عايز اشترى سيارة - لاختى

[wiisha]

اختى معاها فى حدود 40000 جنية , عايزين نجيب عربيه كويسة و مريحه و فاربيقه تقترحو ايه
مع العلم ان المبلغ ده كل ما تملك يعنى لو جبنا العربيه بالمبلغ كله يبقى مش هننقل ملكيه , فا شوفو الدنيا فيها ايه

[إبراهيم المصرى]

كورسا هتشباك أواخر التسعينات وتكون فابريقه بره وجوه فى حدود 35 وممكن موديل 2000 وبرضه فابرقه بالكامل ومش محتاجه مصاريف مش هتعدى 37

[HOSSAM99]

ممكن هيونداي أكسنت 1500 فول أوبشن
دايو لانوس مو 99_2002 فول أوبشن

قطع غيار رخيصه _ صيانه رخيصه _ عربيات بسيطه بدون مشاكل
و تكييف و باور و زجاج كهربا و شكلها حلو و واسعه و شنطه واسعه

ركز في اللانوس لو الفلوس المتاحه مأنجزتش يبقي الاكسنت

[egyptiandiver]

Lanos

[aymansaad]

ماروتى فابريقة او كسر الزيرو

[wiisha]

انا بفكر فى الكليو مو 2003 او السينا 2003 بردو
عايز حاجه صيانة توكيل عشان بردو متيتشحتاتش عند المكنيكيه و الكلام ده

[raedegypt]

هيونداى اكسنت او لانوس قطع غيار متوفر ورخيص وتقدر على تكاليف اصلاحها واى ميكانيكى بيصلحها لامحتاجه توكيلات ولا مانجه
وممكن اسبرنزا زيرو تقسيط a213 او باندا صينى

[wiisha]

انا بفكر فى الكليو مو 2003 او السينا 2003 بردو
عايز حاجه صيانة توكيل عشان بردو متيتشحتاتش عند المكنيكيه و الكلام ده

طب البنسبة للاختيارين دول . انهى افضل فيهم و ليه

[raedegypt]

طب البنسبة للاختيارين دول . انهى افضل فيهم و ليه

اسمع الكلام ياهيونداى او لانوس دايو مستعمل اضمن لك من الكلام دة كله فى قطع الغيار وعايز تروح التوكيل موجود وانت حررررر

[HOSSAM99]

طب البنسبة للاختيارين دول . انهى افضل فيهم و ليه

إختيارات متعبه في صيانتها و قطع غيارها و إعادة بيعها
لكن الافضل الكليو
لكن تكو 1400 كيلو متر قليل و كماليات شغاله و يكون مع حضرتك فلوس إحتياطي للصيانه و تحسبا لأي مفاجآت

[MaZaGAngeE]

من شهرين انا اشتريت لأختي لانوس و دفعت 35 مقدم و قسطت على 3 سنين و أظن ان ده افضل اختيار بدل بهدلتها مع المستعمل و مشاكله

[jojooo]

اختى معاها فى حدود 40000 جنية , عايزين نجيب عربيه كويسة و مريحه و فاربيقه تقترحو ايه
مع العلم ان المبلغ ده كل ما تملك يعنى لو جبنا العربيه بالمبلغ كله يبقى مش هننقل ملكيه , فا شوفو الدنيا فيها ايه

يا سبحان اللة انا كمان بدور على عربية لأختى

بس انت عارف البنات محتاجين عربية ناعمة فى كل حاجة وياريت لو كمان تكون أتوماتيك و الصاج بتاع العربية يكون كمان ناشف علشان بعد الشر الخبطات.
بما اني من المتحيزين لليبانى فا بدور على مازدا فاملى فابريكة بلكامل وكيلو متر قليل أو نيسان صنى الشكل القديم بحالة ممتازة

[mahmoudysf]

انت حطيت طلباتك وظروفك والناس ادولك احسن عربيتين في الرنج ده
اولا لانوس ثانيا اكسنت
وانت مصر على حلين متعبين

[HOSSAM99]

يا سبحان الله انا كمان بدور على عربية لأختى

بس انت عارف البنات محتاجين عربية ناعمة فى كل حاجة وياريت لو كمان تكون أتوماتيك و الصاج بتاع العربية يكون كمان ناشف علشان بعد الشر الخبطات.
بما اني من المتحيزين لليبانى فا بدور على مازدا فاملى فابريكة بلكامل وكيلو متر قليل أو نيسان صنى الشكل القديم بحالة ممتازة

المازدا الفاميلي عربيه ملهاش أخت في فئتها و تحدي
لو حضرتك ليك في مشاوير قطع الغيار و الصيانه هاتها لأخت حضرتك و أنت مغمض
دي نصيحه من واحد راكب العربيه دي من الزيرو حتي وقت قريب و لسه موجوده في البيت

لكن أسعار قطع الغيار اليه شويه
لكن عربيه مفيش عربيه في قوتها أو تقفيلها أو خاماتها
و سعرها مستعمل جميل جدا و تستاهل أكثر من كده كمان
أهم شئ تبقي فبريكه دواخل و موتور زيرو

[raedegypt]

يا سبحان الله انا كمان بدور على عربية لأختى

بس انت عارف البنات محتاجين عربية ناعمة فى كل حاجة وياريت لو كمان تكون أتوماتيك و الصاج بتاع العربية يكون كمان ناشف علشان بعد الشر الخبطات.
بما اني من المتحيزين لليبانى فا بدور على مازدا فاملى فابريكة بلكامل وكيلو متر قليل أو نيسان صنى الشكل القديم بحالة ممتازة

عندك الفيرنا اتوماتيك زيرو 78 الف حلوة جدآ قطع غيار رخيص انتشار تاكسى وافضل سعر فى اعادة البيع وتمشى بسرعه . وتكييف فى عز الحر ثلاجه والعربيه ماتسخن عربيه ممتازة واحلى لون الفيرانى والنبيتى مع جنوط 14 نيكل الطقم 1000 ج روعه عليها واعمل السقف بتاعها اسيكر اسود حكايه العربيه دة فى الزواق