التامين على السيارات الجديدة

[zaraawad]

لو سمحتم ممكن حد يساعدنى ويدلنى على طريقة التامين على السيارة الجديدة ان شاء الله انا حجزت وهستلم عربية شيفروليه لانوس ممكن اعرف اعمل تامين عليها فين والتمن بيكون كام ويا ريت لو اى حد من اسطكندرية يقول لى افضل مكان وبعملها بعد ما اعمل الترخيص ولا بعد انا ممكن يكون سؤال متكرر بس انا مش لاقية المعلومات

[A.Saad]

مبروك العربية

التأمين ممكن قبل الترخيص

وممكن بعد الترخيص


قبل الترخيص
بتروحى الشركة بالورق اللى هترخصى بيه
جواب الافراج وشهادة البيانات
ممكن ما يتعملش معاينة ليها
البوليصة بتكون سارية يعد الترخيص
يعنى لا قدر الله العربية لو اتخبطت قبل النمر بتكون خارج التامين

بعد الترخيص
بتروحى الشركة ويتعمل معاينة وتتصور

الخطوات عامة
اختيار الشركة
تقديم طلب للتامين
معاينة
سداد الرسوم

المعلومات هتلاقيها فى قسم التامين

الاسعار
مش هاقدر افيد حضرتك فيها لان كان فيه اتجاه قريب للزيادة بسبب تعدد حوادث السرقة
والسعر مش بس الفيصل
فيه شروط تانية زى التحمل ، المسئولية المدنية بتكون مهمة
وارجعى للموضوع ده هيديكى خلفية كويسة عن التامين

http://www.nilemotors.net/Nile/74440-a.html

[zaraawad]

شكرااا جدا يا فندم فى ناس نصحونى بكونتاكت راى حضرتك اسجل الاستمارة بتاعتهم ان شاء اللع انا هستلم العربية بعد بكرة

[A.Saad]

كونتاكت ميزته انهم بيحاسبوا التوكيل مباشرة
يعنى المعتاد ان العغميل لو صلح فى التوكيل بيحاسب هو التوكيل وبعدين بيسترد فلوسه من شركة التأمين
فى كونتاكت
هما بيحاسبوا التوكيل
الميزة هيا فى حالة عدم توافر السيولة للعميل فى حالة الحوادث الكبيرة
العيب
انهم مش شركة تأمين
هيا وسيط لشركات تانية
وسعرهم بيكون من الاسعار العالية فى السوق

[zaraawad]

الشركة اللى اشتريت منها العربية عملت التامين مع شركة اسمها البيت المصرى السعودى عربيتى تمنها 71000 هما هياخجوا منى 2275 وتامين شامل على كل حاجة لسنة دى كويس ولا لا

[A.Saad]

المعدل كويس

هل ممكن تقولى شروط الوثيقة
من تحمل
اصلاح الزجاج
المحضر
وغيره

وعلى فكرة لازم تاخدى الاتى
ايصال السداد
البوليصة : بتكون ورقة فيها بيانات العربية ورقم الشاسيه واسمكواتاكدى انهم صح
كراسة الشروط العامة: ورقة فيها بيانات عامةعن التامين فى الشركةدى
ومن الموضوع اللى فات باين انهمحاطين تكلفة اخطار
ده تكلفة بتدفع او بتتخصممن المطالبة عند الابلاغ عنالحادث
سزاؤ قيمته كبيرةاو صغيرة
وبالتالى بتكون سخيفةفى الحوادث منخفضة القيمة

وتغطية المسئولية المدنيةبرده سخيفة
بمعنى ان التغطيةدى بتغطى لو المؤمن خبطعربية تانية او مبنىاو كشك سجاير مثلا
هما مغطيين المبنى
لكنمشمغطيين العربية التانية
العربية التانيةمفيدةلو صاحب العربية التانيةعمل محضر وقضية
ساعتها الشركة هيا اللى بتدفع له

اتاكدى من الشروط اللى كاتبها عندك ايه ظروفها لانممكن يكونوا غيروها