي امانة علشان محدش يخنوقني الي جي جي يشوف صحة كلامي ويشتري علي كده يعني مش بحب الكلام الكتير وشغل التجار والفهلوة المهم الي يرغب في العربية يرسلني علي الخاص وانا هدية نمرتي
والسلام عليكم ورحمة الله وبركاتة

[mahmoud_anwar]

[sheko_2000eg]

موفق فى البيع

[misoalex]

بالتوفيق يا باشا ان شاء الله

بس عندى سؤال هو الكبوت لما اتفتح فيه حاجه حصلت للسقف ؟؟؟

[mahmoud_anwar]

بالتوفيق يا باشا ان شاء الله

بس عندى سؤال هو الكبوت لما اتفتح فيه حاجه حصلت للسقف ؟؟؟

لا مافيش اي حاجة الحمدالله حصلت في السقف والكبوت عندي تاقديم

[mahmoud_anwar]

موفق فى البيع

ربنا يكرمك ياجميل

[mahmoud_anwar]

انا بكرة ان شاء الله رايح اعمل كل الميكانيكا الي في العربية بكرة ان شاء الله المهم بكرة اخر يوم للموضوع ان مافيش حد طلب بي الشراء فا ان مش هابعها وبصراحة ان العربية عجباني وماتورها اللهم ماصلي علي النبي زيرو الفكرة الي مخاليني ابعها اني مش فاضي اقعد مع الصنيعية الي اني في المناطق الجديدة فا انا نزلت طول شهر رمضان عند الحجة فا قربتلي المسفات اني اروح اشدها عند الميكانيكي بس فا انا الصبح هبص بصه في الصفحة قبل ما اشدفيها لي اني لو حطيط فيها جنية فا مش هبيع

[mahmoud_anwar]

خلاص ياجماعة مش هبيع العربية خلاص
الف حمد وشكر لله انا ظبط الميكانيكا الي فيها كلها
الموضوع مغلق