عايز اشتري عربية ب 65 الف

[a7med_3ssam]

جماعة انا تقريبا معايا 65 الف و محتار جدا مش عارف اشتري ايه... بونتو كلاسيك و لا جيتز ولا لوجان ولا سيريون و لا كليو.. ارجو المساعدة مع الاهتمام بقطع الغيار و الصيانة و تقفيل العربية و الموتور.. مع العلم اني مش عايز اشتري حاجة قديمة.. حاجة كده 2010 يعني كسر زيرو... انا استخدامي مش جامد... جوة البلد... و مش بيركب معايا دايمن ناس كتيير بس انا بردو بحب الموتور القوي في العربية مش بحب العربية اللي حجمها اكبر من موتورهاا.. انا حابب البونتو بس خايف يكون موتورها ضعيف.. و خايف تكون السيرين قطع غيارها و صيانتها مولعة...و شكرااااااااااااااااااااااااااااااا

[aboyahea]

اصبر شويه وهاتلك حته فيرنا

[pompo]

انا من وجهة نظري جيبلك bmw 316 الي يطلق عليها الدبانه انا من رايي انها احسن من اي زيرومن
اللي انت بتقول عليهم من جهة الموتور قوي جدا وبتستحمل بس قطع الغيار طبعا غالية
وبانسبة للعربيات اللي انت طرحها اعتقد ان الجيتز افضل من حيث قطع الغيار والقوة

[M.Al-Hefnawy]

الفيرنا أفضل اختيار بالنسبة ليك بس سعرها هيزيد شوية جديدة حوالي 72. عربية موتورها قوي وقطع غيارها متوفرة ورخيصة.

[Mo Saleh]

جيتز

[abokoko]

جمد قلبك وادخل على الصينى
لبى واى دى byd --f3 -- او -- g3
وفى كمان الاسبرانزا 516 او m-11 او التيجو

هى الاسعار اعلى شويه بس هتركب زيرو
والصينى قادم زى الزحف التاتارى
وبنظرة بسيطة فى بيت كل واحد فينا هيلاقى المنتجات الصينى مالية البيت

[moh_arafa]

Go To BYD Zeroo

جمد قلبك وادخل على الصينى
لبى واى دى byd --f3 -- او -- g3
وفى كمان الاسبرانزا 516 او m-11 او التيجو

هى الاسعار اعلى شويه بس هتركب زيرو
والصينى قادم زى الزحف التاتارى
وبنظرة بسيطة فى بيت كل واحد فينا هيلاقى المنتجات الصينى مالية البيت

انا كمان مع نفس الرئى انا عندى بى واى دى موديل 2008 والعربية ما شاء الله هتعجبك من حيث الماتور وحجم السيارة وشياكتها والصالون هو هو تويوتا كورولا وبعدين قطع الغيار مناسبة وموجوده وعلى فكرة انا بسافر بيها شرم الشيخ ودهب واماكن كتير من حيث السبات والسحب وقوى الاداء عربيه جامده وممكن تقراء عنها كويس. والله ولى التوفيق وربنا يوفقق لما هو صالح