بفكر أبيع الانسر 2001........أو للبدل بهوندا سيفيك

[A7MED_PHARMA]

السلام عليكم


معايا مكوة 2001 (صورتها ف التوقيع)
كنت فكرت أسقط وأعدل
لكن إكتشفت أن التعديل عليها صعب .. ومش هيدي الي في دماغي
فبشاور نفسي أني أجيب هوندا سيفيك 94 .. وأعدل فيها براحتي(مع إنها أساسا مش محتاجة تعديل)

لله الأمر

هقول حالة العربية بكل أمانة

لانسر مكوة 2001
..
موتور 1300 كربيراتير .. حالة الموتور 70%(بيجيب لحد 150 كم/ساعة) ودي أقصى سرعة ليه
...
حالة العفشة 75%
..
الكاوتش 205/50/15 متركب من سنة
والجنوط صيني
..
عداد العربية 96 الف كيلو (الحقيقي أكتر من كده بــ 50 الف)
أنا نزلته علشان لما إشتريتها مكنتش حابب حد يقولي دي ماشية كتير
..
نيجي بقا للنقطة الاهم
الدواخل والخوارج
لون العربية الأصلي فسدقي
غيرته للأزرق في أبيض .. وثبته ع الرخصة
وبعد كده غيرته للرصاصي في خطين إسود بطول العربية .. ولسه ماثبتوش ع الرخصة
..
الحوض سليم والشنطة سليمة
ماعدا شنب العربية إندق عليه قبل كده
تم رش حلوق الأبواب بلون العربية الحالي
..
الصالون أبيض
فرش جلد أبيض ... رش اجزاء من التابلوه وفرض الابواب أبيض(فرش الابواب استيراد بــ 300 ج للاربع أبواب)

العربية مش عليها أي معجون غير على الرفرفين الخلفي
الابواب مسطرة بدون معجون .. وكذلك الرفرفين الي قدام والكبوت

عليها حاليا كبوت بومة معدل .. كبوتها الأصلي موجود مع الشبكة بتاعته

..
البطارية جديدة
..
العدادات معدلة ألوان
..
عليها فايبر وعتب وسبويلر إيفوووووو
وجاري رفع الصور



للبيع أو للبدل بهوندا سيفيك 94 بشرط الحالة الشاذة

[nice_bird]

..
عداد العربية 96 الف كيلو (الحقيقي أكتر من كده بــ 50 الف)
أنا نزلته علشان لما إشتريتها مكنتش حابب حد يقولي دي ماشية كتير

هوا اللعب في العداد سهل كدا ولا محتاج حد محترف

[A7MED_PHARMA]

الصوووووووووووووووور

[Mzeid]

دوك أولا ربنا يكرمك ان شاء الله و تجيب كل اللي عاوزه

بس لو تسمحلي اقول رأيي ..

بلاش تبيع او تتبادل دلوقتي علشان ممكن تقع على عربية محتاجة مصاريف و أنت اصلا عندك حوارات تانية فأجل موضوع العربية حاليا
و ربنا يحسنلك بيعها باذنه تعالى لو قررت خلاص

و ممكن تبلغ عن موضوع البيع في الموضوع بتاع ايفو بتاع تحويل المكوة لايفوليوشن لو حد حب ياخدها

:)

[A7MED_PHARMA]

[A7MED_PHARMA]

ربنا يكرمك يابوحميد
أنا قلت لو هوندا..هتبقا حالة شاذة يعني مايتصرفش عليها جنيه لحد ماربنا يفرجها والشغل يظبط
ونبدأ التعديل

[blazer]

ربنا يكرمك باللى فى دماغك يا دكتور
بس عربيتك تمنها اكتر من تمن الهوندا 94
اعتقد عربيتك تجيب حدود ال 55 الف
الهوندا ال 94 ال sir بتتباع ب 50 -55 لو نضيفه اوى

[Youssef.Awad]

هوا اللعب في العداد سهل كدا ولا محتاج حد محترف

لا محترف ولا غيره
ليا واحد صاحبى برضه كان معاه كريستالة 98 وفك جاك العداد من ورا الموتور ومشى عليها 50 الف كم برضه وباعها وهى عاملة 250 الف كم واللى خدها عمل عمرة بعد اسبوع عشان الماكنة جابت زيت
ومرة روحت مع زميلى يشترى رينو لوجان 2010 زيرو مشينا بيها وروحنا المرور رخصنا ولفينا شوية فى البلد والافندى بتاع المعرض كان فاصل العداد برضه لأنه مستخصر يجيبها على ونش او تريلا وجايبها سواقة من القاهرة او الله اعلم منين

[A7MED_PHARMA]

أيوزيد
تجيب زي ماتجيب .. المهم إني عارف إن السعر إلي هتجيبه
هتخليني أركب هوندا كويسة .. لكن موديل مش عادي
بيعجبني جدااااااااااااااااا شكل السيفيك 94 .. لكن مش عارف ظروف موتورها ايه
أنا عاوز موتور سيفيك يدي 160 حصان ع الاقل

وبالنسبة للعب العداد

بيتعمل في الحرفيين ياشباب .. لكن ماقدرش أقول فين علشان الادارة مانعة المواضيع دي
وتكلفةخايبة في دقيقتين إتنين بالظبط

[ahmedbasto]

بصراحة يا دكتور انا رأى من رأى محمد بلاش بيع وليه انت لقيت تعديل العربية صعب دة معروف فى مصر عايز تعدل يبقى هات يا لانسر يا هوندا وانت معاك لانسر ما شاء الله

[alzelafy]

موضوع العدادات دة عادى بيتعمل من زمان فى مصرنا الحبيبه واحد صاحبى شغال فى معرض زيرو بيقلى بنجيب العربيات من الغردقه للقاهرة انا و السواقين و فاصلين العدادات طبعا و معاهم كهربائى مخصوص للموضوع دة ابقو خدو بالكو و انتو بتشترو ا

[A7MED_PHARMA]

تعديل الانسر .. شكل بس
لكن الأداء.. مفيش أفضل من الألماني , تسبقه الهوندا طبعا

[ahmedbasto]

انت مش فاكر انا اللى كنت مع حضرتك فى مقابلة فطار رمضان فى طنطا الوطنية اللى كان احمد وكان كله بيقولى يا ميدو لو تفتكر نرجع لموضوعنا الانسر انت ممكن تحط مواتير كتير وتعدل وخد بالك من حاجة معظم العربيات اللى بتطلع فوق ال800 حصان تعديلات تلاقيها يابانى

[A7MED_PHARMA]

تمام ياميدو
أنا بقالي فترة بسأل ع التعديلات ع المكنة..لكن مواتير الانسر تعبانة كلها مقارنة بالهوندا

أنا بفكر ف الهوندا علشان هيا الاستوك بتاعها قوي .. يعني من غير تعديل هي أساسا عربية قوية فحت
جنوط وفايبر وسبويلر ..وتبقا راكب طيارة
مع تعديل العادم وفلتر هوا
وبسسسسسسسسسسسسسسسسسسسسسسسس

[ahmedbasto]

يا دكتور انت ممكن تجيب مكنة 4g63 وتنزلها دة مفتري هو نفسة موتور الأيفو الفرق ما بينهم التيربو بس وبصراحة بينى بينك الهوندا جبارة سواء فى مواتيرها وكل حاجة بس قطع غيارها فى مصر مش رخيصة زى الانسر وبرضو انت حر .