ناس مبتعرفش تبيع ؟؟؟

[HRH_Sameh]

كلامك واقعي واسلوبك لذيذ جدا
وده واقعنا: الكوميديا السوداء

[douha_wise]

كلامك واقعي واسلوبك لذيذ جدا
وده واقعنا: الكوميديا السوداء :o_stupid[1]:

على رأيك فعلا احنا كشعب مصرى بنشوف الويل و بنعانى اشد المعاناة و لفترات طويلة جدا و فى النهايه كل ما واحد يصدم فى شئ و يمتلئ بالغيظ أو بما هو اعظم و اكثر حاجة ممكن يعملها انه يحول هذا السواد و الضيق الى كوميديا و نظل نسخر و نضحك على حالنا و أظن ان هذا من فضل الله علينا و الا كنا إما نموت من الغيظ أو ننفجر فى وجه بعضنا البعض

[mmffor]

الموضوع في الجوووون

[me_medoo]

ربنا يخليكم يارب الحمدالله أن عجبكم الموضوع ...
وفعلا زي ما قلتم المواطن المصري بيشوف المر والعزاب رغم انو دايما يستحق الافضل بس ماتعرفش دايما ً المصرين ملهمش بخت ... لذلك انا كمان كاتب موضوع تاني أسمو صرخة مواطن ؟؟؟؟؟ أرفعو الجمارك ؟

والحمدالله أيضاً كان صدى الموضوع واسع والنقاش سخن هناك بدعوكم أنكم تشاهدوه هتلقوة في المنتدى العام والدعوة عامة .

ومرسي جداً لزوقكم وردودكم الجميلة ومشاركتكم الرائعة

[Amrgamal1]

هههههههههههههههه
عجبني اوي الجزيء بتاع رالي الحرفيين دا

[me_medoo]

ههههههههههههههههههههههه يبقى أكيد حضرت الرالي
بجد بجد محترفين وعارف بالذات انك بتشارك بعربية مش عربيتك فبتلاقي الواحد كد بيبدع ههههههههههه عربيت الزبون هههههههه

[beckeryahia]

بص ياباشا , من الاخر لو عايز عربية ممتازه وبنفس متطلباتك وبسرعة ومن غير لف ولا دوران يبقي عليك وعلي المعارض المحترمة المشهورة , اكترهم احترام في التعامل المعارض اللي في المهندسين والدقي , انت بتقولة علي طليك وبيطلعهولك من 1000 عربية عندة وبياخد 500 . ويجيبلك العربية لحد عندك وهات اي حد يعاينها في اي وقت براحتك , انا شايف ان العربية في المعرض بتبقي احسن كتييييييير من السوق والنت

[عصام غنايم]

بأمانه يا مستر ميدو موضوعك من احلى المواضيع اللى قريتها فى المنتدى

افضل كوميديا هى الكوميديا الواقعيه التى تضحكك على حالك البائس

لك منى كل التحيه

[newuser2009]

موضوع واقعي و دمه خفيف
وربنا يصبرنا

[Elawany13]

هههههههههههههه .... موضوع رائع ... وكوميديا سوداء ومهببه بهباب

[tutankhamoun]

موضوع كوميدي

[Eng_hatemfathy]

على فكره موضوع تصليح العربيات الزيرو ده موجود ومنتشر وانا شفت عربيات فى سوق السيارات من غير نمر وباكياسها والاستيكر وحسيت انى شاكك فيها لان ليه كل العربيات دى بتتباع من غير نمر هناك مش معقوله كل دول اتعذروا فى قرشين اول لما اشتروا العربيه وهيخسروا فيها كام الف فورى
وانا من 15 سنه شفت لانسر زيرو عند سمكرى واقعه من فوق كوبرى وبيغير سقف وقوايم وقالى متتكلمش دلوقتى شفها لما تخلص بعد كام اسبوع وانت تعرف
للاسف انا لما اشتريت اللادا وفى اول سفريه وكنت راكنها جنب شجره لقيت ظل غريب فى الباب والرفرف وبعد الفحص لقيت اثر تلقيط واتقالى ان معظم العربيات بتتخدش اثناء الشحن من روسيا وطبعا روسيا بعيده فالخدوش كتير وبيتم تلقيطها -منتهى الامانه بصراحه
ووانا بشترى الشارك من سمير ريان قالولى عندهم شارك زيرو رشت اكصدام وطبعا سعرها اقل -بصراحه احترمت امانتهم وتمنيت ان عربيتى تكون وصلت ليهم من ناس امناء يعنى معدتش على معارض نصابه وتوكلت على الله واشتريت السليمه الى مش رشه وانا فى الحمام بتوضا لقيت اتنين عمال بيشتموا على زميلهم وبيقولوا الواد ابن ..... امبارح راح يجيب عربيه جه للزبون والعربيه مدخنه احنا لو قلنا للحج هيقطع عيشه وهوا يستاهل
طبعا كان هيغمى عليا وقلت فى عقلى طب يا ترى مين اللى جاب عربيتى من الوكيل (ابو رواش) لمدينة نصر (المخزن) ثم للعباسيه (المعرض) هل عدى صاحبنا عليها فى مشوار من دول -ربنا يستر
تخيلوا اصبح قطع العيش مقدم على الامانه وللاسف موضوع قطع العيش موضوع مستفز يبقى لواحد من دول عامل مصايب يستاهل لدبح وتلاقى واحد بيقولك بلاش تقطع عيشه مهوا اللى قطع عيش نفسه
مش عارف امتى البلد هتنضف من الاشكال دى والواحد يبقى مطمن وهوا بيشترى حاجته كبيره او صغيره لما فى شراء الشقق والعربيات بنكون قلقانين طب نعمل ايه -نهج منها ونسيبها للحراميه ؟؟؟

