توكيل عربية بالبيع من غير ختم !!!!!!

[ferfsh]

انا قدامى عربية فيها توكيلين منهم توكيل مختوم و توكيل أخر اللى هو الاول (اللى من وش الرخصه) مش مختوم و معمول كمبيوتر و الراجل بيقولى انه عادى و ان عشان ده كمبيوتر و كمان بيقولى ازاى طيب طلع توكيل مختوم (التانى) من التوكيل غير المختوم (الاولانى ) ؟؟؟!!!!!
و انا فعلا بسأل نفسى عن اللغز ده !!!!, بكره السبت اجازه (الوقفه) و فى اربع ايام عيد و كان نفسى اشتريها حتى بعقد بيع و استلمها أعيد بيها , طبعا لو مكانش حوار العيد ده كنت روحت معاه الشهر العقارى و المرور و اتأكدت من كل حاجه .... أعمل ليه !!!!!!! انا ممكن استنى ليوم الاربعاء اما المصالح الحكوميه تشتغل بس انا بقول ياريت أقضى بها العيد ,,,, فهل فعلا ممكن توكيل يبقى غير مختوم عشان كمبيوتر ّ!!!!! انا بصراحه مش مقتنع !!!

[misoalex]

لو اشتريتها يبقى بتدبس نفسك انا اول مره اسمع عن توكيل من غير ختم

مش عشان تعيد بعربيه تلبسها طول العمر

استنى بعد اجازه العيد وروح الشهر العقارى اتأكد من المدير نفسه مش من الموظفين عشان الموظفين فيه زمتهم واسعه شويه

[Youssef.Awad]

خليك فى الامان والمضمون واستنى لبعد العيد باذن الله
وبرضه بعد التأكد ما تدفعش كل المبلغ مرة واحدة خلى جزء لوقت التسجيل فى الشهر العقارى
البلد مليانة عربيات بورق مضروب ومسروقة

[A.Saad]

روح الشهر العقارى اسال فيه
واكشف على الختم والتوقيعات
كل توكيل اكشف فى الشهر العقارى الصادر منه

[ahmedzizo131]

بسم الله الرحمن الرحيم
الموضوع دة حصل معايا من كام سنة بس كان توكيل عادى مش كمبيوتر بس كان التوكيل بتاعى انا اللى مسجل بية لنفسي و جددت الرخصة اكثر من 3 سنين و بعدين اكشفوها اثناء المراجعة
و بعدين رحت عملت تصحيح تقريبا
نصحية استنى شوية و متستعجلش لان التزوير و السيارات المسروقة اكتر من الهم على القلب

[حماده المصري]

اوعى التوكيل لازم يبقى مختوم سواء كمبيوتر او عادي

وبيبقى الختم في حتت معينه مثلا بعد صيغه التوكيل يتختم عشان محدش يحور ويزود كلام من عنده

في رايي كبر دماغك من العربيه اساسا وخليك في اي حاجه تانيه

[magyver]

انا اول مرة اسمع الكلام دة
وازاي يعني توكيل كمبيوتر

[ferfsh]

شكرا ليكم يا جماعه و انا هستنى بعد العيد فعلا , بس عايز أسأل عن تمن العربيه كويس ولا لا ؟ هى كولت 2000 موتور 1600 و بيقولى ستوك (كداب طبعا ) و فتيس شورت شفت و هو مش عارف يعتى ايه شورت شفت و جنوط 16 و مغيره لون من بره و كراسى رياضيه , تسوالها كام ؟؟

[misoalex]

شورت شيفت يعنى قصير ونقلاته قصيره وقريبه وده عشان تجمع النقله بسرعه جدا وانت بتشد وبتجرى مع حد

حاجه رياضيه يعنى

بس انت كشفت على شاسيه وعفشه العربيه دى كويس ؟؟

[magyver]

اكشف علي العربية بنفسك

[sheko_2000eg]

روح الشهر العقارى اسال فيه