لهواه الفخامه والرقي فقط

[sabbahcenter]

لهواه الفخامه والرقي فقط للبيع بريليانس جالينا نبيتي بحاله الزيروووو موديل 2006 عامله 48000كم فابريكه بره وجوه بدون خدوش ولا جروح السيارة بحاله ممتازة جدا والسيارة بها مواصفات خاصه بالعفشه لانها خاصه بالمخابرات ووزن السيارة يختلف عن وزن السيارة الجديده بها dvd وجنوط اسبور اصليه وفرش جلد طبيعي وحساسات للركن والطابلوه مطعم بالخشب الابانوس السيارة كاجديده والصالون لسه باكياسه الاصليه متشلش والمعاينه خير دليل
للاستفسار
اسلام صباح
0100211660
0114205523

[Medo007]

ربنا يوفقك في بيعها
بس انت لازم تملى استمارة البيع وتكتب السعر والحاجات دي

[MOK3336]

مخابرات اية ؟؟

[fineart607]

مخبرات ايه الى من 2006 وباكيسها هو فيه ايه ممكن حضرتك توضح الموضوع شوية وايه المواصفات الى فيها مختلفة عن الحاليه ومين الى ركبها وهى ملك المخبارات ولا ايه مصرية ولا صينية :)

[ahmad--ezzat]

يعنى ايه اتقل من اي عربيه

هو فى ايه ياخونا

[msobhy]

والله حضرتك انا مش من هواة التريقه - بس كلمة المخابرات ديه لذيذة جدا
كل سنه وحضرتك طيب - يا راجل يا طيب

[MOUSTAFA_SAAD]

مخابرات
اللى يعيش ياما يشوف !!!!!!!!!!!!!!!!!!

[i_Am_Legend]

الله الموفق.

[wesam_salom]

عليها كام جاسوس
ويا ترى هى بأسم محسن بيك ممتاز ولا كان ماشى بتوكيل
ارجوك بلاش استخفاف بعقول الناس

[ostoraa]

يا ريت اللي ميعرفش ميترييقش

يعني بدل متقولو للراجل ربنا يحسنلك سوقها بتتريقو عليه
علي العموم انا بقول للناس اللي كانت بتتريق ومش بتفهم في العربيه اصلا ان في صحيح عربيه بريليانس جالينا مواصفات خاصه هما 90 عربيه علي مستوي الجمهوريه متوزعه علي الجمهوريه
لان الوزراء كلهم راكبين العربيه دي والعربيه دي مواصفات خاصه بتبقي في العفشه مميزة ان في كل عجله من عجل العربيه في 4 مقاصات و2مساعد مختلفه عن ال2008 والجديده انا بقول الكلام ده لاني معايا العربيه دي بس مش 2006 اللي معايا 2008 ومختلفه عن العربيه بتاعه الاستاذ اللي بيكلم عنها لان اللي معايا فعلا وزنها اخف من العربيه ال2006 بتاعه الاستاذ والتقفيل والتقنيه بتاعتها اقل من ال2006 وده معروف حتي في توكيل العربيه ان ال2006 احسن من باقي الموديلات الجديده وفعلا في عربيات معموله للمخابرات ومعمول لهم عربيات مميزة وبتقنيه اعلي من الجديدة حتي الصالون مختلف تماما عن بتاعتي الجديده الصالون ال2006 جلد طبيعي كله حتي الطابلوه وده مش موجدود حاليا السيارة الجديده الطابلوه وفرش الباب من الفيبر او البلاستيك والجديده بها 2 اير باج اما ال2006 بها 8 ايرباج حتي في القوايم بتاعه العربيه عرفتو بقي يعني ايه مواصفات خاصه
فياريت لو سمحتو اللي ميعرفش في عربيه بلاش يتريق علي صاحبها ولا احنا شعب اساسا مخلوق للتريقه بس ,,,,,,,,

[mxz911]

ايه الكلام ده ؟؟ انا ساكن فى عمارات المخابرات على فكره ومشوفتش اى حاجه من الكلام ده خالص !!

ومعلش يعنى وزراء ايه اللى راكبين بريليانس جالينا !!!!!!

[ellfahd]

مخابرات او غيرررررر الزبون ليه حاله العربية والموضوع مش مستاهل كلام كتير ... ربنا يوفقك فى بيعهاااااااااااااا

[ramyraby]

مخابرات او غيرررررر الزبون ليه حاله العربية والموضوع مش مستاهل كلام كتير ... ربنا يوفقك فى بيعهاااااااااااااا

الله ينور عليك