البنزين/البيع والشراء

[BomBom]

أسماء ستكون فى وضع صعب خلال الفترة القادمة
البى ام القديم كلة -المرسيدس القديم كلة - الدايو نوبيرا و لانوس- الهوندا سيفيك (تسعينات ) - اللانسر 98 و 99 و خصوصاً ال الالفينات ال 1600 - البيجو 405 و 505 - الفيات ريجاتا و 131 و ال 2000 - السيات توليدو اوائل التسعينات -اللادا بجميع انواعها - الاوبل الفكترا و خصوصاً ال 2000 cc -الفولفو التمانينات - جميع الجيب حتى الالفينات - معظم الكرايسلر

لاتعليق !!

[SEATLOVER]

لاتعليق !!

ماشى يا BomBom هاقولك لية
النوبيرا معروف اصلاً ان استهلاكها عالى وكمان مش ثابتة اوى بمعدل واضح وبتفرق من عربية للتانية اللانوس فى اختلاف كبير ناس بتعتبرة عادى وناس بتعتبرة مرتفع دة غير ان اى حاجة فى اللانوس مش مظبوطة بيأثر على نسبة استهلاكها للبنزين ...باالاضافة ان اللانوس مش ناقصة مشاكل حالياً من نزول الافيو بالشكل و الكماليات و نسبة التحسينات اللى فيها و من ناحية تانية كلام ان اللانوس هاتتوقف مع وجود مشاكل اللانوس المسيطرة على العقول من فرقة المستعمل التعبان بتاعها ... وضحت

[hamadaalo2002]

طبعا موضوع اكتر من ممتاز ومتقسم تقسيمة ملهاش حل
ربنا يكرمك يا باشاا
بس تعليقا علي ان كل الادا حيرخص انا لا اتوقع
الادا في منها 1200ccودي سعرها بالفعل غلي خلاص
ولا انت رائيك اية؟

[جندى مجند]

موضوع هائل كما تعودنا منك يا بشمهندس ... بيتهيألى كمان من العربيات اللى حيبقى عليها طلب جامد فى الفترة الجاية الرينو كليو أوائل الألفينات لأنها على حسب ما أنا فاكر كانت 1200 سى سى فبالتالى عربية أوائل ألفينات و سيدان و أوبشنز كويسة و موتور صغير بيتهيألى حتعمل شغل حلو فى السوق رغم ان سوقها كان ضعيف جداً قبل كدة .. و طبعاً كل العربيات اللى ظروفها مشابهة ليها حتبقى نفس الكلام بس دى اللى أنا افتكرتها دلوقتى.

[Akram]

موضوع اكثر من ممتاز ,
تسلم ايدك ...

[hamadaalo2002]

طيب وال 128 مصيرها اية؟

[Akram]

انا رحت السوق الجمعة قبل اللي فاتت (قبل الزيادة) و الجمعة اللي فاتت (بعد الزيادة),
و الحقيقة السوق الجمعة اللي فاتت كان فيه حالة إرتباك و الاسعاء مش منطقية , يعني عربية معينة تلاقي سعرها في الأرض و سعرها في العالي في نفس الوقت , يعني فيه ناس عارضة بسعر قليل و العكس ناس عارضة بسعر زيادة , و عموماً رواد السوق كانوا أقل في الكثافة من الاسبوع اللي قبله , و حركة البيع و الشراء كانت قليلة قوى , بس اللي لاحظته إن دا غير إن العربيات الصغيرة زي 127 كان عليها كبير أما العربيات الكبيرة كان الناس بيبعدوا عنها .

[SEATLOVER]

ربنا يخليكوا على كلامكم الجميل ..مش عارف اقول اية الحقيقة
طبعاً يا جماعة كلامكم كلة مظبوط ودة دليل على ان الموضوع وصل ليكوا الحمد الله
بص يا حمادة ..
اللادا هايقل الطلب عليها الفترة اللى جاية مش عشان البنزين ...عشان جرى الناس اللى هايبقى على اللى بيشم بنزين ..ودة طبيعى بعد الصدمة .. وبعد كدة المواضيع هاتهدى تانى بالنسبة لللادا
اما ال 128 هايكتر الطلب عليها اللى هاتبقى لحد 18 او 20 الف بعد كدة الكل هايفضل قسط فى حاجة جديدة موفرة ويريح دماغة

وطبعاً كلام جندى مجند فى الجون ..فعلاً الكليو هاتفوق و ترجع تانى

وكلامك يا اكرم مظبوط جداً عن السوق الاسبوع دة ...فعلاً اللى راح قالى ان فى تذبذب كبير جداً فى الاسعار .. وللاسف كل اللى انا كتبتة فى الموضوع دة ..كان موجود فى السوق الاسبوع دة ..مع انى كنت بحضر فية من يوم الاتنين اللى فات

على العموم ...ربنا يستر ..وماحدش يضر فى الهوجة دى

[hamadaalo2002]

شكرا لردك يا باشا
بس واضح ان ال 2105 سعرها زاد لان ماتورها 1200
ممكن يقل تاني؟

[qwertyqwerty]

المستقبل للـdiesel لان استهلاكة للبنزين قليل جدا

[SAbuhashem]

شكراً على المجهود القيم

Thanks
Eng.Sherif Shaker

[ASD peugeot]