[tutankhamoun]

تخيلوا اصبح قطع العيش مقدم على الامانه وللاسف موضوع قطع العيش موضوع مستفز يبقى لواحد من دول عامل مصايب يستاهل لدبح وتلاقى واحد بيقولك بلاش تقطع عيشه مهوا اللى قطع عيش نفسه
مش عارف امتى البلد هتنضف من الاشكال دى والواحد يبقى مطمن وهوا بيشترى حاجته كبيره او صغيره لما فى شراء الشقق والعربيات بنكون قلقانين طب نعمل ايه -نهج منها ونسيبها للحراميه ؟؟؟

للآسف يا أستاذ حاتم
المفاهيم عندنا في مصر كلها غلط في غلط

تلاقي واحد يقولك أنت بتقطع عيشه ... ( لو اطرد مرة هايحترم نفسه بعد كدا ) لما يكون الغلط على حساب حد تاني يبقى لازم يتم الأبلاغ عنه علشان الطرف التاني ذنبه أيه ؟؟؟
و تلاقي ناس تقولك هو أنت هاتقبل العوض ..... أكنك مثلا هاتقبل حاجة حرام (مع أن مبدأ الإسلام هو من أتلف شئ فعليه أصلاحه )

شعب مصر بيحب يألف للآسف و يفتي في كل حاجة

[Eng_hatemfathy]

للآسف يا أستاذ حاتم
المفاهيم عندنا في مصر كلها غلط في غلط

تلاقي واحد يقولك أنت بتقطع عيشه ... ( لو اطرد مرة هايحترم نفسه بعد كدا ) لما يكون الغلط على حساب حد تاني يبقى لازم يتم الأبلاغ عنه علشان الطرف التاني ذنبه أيه ؟؟؟
و تلاقي ناس تقولك هو أنت هاتقبل العوض ..... أكنك مثلا هاتقبل حاجة حرام (مع أن مبدأ الإسلام هو من أتلف شئ فعليه أصلاحه )

