رشحولى عربيه اقل من ال50

[A_M_N]

سلام عليكم

بدور على عربية متزدش عن 50000 بس تكون حالة نضيفة ترشحولى ايه
ورايكو انزل السوق ولا بلاش

[drhegab]

في الاول ربنا يوفقك ان شا الله وتلاقي حاجه كويسه
انا برضوا كل لما اشتري اشتري في الرنج دا
انا جبت دايو و لانسر كريستاله ودلوقتي معايا فيرنا
بصراحه الفيرنا اكتر عربيه ريحتني فيهم بس الانسر كانت احسنهم بس كانت حالتها مش قوي علشان كدا كانت تعباني شويه
ف اهم حاجه حالة العربيه اللى بتشتريها ولو هتسافر على طرق وسرعات وكدا بلاش الفيرنا لانها اخف من الدايو بس هيا بتسافر عادي انا بسافر بيها طنطا القاهره بس مش بزود اكتر من 120
الانسر عربيه تحفه بس كل اللى بيبعوها دلوقتي تجار لانها عربيه تجاريه والمهم انها تكون حاله كويس
الدايو عربيه بقا جامعه جميع المميزات وكمان العيوب ف هيا خفيفه بس مش قوي وقطع غيرها ممتااااااااااازه بس اياك من الاتوماتيك بتاعها
بس انا في النهايه هقولك ( فيرنا 2004 حاله كويسه مانيول فول اوبشن وتركبلها جنوط نضيفه وكاوتش جديد وانساهااااا)

[aboomar22]

نوبيرا -لانوس -فيرنا لو حضرتك بتحب العربيات الاقتصادية فى قطع الغيار وجيدة فى اعادة البيع
تويوتا كرولا -لانسر - لو حضرتك عايز عربية يابانى واعتمادية بس لانسر النضيف منها قليل
هوندا سيفيك si -اوبل فيكترا B لو حضراتك غاوى جرى وشد وامكانيات بس قطع الغيار غالية

[A_M_N]

اولا انا شاكر على ردود حضرتكم
اما بنسبة للفرنا انا بصراحة فكرت فيها هيا و اللانس الناس بتشكر فيهم بس بيشتكو من الثبات
و المشكلة انى غاوى جرى سمعت ان النوبيرا ثبتها احسن شوية عنهم الكلام ده صح و مشاكلها ايه ؟
و لو سيفيك او لنسر هيكونو موديل كام
انا بدور على عربيه نضيفه من اكتر من شهر هوف شكلى هاضيها موصلات وخلاص ههههههههه

[A_M_N]

انا سمعت كمان ان الاوبل الفكترا فيها مشاكل فى التبريد هيا فيها مشاكل تنيه ومشكلها بتتحل ولا لأ

[drhegab]

النوبيرا مشاكلها كتيره اسمع كدا بس
الانسر هتكون بين موديل 97 ل 2000
الانوس والفيرنا ثابتهم ضعيف بس يعني تحاول تاقلم نفسك عليه لو جبتهم
بس

[wama00]

انت ممكن تركب اوبل اوتوماتيك 2000 سى سى موديل اخر التسعينات الشكل الجديد فى حدود ال50 الف وتركب عربية تحكى عليها بعد كدة, وبالنسبة لمشاكل التبريد لو انت جبت عربية نضيفة يعنى مس ملعوب فيها هتريحك ولا عمرك هتشتكى منها

[alaamousa]

بص يا باشا في عضو في المنتدى كان عارض لانسر كريستالة فابريكة برة وجوة وبيشكر فيها اوي كلمه وشوف ايه ايه الكلام ان شاء الله خش على قسم البيع والشراء وشوف وربنا يكرمك

[Amrgamal1]

الاوبل فيكترا ممتاااازة وقطع غيارها مش غاليه اوي زي ما الناس فاكرة
وكفايه انها المــــــــــــاني يعني قوة وثبات ع الطريق وسرعات عاليه

[A_M_N]

شكرا على الردود
بس انا لسه عندى سؤالين
النوبيرا فيها مشاكل غير العفشة والرششات ؟
واللنسر المكوه (2002-2003) تعمل كام؟

[أحمد الجندى]

فيه عندك الكيا سيفيا 2 موديل من 99 ل 2002 تجمع بين الثبات والشكل الكويس جوا وبرا وسهولة الصيانة واسعار قطع الغيار كويسة وسعرها من 40 ل 45 يعنى توفير ليك كمان هى بس ليها عيبين مشهورين التابلوه بتاعها بيطق من الشمس ودلوقتى بقى ليها حل وطرمبة الباور .

وفيه اختها الكيا شوما نفس المواصفات بالظبط بس تختلف فى الشكل وفى منها الهاى لاين اوتوماتيك وفتحة سقف و abs ودى بتلعب فى رينج 48

[أحمد الجندى]

شكرا على الردود
بس انا لسه عندى سؤالين
النوبيرا فيها مشاكل غير العفشة والرششات ؟
واللنسر المكوه (2002-2003) تعمل كام؟

ليا واحد زميلى لسه جايب لانسر مكوة ب 63

[mido]

لانوس -فيرنا هتلاقى عربيات كتيره حالتها كويسه بالسعر ده
لو طلعت بالعربيه شويه يبقى الزم تدور كتير على ما تلاقى حاجه كويسه بالرقم ده

[KemozTanta]

لانوس لانوس لانوس
عربية جميلة في فئتها وهتريحك وكانت معايا سنة ونص ولا مرة كسفتني ولا مرة عطلت او الكلام اللي الواحد بيشوفة في الشارع وبعتها في ربع ساعة بالظبط
يعني اعادة بيع ماتشيلش هم ابدا و كصيانة برضة ولو حافظت عليها مش هتقل معاك

[SHNORY]

لانوس او نوبيرا لو مش غاوي وجع قلبي
قطع غيارهم ببلاش
وزي ما قال استاذ كيمو ممكن تبيعها في ربع ساعه وقت ما تتزنق
بخصوص العيوب والاعطال ادخل قسم كل عربيه وشوف الناس بتشتكي من ايه
والحلول ايه
والتكاليف وقطع الغيار