انا دلوقتي غيرت من 90 الي بنزين 80 و الفرق ان السحب مات خلاص و مش هعرف اعمل غرز بس توفير بجد

[sss]

جزاكم الله خيرا على الموضوع الرائع

[BomBom]

ماشى يا BomBom هاقولك لية
النوبيرا معروف اصلاً ان استهلاكها عالى وكمان مش ثابتة اوى بمعدل واضح وبتفرق من عربية للتانية اللانوس فى اختلاف كبير ناس بتعتبرة عادى وناس بتعتبرة مرتفع دة غير ان اى حاجة فى اللانوس مش مظبوطة بيأثر على نسبة استهلاكها للبنزين ...باالاضافة ان اللانوس مش ناقصة مشاكل حالياً من نزول الافيو بالشكل و الكماليات و نسبة التحسينات اللى فيها و من ناحية تانية كلام ان اللانوس هاتتوقف مع وجود مشاكل اللانوس المسيطرة على العقول من فرقة المستعمل التعبان بتاعها ... وضحت

عزيزي SEATLOVER ، الحقيقة انا باستمتع بمشاركاتك في المنتدي بخصوص شراء المستعمل و كسر الزيرو و الزيرو ، حتى المشاركة دي انا بالفعل قريتها باهتمام ، بس انا لفت نظري من البداية حيرتك في فئة 1500 سي سي استهلاك متوسط ، مرة تقول انها هتنخفض انخفاض شديد ، و بعدها على طول تقول انها مرشحة للإرتفاع ، الحاجة التانية انا مش عارف ليه تحفظك على الدايو ، مع ان الدايو انتشاره و رخص اسعار صيانتة و قطع الغيار بيديله ميزة نسبية يمكن تعادل استهلاكه للبنزين لو اعتبرناه استهلاك عالي ، حاجة كمان انا مش عارف ايه مشاكل اللانوس المسطرة على العقول ، مع ان السوق بيقول غير كده.
على اية حال انا سعيد بمشاركتك دي و كل مشاركاتك اللي قبل كده ، لانها فعلا مشاركات مفيدة للمنتدى كله ، و اختلاف وجهات النظر لا يفسد للود قضية .. و الف شكر ليك.

[SEATLOVER]

عزيزي SEATLOVER ، الحقيقة انا باستمتع بمشاركاتك في المنتدي بخصوص شراء المستعمل و كسر الزيرو و الزيرو ، حتى المشاركة دي انا بالفعل قريتها باهتمام

ربنا يخليك يا Bom BOm يارب نكون عند حسن الظن دائما ً

، بس انا لفت نظري من البداية حيرتك في فئة 1500 سي سي استهلاك متوسط ، مرة تقول انها هتنخفض انخفاض شديد ، و بعدها على طول تقول انها مرشحة للإرتفاع ،

مفيش حيرة ولا حاجة ال 1500 شريحة كبيرة و فيها موديلات كتير فى سنوان اكتر و اقبال الناس عليها هايكون على موديلات معينة و موديلات تانية بالطبع هاتموت
وفى اول مرة رديت عليك فى النقطة دى قولتلك

يعنى فئة (التسعينات-متوسط) انا قولت فى الارتفاع ترتيبها (ج) اما فى الانخفاض ترتيبها(د)
وبكدة تبقى هى فى اغلبها مائلة نحو الارتفاع ..ومتنساش ان الفئة دى فيها موديلات كتيرة جداً و يتصل ال 1600 cc وهى دى الاكتر اللى هاتسبب هبوط فى السعر للفئة دى

لو قريت الجملة دى هاتعرف ان الشريحة كبيرة و فيها موديلات هاتموت وموديلات هاتصحى و يبقى عليها طلب كتير ..ودة اللى هايسبب الارتفاع الطفيف اللى انا قولت علية .... اظن مفيش اوضح من كدة
ولو عايزنى اذكرلك اسامى الموديلات ممكن اقولهوملك بالترتيب كمان

انا مش عارف ليه تحفظك على الدايو ، مع ان الدايو انتشاره و رخص اسعار صيانتة و قطع الغيار بيديله ميزة نسبية يمكن تعادل استهلاكه للبنزين لو اعتبرناه استهلاك عالي

لو انت متابع مشاركاتى هتلاقينى افضل ترشيح عندى فى رانج الستينات اللانوس و عربية اثبتت وجودها
انما هاقولك كلمة واحدة بس هى اللى مسيطرة على عقول الناس (العادية ) .... الرشاشات -الفتيس-الفرامل

على اية حال انا سعيد بمشاركتك دي و كل مشاركاتك اللي قبل كده ، لانها فعلا مشاركات مفيدة للمنتدى كله ، و اختلاف وجهات النظر لا يفسد للود قضية .. و الف شكر ليك.

الف شكر ليك على حوارك الممتع .. وهو مفيش حتى اختلاف ..كل الموضوع انى متوقع اللانوس هاتتعرض لصعوبات فى الفترة اللى جاية ... وانت مش متوقع كدة
فيارب انت اللى تكون صحيح لآنى بحترم اللانوس جداً ... وهاتبقى مشكلة كبيرة فى الترشيح فى رانج سعرها ..لان بصراحة مفيش بديل ذيها حتى الان
سعدت بالحوار معك .