شعب مصر بيحب يألف للآسف و يفتي في كل حاجة

يا باشا يا ريته عوض ده جزء بسيط من العوض لان العوض الحقيقى انك ترجعها فبريكه بتاعة بلادها يعنى الفرق بين اليابانى تقفيل اليابان واليابانى تقفيل مصر زى النيسان حوالى 40% يبقى فين اعادة الشىء لاصله
وبرده ياريته عاجب انا مره خدت واحد على القسم خبطلى الفانوس بتاع اللادا من ورا وكنت نازل ابيعها تانى يوم لان الباشا كان بيقرا عنوان من ورقه ومش باصص قدامه ولما نزلت طبعا خدنى بالصوت الاول ان الفانوس كان مكسور وبعيد وش تخويف ان دى عربية رائد ولما لقى لسانى ظفر معاه والرائد قالى انها عربية سفيره برده لسانى ظفر تانى فهم انى مش باكل من ده وطلبت منه يدفع تمنه 200 جنيه طبعا يمين شمال يفهمنى انه الوش بس ولما طلبت منه يجيبلى وش لانه مفيش حاجه اسمه وش حاول يهرب طبعا خدت مفتاح العربيه منه وقلتله قابلنى فى النقطه
وطلعت على النقطه بتاعة صقر قريش ملقتش الا عسكرى ومفيش حتى امين لانهم كلهم خرجوا يعاينوا حادثه على الدائرى وطبعا رجغت ابص عليه الاقيه بيحاول يدورها وطبعا ينسى لانها شروكى وعرضت عليه التفاهم تانى علشان ميتأذيش لانى فهمت انه من الاخر سواق وطبعا بيفاصل بهبل يعنى عايز يدفع 20 جنيه وبعدين يقولى تعالى عندنا فى المعصرة وانا اغيرهولك -مش عارف اقول ايه انا هروح لحد عندهم علشان اخد فلوسى من ابوه-هههههههه
علشان مطولش كتير بعد ساعتين تلاته من اللطعه فى القسم وبعد لما الامنا رجعم ورحنا جبناه وجبنا العربيه واتصل باهله وده مربط الفرس امه قعدت تتخانق كانى قتلت ابنها وابوه بيفاصل بالرغم من انى لقيت الفانوس ب 275 مش 200 واشتغل بنظام الدعاء عليا شويه والتهديد شويه وقلت ادب شويه وكل ده جوا النقطه ولا هما عايزين المحضر يكمل ولا عايزين يدفعا وكأنى بدبح ابنهم المستهتر الرائد سابقا سواق السفيره لاحقا واخيرا سواق فى وزارة التعاون الدولى وفضل الموضوع على الحال ده لحد لما دفعوا بعد ساعتين واتعمل محضر صلح وطبعا الدعاوى شغاله عليا للدجى كأنى غلطان وعنوان الموضوع انت هتقبل العوض انت تحمد ربنا ان انت سليم وفى داهيه العربيات والصاج كله
يا حزن قلبى على شعبك يا بلدى

[me_medoo]

تسلم ايديكو ياشباب على مشاركتكم الجميلة
والله يكون في عونك يا أستاذ حاتم ويكون في عون كل واحد مصري شريف ونزيه ... وفعلاً بلدنا لازم تنضف بأه ، الناس بتنصب على الناس وناس بتغش الناس ... ومفيش لادولة ولا قنون تحمي الناس ، ولا تحفظ حقوقهم ... لدرجة ان كل انسان بأه حاسس أنو مش عايش في دولة محترمة ليها اسم بل كل واحد حاسس انو عايش في غابة والشاطر الي يعرف يمد أيدو ويخطف اللقمة من بق غيرو ، الشاطر الي يعرف يجيب حقو بدراعو الشاطر الي مش يعيش شريف الشاطر الي يعرف ينصب ويضحك على الناس ويستخف بيهم وياكول حقوقهم ، يارييتني أقدر أقول غابة ده حتى الغابة بتبقى جميلة كلها زرع وشجر وجوها جميل .. وانشاء الله في موضوع قريب هطرحو مين بيدفع التمن غلطتو ؟

لكن بالعودة لموضعنا موضوع الحرفين ... ده بأه يخلي الواحد يشك في كعب رجلوو ... زي بالضبط كنت قاعد مع شب بحاول اقنوعو انو يتجوز والجواز حلو ولازم تفرح ولدك وتستقر بأه ... لقيت نظرتو غريبة وبيقولي أيش ضمني أن البنت لسه زيرو وفبريكة وماعملتش عملية قبل كده وكل يوم نسم عن العمليات ... ورغم صغر سنو الا أني معرفتش أرد عليه غير أني أقولوا وكل همومك لرب العالمين واظفر بذات الدين تربت يداك والطيبون للطيبات ، قام رد علي وقالي ما هو انا المشكلة مش طيب قلتلو يوووووووووووووووه خلاص هتلاقي وحده خبيثة زيك روح غور من قدامي .

بس الشاهد في الموضوع أن تصور الشب الي عاوز يجوز ومقدم على خطوة زي كده قد أيه الشك مالي قلبو ... وده جواز ... فتصور الان حتى لمن الواحد يحط شقى عمرو في عربية قد أيه الشك مالي قلبو حتى وهيا عليها الاستيكرات بتاعتها ... وكل ده ليه لأن مفيش قانون في البلد يحمي المستهلك ولا في سجل للعربية في المرور ... ده المصيبة انك كمان تشتري عربية وتطلع مسروقه أو ملهاش ورق أو مضروب ليها ورق وتوكيلاتها مزورة طيب انتا كأنسان بسيط هتعرف منين وتتأكد أزااااااااااااااااااي وعقابل ما تتأكد ياترى العربية هتفضل موجوده تضمن منين أنها مش هتتباع ؟؟؟؟؟؟

بجد ربنا يكون في عون كل واحد أسمو مصري .