شاهين 1600 سى سى موديل 2004 للبيع

[nity]

لظروف خاصه السيارة موديل 2004 موتور 1600 سى سى باور سنتر تاكييف فبريكا دواخل رشه بره موتور ممتاز كارونه سليمه كاوتش جديد مطلوب 33000 المعاينه فى مصر القديمه القاهرة تليفون 01127769982 محمود احمد

[ahmedzizo131]

بسم الله الرحمن الرحيم
بسم الله ماشاء الله
و سعرها كمان كويس

[mrghost]

مش كده قليل عليها؟ انا اللى اعرفه انها تعمل 38 الف ع الاقل؟؟

[nity]

مش كده قليل عليها؟ انا اللى اعرفه انها تعمل 38 الف ع الاقل؟؟

كلامك صح يا باشا انا مكنتش عايز ابيعها بس للاسف انا محتاج المبلغ ده ضرورى جدا جدا علشان كده انا حاطط السعر كده علشان سرعت البيع

[ahmdmagdy]

رخصه لغايه امتي و العداد عامل كام كيلو

[mohamed9999]

لو فلوسى جهزه كنت خلصت فيها لكن لسه الفلوس مش كامله

[rasim]

السلام عليكم اناكلمتة وقال ان الرخصه منتهية والعداد مش عارف كام
ربنا يسهل فكر اروح ان شا ءالله ابقى اشوفها
بس التكييف عاوز يتظبط شويه والله اعلم

[rasim]

والحمد لله الفلوس جاهزه ان شاء الله

[nity]

بسم الله الرحمن الرحيم
العربيه يا جماعه جالى فيها النهاردة 31000 بس انا مرضتش علشان كده انا هبقى خسران فيها كتير جدا
بالنسبه للى بيسال العربيه فيها ايه احب اذكر فى الاول ان العربيه لما جيت اشتريها خدت معايا سمكرى ومكانيكى لانى مبفهمش فيهم كويس خاصه موضوع الرش والخبطات وهما قالولى العربيه كويسه بس عايزة شوية مصاريف سمكرة وبويه وفرش وحاجات كده
النهاردة فى 3 شافوها اشتركو فى نفس الكلام الاتى : العربيه محتاجه مصاريف من 3 الى 4 الاف جنيه من سمكرة وبويه وفرش وتظبيطات , العربيه فيها الرفرف الخلفى شمال منفخ . يوجد شرخين جنب المساعد الامامى الشمال من فوق قبل الرفرف واحد منهم ملحوم بطريقه سيئة ,الرفرفين الاماميين حالين قبل كده الابواب تحتاج الى تظبيط ..... طبعا ده كان كلامهم وانا اول مرة اسمع الكلام ده لانى والله اشتريتها ثقة فى الناس الى كانو معايا وشافوها وللعلم انا كنت شاريها ب 36000 وكنت هظبطها تظبيط عالى جدا لاكن ربنا مأردش وانا حطيت سعر 33000 لانى محتاج الفلوس ضرورى ومقتنع ان العربيه عايزة شغل هيصرف برضه فلوس زى ما الى شافها قال وده بسبب كمان بهدلتها من الركنه
معلومه اخيرة الرخصه منتهية من شهر 12 الى فات ومش باسمى انا معايا عقد مسجل بيها والعداد بتاعها انا شفته عامل 157000 تقريبا وبالنسبة للملاحظات الى عليها انا هصورها بالتفصيل وهرفعها تانى علشان رائى الناس حتى لو محصلش نصيب يقولوى هى تسوى كام علشان اقدر اتصرف
انا كده خلصت الكلام الى عندى ومستنى رضوضكم بعد رفع الصور

[nity]

بسم الله الرحمن الرحيم
العربيه يا جماعه جالى فيها النهاردة 31000 بس انا مرضتش علشان كده انا هبقى خسران فيها كتير جدا
بالنسبه للى بيسال العربيه فيها ايه احب اذكر فى الاول ان العربيه لما جيت اشتريها خدت معايا سمكرى ومكانيكى لانى مبفهمش فيهم كويس خاصه موضوع الرش والخبطات وهما قالولى العربيه كويسه بس عايزة شوية مصاريف سمكرة وبويه وفرش وحاجات كده
النهاردة فى 3 شافوها اشتركو فى نفس الكلام الاتى : العربيه محتاجه مصاريف من 3 الى 4 الاف جنيه من سمكرة وبويه وفرش وتظبيطات , العربيه فيها الرفرف الخلفى شمال منفخ . يوجد شرخين جنب المساعد الامامى الشمال من فوق قبل الرفرف واحد منهم ملحوم بطريقه سيئة ,الرفرفين الاماميين حالين قبل كده الابواب تحتاج الى تظبيط ..... طبعا ده كان كلامهم وانا اول مرة اسمع الكلام ده لانى والله اشتريتها ثقة فى الناس الى كانو معايا وشافوها وللعلم انا كنت شاريها ب 36000 وكنت هظبطها تظبيط عالى جدا لاكن ربنا مأردش وانا حطيت سعر 33000 لانى محتاج الفلوس ضرورى ومقتنع ان العربيه عايزة شغل هيصرف برضه فلوس زى ما الى شافها قال وده بسبب كمان بهدلتها من الركنه
معلومه اخيرة الرخصه منتهية من شهر 12 الى فات ومش باسمى انا معايا عقد مسجل بيها والعداد بتاعها انا شفته عامل 157000 تقريبا وبالنسبة للملاحظات الى عليها انا هصورها بالتفصيل وهرفعها تانى علشان رائى الناس حتى لو محصلش نصيب يقولوى هى تسوى كام علشان اقدر اتصرف
انا كده خلصت الكلام الى عندى ومستنى رضوضكم بعد رفع الصور

[IMG][IMG][IMG][IMG][/IMG][/IMG][/IMG][/IMG]

[nity]

[mohamed9999]

ربنا ييسرلك بيعها انا بدور على شاهين برضو بس مش جاهز دلوقتى للاسف

[amsaleh]

موفق ان شاء الله في بيعها
ممكن حضرتك تكلمني علي الخاص

[hamood911]

دى عايزه شغل بتاع 3 تخلص 27انا جاهز