استفسار هام فى البيع

[drsemba]

كان معايا عربية لادا وبعتها فى سوق السيارات يوم الجمعة بمدينة نصر بتوكيل مكتوب فيه توكيل للبيع لنفسه وللغير والتعامل مع المرور فى التجديد والترخيص والتوكيل للغير.
المهم اشتريت جديد الحمد لله فى المرور طلبو ضريبة ترفيه ولما وريتهم صورة التوكيل قالو لازم عقد بيع المهم الاسئلة:
هل الوضع ده هينتهى مع نهاية ترخيص الادا؟
هل انا مسئول عن الادا مسئولية جنائية او مدنية؟
شكرا.

[drmsadek1979]

لو معاك عقد بيع ابتدائي مفيش اي مسؤلية عليك
وممكن تروح مرور العربية وتسيب ورقة في ملف العربية انه ميجددش الرخصة لما تنتهي

[drsemba]

بس انا ماعملتش عقد ابتدائى انا عمات توكيل على طول ومعايا صورته

[aboomar22]

سيبك من الضريبة والكلام ده انت اخدت منه اقرار باستلام العربية ويكون مسئول عنها جنائيا ومدنيا من تاريخ استلامة للعربية ولا ايه لو ما اخدتش اتصل عليه فورا وروح خد منه اقرار لو اخدت الاقرار يبقى هتفضل تدفع الضريبة لحد ماينقل العربية باسمه المشكله انك كتبت انه بجدد الترخيص وده خطا لانه ممكن لما الرخصة تخلص يجدد باسمك

[Haitham10]

يعني ياجماعة الخير لو الرخصه بإسمي لما ابيع اكتب ايه في التوكيل بالظبط بحيث انه ميجددش بإسمي

[aboomar22]

البيع لنفسه والغير والتعامل مع المرور (يعنى متكتبش التجدد والترخيص )

[Mido_Vip]

البيع لنفسه والغير والتعامل مع المرور ولا يجوز له التجديد والترخيص

[drsemba]

طيب لو مارضيش ممكن اخوفه بانى ممكن الغى التوكيل

[ahmedzizo131]

البيع لنفسه والغير والتعامل مع المرور ولا يجوز له التجديد والترخيص

بسم الله الرحمن الرحيم
الكلام دة مضبوط 100 × 100
و الكلام دة ينتهى بنهاية رخصة السيارة

[aboomar22]

طيب لو مارضيش ممكن اخوفه بانى ممكن الغى التوكيل

الله يكرمك سيبك من الكلام ده دلوقتى وقولى انت اخدت اقرار باستلام السيارة ولا ايه دى هى النقطة المهمة فى الموضوع ولا مخدتش اطلبه فورا واكتب اقرار باستلام السيارة ولو رفض او اتحجج روح اعمل محضر فى القسم بالكلام ده محدش ضامن الظروف ايه اللى ممكن يتعمل بالعربية بعد كده كله سهل وعلى فكرة التوكيل متقدرش تلغيه الا بحضور الطرفين

[amro1965]

مشكلة التوكيل الفورى
الاتى
لا قدر الله الشخص اللى اشترى سيارتك عمل حادثة وجرى وتم اخذ نمر السيارة سوف تكون انت متصدر المشهد لان السيارة باسمك فى المرور وسهل يجيبوا عنوانك وجميع بياناتك والعقد الابتدائى الغير موثق غير معترف به وحتى اقرار استلام السيارة بدون وجود الشخص المشترى مثل عدمة
على فكرة اغلبية الشعب المصرى بيبيعوا بتوكيل الا فئه قليلة
انا مش عايزك تقلق
بس كل اللى بنقوله لزياده الحرص فقط على فكرة انا بعت سيارتى اللى قبل الحالية بتوكيل ومعرفش وضعها ايه حتى الان منذ سنتين
لا تقلق كله خير

[misoalex]

طيب لو مارضيش ممكن اخوفه بانى ممكن الغى التوكيل

توكيل بيع السياره غير قابل للالغاء الا فى وجود الطرفين يعنى هو لازم يروح معاك عشان يوافق انه يلغيه ده اولا

ثانيا مفيش مشكله انك بعت العربيه بتوكيل للنفس او الغير المشكله انك كتبت انه قابل لتجديد الرخصه ودى النقطه اللى استغل انك مش فاهمها

كده الرخصه حتفضل بأسمك حتى لو انتهت وطول ما الرخصه بأسمك حتدفع ضريبه ترفيه

حاول تسأل محامى او حد فى المرور ازاى تخليه ميجددش الرخصه لان الموضوع مش سهل انت مضيت على ورقه وعاوز ترجع فيها